شبكته وهوه يبوس براسي دموعي نزلن واني اتذكر لحظاتي هنا واعاتب القدر اللي فرقني عنهم واعاتب زيدون بكبره ليش هيج سوه بيه
اجت امي طاحت بالكاع
يييمممهه حياه يمه بنيتي سوده عليه
ركضتلهه اشبك وابوس بيهه وهيه تبوس بوجهي افييييييششش شكد مشتاقه لعطرهه وحنانهه اللي ماكو منه
اجو اخواني وخواتي سلمت عليهم بحراره وابجي وابوس بيهم
ابوي جلب بمحمد وبتول الا يبقون بس دخلو شربو ماي وراحو ما ضلو تشكرت منهم وراحوو
امي.. يمه شبيهه ايدج
حياه.. انتحرت
امي.. انتحرتي وليش ما خفتي يمه
حياه.. شلون قبلتو تنطوني هيج بدون زواج وطول هالفتره اني مثل العميه الخوثه لا عقد شيخ ولا محكمه عايشه عد ناس وعد رجال ما عاقدين
امي.. يمه هذا رجلج خطر وشغله يخَوف وهددنه بااخوانج وسمعتج وانطيناج اجباري بس من يوم الرحتي اتصلنه عليج كال لا تتصلون منعنه منج كلش وكلبنه من ذاك اليوم ما مرتاح
حياه.. حسين ماكوو
امي.. حسين من يوم الرحتي طلع من البيت وبعد ما رجع كلشي ما نعرف عنه اخذ عايلته وغراضه وطلع
حوراء.. هاي الحلوه منيه وهاي منيه
حياه.. هاي ميلاد بت كرم من مرته الاوله وهاي بتي همسه الجنت حامل بيهه
حوراء.. يا صلوات جبتي فدوه.
ويبوسون بيهه ودق ذبت ميانه ويه الكل بس ايه احسهه ما مرتاحه تريد ذاك بيتنه سولفتلهم اللي صار وحياتي وكلشي عرفت كرم مهددهم بشرفنه وسمعتنه وقتل اخواني اذا ما ينطوني اله وجان لازك بيه لاني مرت المذنب اعتقد يريد يموتني الله اعلم شراح يصير بايامي الجايه
جانت ب12 ونص خواتي راحن واخواني راحو لبيوتهم
رحت لغرفتي بس فتحتهه اجتني نسمه عطر عطري المفضل اوووف يا دنيا وين ذبيتيني ذبيت روحي على الجربايه وشميت عطر الفراش شكد حلوو
ودق.. الله شلون غرفه حلووه ماما هاي مالتج
حياه.. اي
ودق.. انه انام على الجربايه انتي نامي بالكاع يم همسه
حياه.. دنجبي نامن انتن بالكاع
من تعبي نمت بسرعه حسيت على امي اجت باستني وغطتني رفعت راسي نايمات البنات بالكاع ومفروشلهن رجعت راسي وكملت نوومتي للصبح
فزيت ب11 كمت لميت شعري ولبست حجاب متعوده عليه ورحت غسلت وجهي ورحت للمطبخ
البنات يسولفن ويه امي وابوي امي تطبخ وابوي مكابلهن ويسولف وياهم
ضحكت من شفت ابوي يكشر بتيته الظاهر نبع الحنان تشغله وياهه بالبيت
حياه.. صباح الخير
امي.. هله يمه صباح النور نورتي تعاي خل ابوسج
بوستهه
حياه.. انور بوجودكم يا رب
وبست راس ابوي وكعدت ابوي كام
حياه.. ها بابا وين رايح خل اشوفك اكعد نسولف
ابوي.. لا ما رايح هسه اجي
حياه.. براحتك
درت على البنات احاجيهن سوده عليه ابوي سواالي لفه جبن وكلاص جاي حطهن كدامي
ابوي.. اكلي بويه امج تتأخر بالغده
حياه.. مشكور بابا الله يحفظك انته َامي
اكلت اللفه وشربت الجاي وكمت اساعدهم ابوي كمل البتيته وراح طلع امي كالت اني اسوي الغده عاد لميت البيت هوسه من امس وكنست ومسحت وامي كلساع وكايله اكعدي كافي البنات وياي ينظفن ويلمن
خلصنه وكعدنه نسولف اني وامي وهذن بسطن بالطوس مالات امي عدهه طوس على شكل اشكال كارتونيه ويلعبن ويجيبن اكل من الثلاجه ويطبخن باللعب راح يوصخنه من جديد
امي.. اي يمه شخباركم عيالج شلونهم
حياه.. الحمدلله ماكو مثهم
امي.. اجيتي اجازه لو تبقين
حياه.. ما اعرف يمه
امي.. الله كريم بلكي عافج اكول شنو سالفه ام اسد شو امس حماج يصيحلج ام اسد
حياه.. يا يمه هذا وليدي اسودي حبيبي سوده عليه مشتاقتله ويومي يمر كانه سنه
وكلتلهه السالفه
امي.. يعني ابن زيدون شوف الحقير االله يسامحه
حياه.. انتم شلونكم اخباركم اشو كبرانين
امي.. بيوم روحتج ابوج طكته جلطه وطاح بالفراش يمه فراكج صعب صارلج هواي
حياه.. سوده عليه من عافيتي على عافيتكم
امي.. اسم الله عليج حبيبتي اكلج احنه هذا الاكل راح نضمه الطبخته ناكل من اكل بناتج مبين حلو من ريحته
حياه.. هههههههااااييي
بوكتهه ضحكت ضحكه كلش قويه من كل كلبي مخبئه الألم والحزن والخنكه بكلبي لان بوجود العافيه امي وابوي انسه كلشي
اختصرلكم
مرر اسبوع عايشه هنا براحه وطلعات وطبات بس بالي وكلبي يم كرم صدك ثبتت لنفسي احبه ميلاد ويانه باقيه وكلهم حبوهه ضلينه كل يوم نطلع ونمضي الوكت اخواني وخواتي يجون الصبح يرحون بالليل علمودي حسين ما عدنه مواصله وياه شكد تمنيت يجي اي خبر عن اسد ما اعرف وبالي يمه عيالي ما اعرف عنهم شي
لحد ما خابرتهم وعرفت كلشي منهم
هديل انخطبت خطيه فرحتلهه فد خوش بنات والله شاهد لا فد يوم اذني لو زعجني ضلت سرى ورغد
بتول ومحمد سافرو للبنان وانصاف زعلانه عد اهلهه شامرهه كرم
اسد طلع بس ما يقبل كرم يجيبه الي عرفته راح يستخدمه كتهديد علمود خاف افكر ما ارجع يحرمني منه علمود ارجعله وتوسلت بيه ارجع وسئلت عن البنات وسديته منهه
امي.. يمه خالتج خابرت وكالت اريد البنات يومين يمي اشوفهن
حياه.. شنو يومين شدعوه اوديهن العصر ويجن بالليل
امي.. يمه هنه هم حفيداتهه لا تحرمينهه منهن
حياه.. اسفه يمه ما اكدر حته اوديهم تشوفهم ما اريد يتعرفن عليهم
امي.. براحتج اكلهه تعاي باجر شوفيهم
حياه.. ما حصلتي حسين
امي.. لا اخوانج وابوج يدورون على اصدقائه بلكي ياخذون رقمه ويخابرونه
ثاني يوم اجت خالتي تبجي وتصيح بنات العزيز ضلت ثلاث ايام تجي وتبجي لحد ما
خالتي.. يمه انتي راح تتزوجين وتروحين احنه بناتنه نريدهن نخاف عليهم زوجج كلشي يسوي
حياه.. اكلج خاله شكد ما تستحين فوك سوايه ابنج جايه تتهمين رجلي الله يصيحله بابا واعتبرهن روحه من الدنيا ما انطيهم البنات
خالتي.. شنو هوه كيفج غصبا ما عليج ناخذهن
مرت اسبوعين وخالتي كل يوم تهدد بااخذ البنات تندمت اكثر من مره لان اجيت لحد ما اجاني طلب بالمحكمه بتسليم البنات لاهل ابوهم
لان الحضانه للاب بعد الزواج بوكتهه بجيت بجي
وكدام عيوني اخذتهن وهنه يصرخن بكل قوتهن عليه امي حجت عليهه وتعاركت وياهه
ومرت خمس ايام اني بالموت حرمتهن مني كليا ما اشوفهن
ما ضل عندي بس شي واحد
كرم.. هلوو حياه
حياه.. كرم الحكلي فدوه
كرم.. شصاير ولج ليش تبجين
حياه.. كرم اخذو جهالي مني
كرم.. منو اخذهم
حياه.. خالتي رفعت دعوه بالمحكمه واخذتهن
ضل يكفر ويغلط ويسب بخالتي ويصيح واهدي بيه حته اهلي كلهم اجو ابوي حجه وياه وهدء
ابوي.. هاج بويه يريدج
كرم.. شوفي حياه وحك الاسمه الله بناتج باجر بحضنج بس بشرط تجين هنا واعقد عليج والبنات يتسمن بااسمي من جديد
حياه.. ايي
كرم.. وجعيي شنو اي موافقه
حياه َ.. اي موافقه كلشي سوي اني موافقه
سديته منه بعد ما تطمنت على اسد وعلى ايده
ضليت انتظر على احر من الجمر واهلي متفاجئين برده فعله
حوريه.. يالخوثه عايفه هالذهب وجايه هنا شعندج والله توقعت يكللهه خيولن هم اهلهم انصدمت صراحه هنيالج عليه
حوراء.. خوثه شنسويلهه ولج اني رجلي من اتعارك وياه يكلي اخذي جهالج وروحي لبيت اهلج وهمه جهاله عاد هذول جهال غيره وهيج يريدهم
احسان.. شراح يسوي
حياه.. كلشي توقع من خالتي يخطفهم يهددهم
ابوي.. ليش هوه وين شغله
حياه.. بالاستخبارات
حسان.. اي شغل الاستخبارات زين وحلو وكلشي يريده يسويه غصبا ما عليهم
حسين.. منو هذا
باوعتله حسين يمه متغير هذول شمالهم اهلي مشيبين ومعجزين ركضت عليه وحضنته حضن يويلي شكد مشتاقتله اكثر شخص مقرب عليه ابوس بيه وابجي منا ابجي على بناتي وضايجه وهسه شوفه اخوي العزيز هوه يبوس بيه وشايلني ويفتر بيه
حسين.. هاي شنو صايره جبيره متغيره شيوكلج رجلج حلقوم وصايره حلقومه
حياه.. ههههه انتم متغيرين شصاير بيكم الشيب تارس راسكم
حسين.. مو هين فراكج هاي زوجتي وهذول جهالي
حياه.. هله بيج حبيبتي
زوجته.. اتشرف بيج حبي
حياه.. الشرف الي يعمري فدووه هذول جهالك والله انته اجكم هذول عسل فداوي لهل خدود
اثنين ولد وبنيه يخبلون ومرته كلش حلوه وخوش بنيه اسمه سرور ومرت احسان فضيله ومرت حسان امينه حوراء زوجهه اسمه رعد وحوريه داوود
حسين عنده بنيه وولد
حسان.. عنده اثنين ولد وبنيه
احسان..عنده اثنين ولد اثنين بنات
حوراء.. ثلاث اولاد
حوريه.. تزوجت وره ما رحت لبيت كرم بسنه عدهه بس بنيه وهسه حامل
وامي وابوي
المهم ضلينه كاعدين ونسولف وتعشينه والضحكه ما فاركتنه بس نقص بناتي هسه شصار بحالهن
بوكتهه الكل بات هنا ومحد راح نمنه وحده فوك الثانيه واخواني وابوي بالديوانيه واحنه بالهول والله لحظات تخبل
بس اني ما نمت ضليت كاعده للصبح غفيت ب6 ونص الصبح وهمه هيج وكت يكعدون
نسوان خواتي سون ريوك لخواني ولجهالهن وراحو طبعا اني نايمه بس ما طلعت نايمه كلساع وواحد من الجهال يبوسني ويكعدوني شوفينه حلوين ما حلوين طلعت نومه عكره اني دائما نومتي عكره خصوصا اذا جنت تعبانه
