هجرة الحمام

العشرون

البارت العشرون ..
ميمي الكبيسي ...
Insta : mimy_1995
_________

"
شند : ماما اني راح انام تريدين شي مني ؟.

فاطمة : لا بنيتي روحي نامي .. نوم العوافي .

شند : الله يعافيج .. تصبحون على خير .

صعدت بهداوه للدرج وهيه تتفقد الساعة بـ موبايلها .. " الساعة ١٠ وربع ما يجي هسه ".. دخلت للغرفة ، وفتحت الضو .. وكأن قلبها وكف لما حست ان احد يحضنها ويسد الباب .

شند : ( بعصبية ) انته تريد تموتني لو تسوي بيه جلطه .. عفريت انته !!! ( وهيه تضربه بخفه ) عفريت !

ادم : ههههههه ( بهمس ) لا تگوليلي ما متوقعه حضني !

شند : شنو ما متوقعه .. بس انته جاي من وكت اليوم ، شعندك بعدها ما صارت بالوحده !

ادم : اشتاقيت .... ما يصير اشتاق !

شند : ( بخجل ) لا عيني يصير ليش ما يصير بس .... اخاف احد يدخل لهنا واني اريد اروح للحمام ؛ روح للبلكونه وراح اقفل باب البلكونه وراك ومن اجي افتحه .

ادم : هاااااااااااا ويهون عليج حبيبج يبقى گاعد بالبلكونه والجو بارد !

شند : لااااا مو هيج بس ... شلون لعد ؛ اخاف عزوز يفوت للغرفة هسه انته مو تدري يضل يلعب هنا !

ادم : عندي خوش حل ! افوت وياج للحمام ؛ والله اگعد عاقل وما اباوع .
شند : ( وهيه فاتحه عيونها بوسعها على جرأته ) اگعد راحة ادم والا والله تحلم بعد افتح باب البلكونة.

ادم : اووووف ربي بلاني بعشگ وحده زعطوطه ولسانها اطول منها . ولج ايمته نتزوج و تصير هنا ( ويلمس بطنها ) بنوته تشبه امها ؟؟

شند : بنوته !!

ادم : اي اني ما اريد ولد .. اريد بس بنات واجيب منهن درزن الا ١٢ وحده واگلب البيت مصنع حلويات !!

شند : لا انته مو طبيعي والله ! بنات وحلويات شكو ؟؟

ادم :
طبع نمره وغزال اجمعن بيك .. سبحان الخلق رقة بشراسة

الناس تكوم تحرس من يجي الليل .. انت الليل لازملك حراسة

لغز ماحلك كلمن حاول وياك .. بشر جسمه الشمس والكمر راسة

ياضحكة طفل وتلاعبه غزيلات ..علمت الورد رقة احساسة

يا حاصل جمع كل عطر الورود .. انضرب مرتين في مليون ياسة

يا واحة عسل والعمر خلص جوع ..اعلكيفك بس دبك ماردنة طاسة

شند : احم احححمم امممم يعني ..

ادم : هههههه شو گمتي تمتمتين ؟

شند : هااا لا هيج بس اني ما احب العسل ؛ اكرهه حيل .