قاعدة نجري في المشفى هاربة
- نيهان سيزين الشرطة محاصرة المكان
- مدرت والو علاه هكذا
حكمني الشرطي حط الأصفاد على يديا
- راهم سرقو ولادي
نبكي نحلل فيه وهو ينفخ عليا
- اااففففف اااففففف اااففففف
- وش تحكي ؟
صوت حس قوي وفجأة حليت عينيا و استمر صوت
- ااااافففف اااافففف اااافففف
قلبي يضرب بقوة وعينيا على السقف الابيض و ضو القوي جيت نتحرك يديا مربوطين عضيت شفتي وهزيت راسي بشوية شفت حولي ... صالة هذي نعرفها و طاولة هذي تاني
- ااااففف اااففففف اااففففف
سمعت صوت مرة أخرى هزيت راسي جهتو نزل شعري على وجهي بحركة تع " شوفو شعري 😂" طلع ورا كتافي شفتو ، حليت فمي باهتة في المنظر الجميل البديع بلعت حلقي كان لابس شورط طويل لونو رمادي وفي رجليه باسكات ابيض مش لابس من فوق قاعد يدير في بوش آب و قدامو اثقال العرق نازل على ذرعيه حتى اني محسيتش على روحي بلي كنت نعض في شفتي هز راسو فجأة نزلت بسرعة قلبي يضرب خايفة، شكون هذا علاه جابني هنا زهرة قالت مش هذا اب الاولاد كنت شبه متأكدة اااي والله انا غبية كاين مليون اسمر عندو سيارة سوداء و تاتو 😭
رجعت هزيت راسي لقيتو مكانش دورت جهة الثانية مشفتوش نزلت رجليا على الأرض و نزلت بشوية شفت حولي و نضت جيت هاربة لقيتو وقف قدامي ضربت فيه حكمني من كتافي و رجع دزني على الفوتاي قعدت
صحت على طول صوتي وشفت معاه بقا واقف مكان حتى تعبير على وجهو هز حاجبو يخزر فيا عدلت روحي
- علاه راني هنا شكون انت ؟
تبسم بهدوء
فهد : شكون انا؟
مسح بيدو على لحيتو وحسيتو مقلق ورجع خزر فيا
فهد : انا لي عندو وحدة كيفك عقوبة وين نروح تخرجلي
مفهمتش وش يقصد بصح يعني صح دوك مرتين نتلاقاه في الطريق المرة لي فاتت و بعدها في المشفى ... و... والبارح وكل مرة تصرا حاجة ، امير حاولوا يقتلوه و في المشفى واحد خدر الأمن تع الباب و البارح طلقات نارية عليا انا وزهرة ... اوه نو موحال
فهد: شكون نتي ؟ وعلاه تبعي فيا ؟
- منيش نتبع فيك
فهد: جيتي معايا للدار هنا وخدرتيني و في كل بلاصة نلقاك تفسدي عليا في شغلي شكون بعثك؟
- شغلي؟ شغلك؟ شغل واش ؟
قرب مني وانا بعدت وصحت على طول صوتي
فهد : وينو امير ؟
- بعد عليااااااا
حكم وجهي غطا فمي بيدو سكتني لصقت في ظهر الفوتاي وهو كان مطبس عليا وقريب مني بزاف ، خايفة و مرعوبة وباقية نبعد في فكرة من راسي و نرفض فيها
فهد : بركاي ما تصيحي واحد ما يسمعك جاوبيني وين ديتي امير
تجمعو دموع في عينيا انا اصلا منعرفش وين هو امير الخداع بعد ما انقذتو هرب
نزلو دموعي شاف مع يدو وسيبني وقعد على الطاولة مقابلني تكمشت في روحي مسح دمعتي لي على يدو وضيق عينيه خزر فيا
فهد : بلا صياح و بلا بكا قوليلي زهرة و امير وين ؟
جيت ننطق صوتي يرجف
- منعرفففش
قلب عينيه ونفخ بضيق
فهد : يا بنت الناس احكي متخلينيش نتصرف معاك بطرق مختلفة
- والله ما نعرف
نزلو دموعي مرة أخرى وهو ضرب يديه على فخادو
فهد : شكون سلطك عليا نتي دوك ... قوليلي علاه عاونتيهم ؟
بلعت ريقي نحاول نسكت
- امير و زهرة يعرفو وين اولادي
هز حاجبو وسكت يخمم شوية
فهد: هوما داوهم ؟
حركت راسي ايه
- كون يموت امير مش رح نعرف وين راحو
فهد : قوليلي هو وين ونخليه يقلك هوما وين
- قاعد تحوس عليهم حتى انت ؟
فهد : ايه مش قلتي أنهم ولادي ؟ حاب نلقاهم
الحيوان الكذاب زهرة قالت انك مش انت البارح شفت باباهم تع صح، تحسب فيا حمارة وش راه يخطط هذا
- بصح انا منعرفش وين راهم
نفخ بكل قوة و مرر يدو على شعرها شعرو
فهد : يعني تحبي تخليني نستعمل العنف معاك ؟
قوست شفافي نحاول نحكم البكية ياربي وين لصقت انا دوك
- وعلاه قاعد هنا تعيط عليا حوس عليهم
صونا تيلفون تاعو و المجيب الآلي رد جا صوت واحد
.... احم ، الو المهمة تبدلت اقتل زهرة و الطبيبة اسمها نيهان سيزين و أمير خليه رح نتصرفو معاه رح نبعتلك المعلومات وين تلقاها ...
قص تيليفون وانا حسيت كأني تشليت بقا الصوت يتردد في راسي ، قال اسمي ؟ ايه اسمي
دورت نشوف معاه قاعد يشوف تحت وهاز حاجبو نزلو دموعي، هو قاتل هو لي كان يقوص البارح هو لي قوص على امير ورح يقتلني معرفتش كيفاه وقفت فوق الفوتاي هذاك و نقزت هاربة جهة اي بلاصة وكأنو عندي وين نروح ، صوت البكا تاعي كان يتعاود صداه في الدار الكبيرة هذي وقفت قدام المصعد وانهرت على الأرض ثم نعدد بالبكا نحاول نفك يديا ومقدرتش ، سمعت خطواتو من ورايا
- لااااا لاااا بعد عليا بعد وش درت حتى تقتلني
نضت و بعدت حتى لصقت باب المصعد نشوف معاه ونبكي نزلت مع الحيط وقعدت شعري نزل من ومن على جانبي ....
- يا ربي علاه هكذا ديما كنت مليحة و جامي درت الشر وديما نعاون الناس
فهد : انك تكوني طيبة ميعنيش انو متلقايش ناس اشرار في حياتك
هزيت راسي ليه و دموعي لا حبو يحبسو
فهد : كأنو الغزالة تقول انو هي تاكل غير الحشيش علاه كلاها الصيد
حكم ذراعي وسحبني وقفت نرجف بكلي من الخوف ... عندو حق في وجهة نظرو بصح مناش في غابة
- نعطيك وش تحب متقتلنيش كل لي كنت نحب عليه هوما ولادي
فهد : انا عبد مأمور ندير في خدمتي لي خلصوني بش نديرها
- وشكون لي يحب يقتلني علاه
فهد : تحركي
رجعت قعدت محبيتش نمشي
- لاااا .... نخلصك انا
ضحك ورجع سحبني بكل قوة حسيت كتافي تخلع من بلاصتو
- ااااي
وقفت شاف معايا من فوق لتحت
فهد: لي نخلصو متخلصيهش نتي في عام كل ... امشي
- لااااااا حرام عليك علاه ، نخلصك بالتقسيط اخدم عندي كل شهر نعطيك و عندي دراهم في حسابي نعطيك دفعات
بقا يسحب فيا حتى الفوتاي و خلاني نقعد
فهد : منخدمش بالتقسيط
أنت تقرأ
القناص
Actionكرونيك القناص كتابتي ( cherifa Herida) طبيبة جراحة تلتقي بقناص قاتل ، ماذا سيحصل بينهما ؟ تابعوها لتعرفو 😍 ( باللهجة الجزائرية)
