شافه قاعد بالكفيتيريا وماسك جواله، ابتسم وراح له.
هيثم قلب عيونه وقفل جواله وقلبه.
هيثم وهو رافع حاجبه: نعم؟
عمار: افاا، كذا تسوي باخو حبيبك؟
هيثم: ولك عين تذكره على لسانك القذر
عمار: بالنهايه هو اخوي
هيثم نفذ صبره مسك جواله وكان بيقوم بس عمار مسك يده
عمار: لحظه شوي لا تروح بسرعه
هيثم :مالي كلام معك وانت عارف هالشي
عمار : بس انا مالي دخل باللي صار
هيثم بعصبيه : انت كنت الراس المدبر لكل شي، انت! لولاك كان عمر عايش معي الحين، بعمري ماراح اسامحك يا حقير
فلت يده منه بقوه وراح بعيد عنه، دخل داخل المستشفى وبين الممرات سند ظهره على الجدار وظل ياخذ انفاسه
مر بخياله شريط ذكرياته مع عمر، ونزلت دمعته، كان ساكت مع عمر، بس مع رامي ماراح يسكت.
لاحظه محمد اللي طلع من عند رامي وراح يدوره.
محمد: هيثم؟
راح له على طول ومسك وجهه وشاف دموعه
هيثم بـ بكاء: اشتقت لعمر، ليش راح ليش؟
محمد ما رد وحضنه على طول وظل يحاول يهديه.
عارف بالضبط وش صار وما كان يحتاج انه يسال
__
بعد فتره
تأفف رامي وهو يلبس جزمته.
رامي: وينهم ذولي، ابي اروح طفشت
قام وطلع من الغرفه وهو يتمتم مع نفسه
رامي: اكيد يترمسون الحين وانا هنا اعاني.
ظل يمشي وهو يتلفت يمين ويسار يدورهم
رامي: لو كان معي فلوس كان سحبت عليهم ورحت بتكسي ولا اي زق
شافهم جايين من بعيد ومحمد ماسك هيثم وهيثم منزل راسه.
تنهد براحه لما شافهم وراح لهم على طول
رامي: اخيرا يلا يلا ابي ارجع البيت طفشت
محمد: يلا كنا جايين ناخذك اصلا
رامي قرب لمحمد وهم متوجهين للبوابه
رامي بهمس : شفيه هيثم؟
محمد ابتسم: ولا شي
رامي:بزر عندك تكذب علي، شايف وجهه كيف منتفخ اكيد كان يبكي، ليش؟
محمد: رامي خلاص، لا تقعد تتلقف، بعدين اقولك الحين ما ينفع
رامي: طيب شفيك عصبت، الزبده بتروح ولا؟
محمد: وين؟
رامي: وكلام فيصل، نسيته بسرعه؟
محمد:اووه، مدري احس مالي خلق
رامي: يعني اقوله خلاص ماراح نروح؟
محمد: لا يحمار وش دخلك فيني؟ روح معاه هو عازمك انت مو انا
رامي عقد حواجبه : بس مابي اذا ما بتجون معي
هيثم : يحمار روح هذه فرصه تقعد لحالك معاه
رامي: اخيرا سمعت صوتك؟
هيثم ابتسم له
رامي : المهم الشاليه حقتهم يعني اكيد اكيد ايهم بيكون موجود ولانه بيكون موجود يعني سعود موجود وانا ما ابغى اقعد معهم اثنينهم لحالي معليش محمد اذا انت ما تبي باخذ هيثم وانت بكيفك خيس لحالك
محمد ضرب راس رامي من ورا : كلزق تاخذ حبيبي مني! انقلع روح، حسستني انهم حيوانات مفترسه بياكلونك، وش تبي فينا؟
ابتسم رامي بغباء: عشان تحموني من الحيوانات المفترسه
ضحك هيثم بقوه على وجه رامي، ومحمد ناظر له، وظل يتأمل شكله وابتسامته
رامي نغز خصر محمد : ها وش قلتت، بتروح ولا؟
محمد بإنفعال خفيف : هاا وشش، انقلع خلاص بنجي افف غثيث
__
وصل لشقته فتحها ودخل، لقى نور الصاله بس شغال وعرف ان ايهم موجود
دخل وشافه غافي عالكنبه وضام سيقانه
فكر، يشيله ويوديه على السرير ولا يغطيه مكانه؟
دخل الغرفه ودور لغطى ثقيل شوي، وغطى فيه ايهم، لانه خاف يشيله ويصحى.
جلس عالارض ومسح على شعره وظل يتأمله، كيف انه فيه لمحه من رامي، واثنينهم للحين مو ملاحظين ذا الشي، ضحك بخفيف وتخيل اشكالهم.
