* ههه عارف كان اول لقاء لينا من تلاته سنوات كبرنا واتغيرنا ونفوسنا وشكلياتنا كمان لكن لسه هو محتفظ بي صوتو الجذاب وقرنة حاجبو الشمال بس اتغير 180 درجه طال زيادة وحتي لحيته ظهرت ..لحظة سمعت صوتو وهو بنادي كنت مستبعدة انو دا هو لكن لما قبلت ولقيت دا هو زاتو قُصي ..كنت حانهار حاقع حابكي حاصرخ فيه واقول لييه انا لسه بس ..
-كملي يا اثير سامعك
*اخير chat بينا في الواتس بانت قدامي ما قدرت انساها او امحيها من ذاكرتي بالرغم من اني كنت بجد بحب قُصي بس كلامو طعني شديييد و وجعنني من كل قلبي ...عارف يا رماح تذكر بعد ما انفصلنا قلت ليك شنو؟
-ما متذكر ذكريني !
*ههه الهندسه شيبت ليك راسك ..عموما قلت ليك قُصي حيلف ويلف وبجي راجع لي في النهايه
-وفي النهايه جاك راجع ...طيب انتي ممكن تسامحي حتي لو عرف غلطو وانو لسه بحبك؟
*رماح انت عارف ومتاكد اني ما حارجع ارتبط معاه وهو م بحبني بس هو كذاب ومخداع وغير البنات ماف شي في راسو وزول كمان ما عندو مستقبل عايزني اعمل بيه شنو؟
-ههه عارفه اني خفت منك للحظه لكنن انسينا منوو ...خالتو سلمي كييف؟
*بخير الحمدلله وقالت لي اسلم علييك
-بالله لما ترجعي اديني ليها بالتلفون
*لما الم فيها انت عارف مشغولين مع عرس سبا شدييييد
-مبروك ليهاا وعقبالكك...ما حكيت لي عن العريس
*عقبالك انت الاول انا خليني...العريس اسمو حسام وهو مهندس تقريباا البعرفو انها مرة كانت في اسبوع المهندس بتاع الجنوببي واتقابلو هنااك وبعدين حبو بعض ودي ياها نهايتهم الزواج🎶...رماح م استغني عنك بس اليوم متهب بشكلل حامشي
-طيب ارح اوصلك!
*نو جيت بسيارة ماما تسلم ما قصرت وسلم لي علي سدن 💙
-يصل ان شاء الله
غادر كليهما المكان هي توجهت نحو منزلها ودحلت متوجهه نحو غرفتها خلعت ثيابها واردت بجامة مخططه حمراء اللون وجلست في سريرها وقامت باخذ جهاز اللابتوب وفتح مذاكرتها وبدات تكتب من جديد
(اليوم كان اول لقآء لنا سويا منذ تلك اللحظة التي فارقنا فيها بعضنا البعض .... كان كل شي غريبا لم اري اي شخص سوآه وكاننا في عالم اخر ....اما هو قد ازداد وسامة عن ماضيه واصبح جذاب لابعد حد ..لكنني تذكرت في كسر من ثانيه الزمن حديثنا سويا وكل اهانه قام بتوجيهيها الي بالرغم من حبي الكبير له الا اانني اسقطته من ناظري فلم يعد لي رغبه بالارتباط معه او رؤيته فقد خرج من نفسي ...هو فعل كل شي بيده)
_________
مطعم سوليتر ~
-رمااح ما بدري....اتاخرت كدا ويين؟
*كنت في امدرمان يا قُصي والزحمه اخرتنيي...م عليناا اها قلت لي عايزني في موضوع
-قبيل مشيت المول مع سامر وحسام وانتت عارف حسام عرسو قرب وشنوو مشي يشوف ليه بدله من هنااك
*تمام والله وعقبالك ...اها كمملل
-يا مان زولك نزل محلات mark ...بسس انا وسامر قعدنا في اوركسترا الفاتح علي max داا وشفتتهاا زادت جمال ولسه نظراتها التايهه في العالم زاتها حتي ضحكتها وهدؤها ما اتغييرو ~
*تقصد اثير؟!
-زفي غير اثير جننتي وعذبتني معاها؟!...عارف مشيت ليها لكن صدمتني وصدتني عنها بكل قوه اتغيرت شدييد
*الزمن اتغير ودي 3 سنوات وما عايزها تتغير؟...بعدين انا قابلت اثير وهي حكت لي الحصل ولما انت اتصلت علي وقلت لي نتقابل في سوليتر عرفتك عايز تحكي لي
-طيب يا رماح ما تكون فاعل خير وتلم الشمل بتاعنا انا متاكدة هي لسه بتحبني
*ههه يااخ يا قُصي ما سمعت بي العبارة البتقول " اللہ لآ وراگ الطيب وقتيين يبقي قاسي"؟!
-سمعتها ..لكن لي بتقولها لي؟!
*عشان اقول ليك العبارة دي انطبقت في اثير 100% واقول ليك شي تاني ما تحاول معاها لانها خلاص مستعده تموت ولا ترتبط بييك..وعلي فكره ما تندم لانك براك عملتهت في نفسكك...عرس حسام بتين؟!
-علي فكره انت غير تفقد الزول الامل ما بتعمل شي ...عرس حسام بعد اسبوعين ...جاي ولا ؟
*ههه لالا جااي يا مان
_________
يوم الزفاف
*قصورة يا قصورة ما تزففتت تصحاا بدري الزمن راح والصلاة قربت
-يااخ حساام انا مساهره في نطبتشيهه قلت لييك ولو علي العقد دا عقدك انت ما انا ...بلحقك يااخ
*قصورة قوم بطل وهمنتك دي
-شكلك عايز تاخد ليك box في وشك دا يا عريس😂
*ااخيرا ضحكتت قوم البس جلابتك جهزتها لينا الحجهه
-ههه طيب تماام ..يلا انزل وبلحقك
جلس علي سريره كان ذاك الاسمر اللون ذو العينين الواسعتين الناعستين والرموش الكثيفه ذو الانف المستقيم متساوي الحاجبين كثيف اللحيه عريض المنكبين الذي يصل طوله حوالي 184سم وعروق جسده كلها بانت كان شعره كثيف وشديد النعومه لونه اسود نهض وتوجه نحو الحمام وقام بتخفيف لحيته وبعدها خرج وقام بارتداء الجلابيه البيضاء مع المركوب المصنوع من جلد الاصله وايضا واضعا الشال والعمه السودانيه واخيرا قام بلبس ساعة ذهبيه وقام برش عطر المخلط الذهبي عليه وهم بالنزول ليجد والديه واخاه الصغيره واخته في انتظاره للخروج نحو منزل العروس
*دقيقه يا حجه العريس انا ولا هو؟
^ عيني باردة عليكم يا اولادي💙
خرجوا متوجهين نحو امدرمان حي الروضه ووصلو الي....
يتبع......
