قال لي يا بتي الحتهه بعيده وأنا مابقدر اصل هناك،،بتقدري تمشي تجيبي وتجي،،،قولته ليهو طيب ياعمو،،،،عدلتا طرحتي ومشيت الورشة،،،لقيت شباب اتنين قاعدين برة،،،قولته ليهم السلام عليكم،،،،قالوا لي وعليكم السلام،،،اتفضلي،،قولته ليهم في أمجاد متعطله بالشارع دا،،ياريت تجو تشوفوها،،،واحد قال للتاني أنا طالع والله واحتمال الموضوع يجر امشي انت،،قال ليهو هوي هوي أنا زاتي طالع،،،على العموم يا اخت سيد الورشة ذاتو جوه وخبره أكتر مننا،،دقيقة أنادي ليك،،،قولته ليهو بس....دخل قبل يسمع باقي كلامي،،،جاا طالع ومعاهو اباذر،،،،اباذر قال لي الامجاد متعطله وين بالظبط؟،،قولته ليهو قدام العمارة،،،،قال لي طيب،،،شال معاهو كم حاجهه كده وقال للشباب خليكم قاعدين لحدي ما اجي،،،،قال لي يلا،،،،هو كان ماشي قدامي او بمعنى أصح أنا الخليتو يمشي قدامي وبمسااافة كمان،،،أول ما سمعتا أصوات الكلاب جريت وبدون احس بقيت ماسكه فيهو،،،قال لي ما قولنا قدرها،،،قولته ليهو شنو هي،،،قال لي ولاشي،،،،فكيتو وبقيت ماشة جنبو💔😂،،،وصلنا سلم على العم وقال لي جيبي لي موية شراب لو ممكن،،ضربتا الجرس،،،أميرة قالت لي حمد لله على السلامة،،،هاا احكي لي الحصل شنو في الخطوبة😻😻😻قولته ليها ثواني ادي الناس ديل موية واجي احكي ليك،،،قالت لي ناس منووو؟،،،،وريتاا،،،شالت توبا وطلعت سلمت على اباذر،،جبتا ليهم الموية،،،اباذر قال لينا خلاص أنتو ادخلو جوه،،،الشغل دا ح ياخد وقت تصبحوا على خير😊أميرة قالت ليهو وانت من اهلو💜دخلنا جوه وبقيت احكي لاميرة عن الخطوبةة،،،،قالت لي ياخ عقباااالك😻💃قولته ليها عقبالي دي بعد تلاتهه سنوات من اسي ممكن💔😂😂😂قالت لي سنتين بس وتتخارجي،،والله العرس حلوو😻😻😂،،،،قولته ليها دي حاجات بتاعت ربنا،،،لو لي نصيب ح اتزوج اسي مش بعد تلاتهه ولا اربعهه سنوات😂😂😂😂💔،،،،بقت تضحك قالت لي فعلا والله،،يلا ربنا يجعل ليك النصيب اليخليك تنومي مبسوطة وتصحي مبسوطة❤ قولته ليها امين امين❤،،،،خلصت الاجازة ونزلنا السمستر الرابع،،،وكالعاده نتيجتي جات على مزاجي««الأولى كما ينبغي لي💜»»،،،،وبوب معدلو اتحسن كتييير عن السمستر الفات،،وسلوان وفاتن برضو معدلاتهم كويسةة،،،،أما سمر فما كنتا عارفة نتيجتا طلعت كيف،،،،،مرة وأنا طالعهه من الجامعهه اتصلتا على احمد عشان اقول ليهو انا طلعتا،،اتفاجأتا بيهو واقف برة وبتكلم بالتلفون،،جيت ضربتو في كتفو،،ألتفت علي،،قال طيب ح اتصل عليك بعدين بس ارجع،،،ارجعي بدري طيب❤،،،وقفل التلفون،،قولته ليهو يا زفت أنت،،قال لي عيون الزفت أنت💜😻،،،بقيت اعاين ليهو بخوف كده،،،قولته ليهو بوب ماتخوفني عليك،،،الايام دي احوالكك ما عاجباني،،،قال لي احم عليك الله،،،متغير فيني شنو يلا قولي،،،شعري ما حلقتو،،طولي ما زاد،،،عربيتي ما غيرتها،،أنا زي ما انا،،،قولته ليهو امممم ح نتناقش في الموضوع دا بعدين،،،أنا طالعهه عندي شغل،،،قال لي طيب اوصلك،،،قولته ليهو أنت ما مظبوط الليلة ومتلخبط ح تعمل بي حادث ياود💜😂😂يلا سلام،،،قال لي سلام،،،،،مشيت لشغل غسيل ومكوة،،،،في واحده من البيوت،،لقيت بت كده شكلها عروس جديده،،،قالت عاوزة حنة ساده وما لقت زولهه تحننها وبتشكي،،،قولته ليها أنا بعرف اخت حنة ساده،،قالت لي بالجد😻،،أنتي عارفة بفتش فتيش،،وأمي حالفة علي اتعلم براي😂😂😂،،قولته ليها هي ساهلة على فكرة اسي انا ح اختها ليك وانتي اطبقيها وح تتعلمي،،قالت لي طيب تمام،،،فعلا عجنت الحنةة وختيتا ليها متواااسية💜،،،ماعارفة اجيبا ليكم كيف بس دي كانت اول مرة احنن😂😂😂💔،،،لما طلعت ظابطهه كأني خبرة فيها،،،البت انبسطت انبسااطةة،،،،ادتني قروشي وشالت رقمي،،المرة الانا جيت ليها قالت ليها إياك تشلبيها مني😂😂😂💔لميت فيها بصعوبةة،،قالت ليها اعتبريها اتشلبت😬😂😂💔،،،،طلعتا منهم بعد العشاء،،في جانب تانيانتي عايزاني أقطع تذكرة واجيك أقطع فيك كف وارجع صاح،،دا العاوزاهو،،،قالت ليهو كده ابرد أنت هايج كده ليه😂😂😂💔أنا أعمل شنو لو اولاد جامعتنا مزز،،،يعني ما اعاين،،قال ليها ماتعايني😒عشان ح اجي اطلع عينكك فهمتي؟؟،،قالت ليهو لا ما فهمتا وبعدين تعال هنا،،آخر فترة بقيت عصبي عصبي،،،في شنو؟؟،،قال ليها ماعارفة في شنو يعني،،،قالت ليهو لا ماعارفة،،،،قال ليها طيب خليك كده لما تعرفي وريني،،،،قالت ليهو اممم بالمناسبة يعني اي زول صوتو حلو شكلو بكون ما حلو،،،قال ليها من الناحية دي اطمني أنا قرد💔😂😂😂😂،،،،،قالت ليهو بالله😒،،،ما عارفة بس عندي فضول اشوفك،،،أن شاء الله تطلع حسب الصورة الأنا راسماها ليك❤🙈،،،قال ليها ما مهم شكلي،،اسي أنا حاليا ما مفكر في شكلك،،كفاية علي حلاوة صوتكك وروحك،،تاني ابدا ماف شي مهم❤❤❤❤أما أنا ف بالجد اكتشفتا أني بعرف احنن والحلوة أني بقت اجرب في اميرة أول❤😂😂😂،،،،قالت لي انا ما عرفتك بتجيهيني ولا بتجربي فيني،،،قولته ليها الاتنين وحاااتك❤😂🙈،،،اللهم انها ظاابطهه،،،قالت لي ظابطهه الشماعهه يا أخت🙈❤❤❤💃،،،،قولته ليها صح والله ماشاء الله بس على الثقة❤😂😂😂،،،،مرت حكاية شهر كده وفعلا أحمد كان متغير،،وأغلب اوقاتو بتكلم بالتلفون وببتسم كمان،،حتى قعداتو مع بنات الدفعهه خفت ما زي أول،،،،سألتو كذا مرة بس بقول لي كل شي،في وقتو حلووو❤❤،،،،مرة ونحنا في الكافي حق اباذر ومعانا سلوان وفاتن بنشرب قهوة ومستكينين،،،،فجأه جات سمر ولقتنا،،،،قالت لصحباتا والله ياخي قدر ما حاولتا اتغاضى نظر على علاقتكم دي ما قدرتا،،فعلا الطيور على اشكالها تقع،،،سلوان قالت ليها والحمدلله البقينا طيور على شكليةة إيناس💜💜😘،،،،سمر قالت ليها أنتي عاوزة تواسيني أنا بحتهه الخدامة دي💔هه،،دي مابتسوى ضفري،،،،بوب قال ليها من الصباح ساكت ليك وقولته ما اتدخل علشان دي مشاكل بنات،،بس تجي لحدي إيناس وتقيفي،،حتهه الخدامة دي اولة دفعتك،،،حتهه الخدامة دي عندها خبرة في حاجات كتيرة وتجارب مع الحياة خلتا فعلا تبقى زولة واعيةة،،حته الخدامة دي،يمكن صح ماعندها خبرة عن الميكب واللبس وحاجات البنات دي،،بس مركزة على حاجات أهم،،،،اهتماماتا والحاجات اللي نفسها توصل ليها بتفوق مخك الفاضي دا،،،قالت ليهو أنت المتحدث الرسمي باسمها ولا شنوو،،ولا اهااا يمكن علشان اخدت مني صحباتي ماعندها عين تتكلم،،فاتن قالت ليها نحنا ما ملكك،،وبعدين كفاية لحدي هنا،،شكلو حبيب قلبكك خلاك بعد ما كنتي طايرة بيهو السماء وسافهانا،،واسي جاية عشان تصلحي علاقتك بينا،،بعد اكتشفتي انك وحيدهه؟؟؟،،،،سمر قالت ليها وحيده دي كلمة كبيرة،،وبعدين أنا مافاضية ليكم اساسا،،،سلوان قالت ليها مافاضية ليناااا بامارة انك من قبيل بتردحي صاح؟؟سكتت شويةة،،،ووجهت كلاما لي،،قالت لي ارجي الراجيك يا حثالة أنتي،،أحمد كان عاوز يرد عليها منعتو،،،بعد مشت،،أحمد قال لينا ياه دي مريييضة💔💔،،سلوان قالت ليهو فعلا،،،قولته ليهم يخوانا هي حست نفسها خسرتكم وبقت وحيده💔 الحاجه دي فعلا صعبة،،،احساس الوحده دا بتنتج عنو حاجات كتيرة زي الاكتئاب مثلا وبولد حاجات تانية ممكن توصل الزول لطريق مسدود💔💔فاتن قالت لي والمطلوب،،ننتشلها من الوحده دي،،،قولته ليها هي صعب تتقبل وجودكم في حياتا بس انتو حاولوا💜،،،سلوان قالت لي هييي دي ماعندها موضوع ساي وطايرة ليها،،،،،««مهما كانت مشاكلك مع زول حاول قدر ماتقدر ماتسئ ليهو بشغلو او اسرتو او اي حاجهه بتمسو💔لانو حرفيا الحاجهه دي ح تبقى حاجز نفسي للزول دا،،إلا لو كانت شخصيتو قوية فاا ح يقدر يتخطى الاساءة عادي وينسى مع مرور الوقت،،أما ضعيف الشخصية فما ح يتخطاها وح تبقى عقده نفسية بالنسبة ليهو💔»».كنا على وشكك نمتحن السمستر الرابع،،وامتحاناتنا قربت،،،كان فضل عليها اسبوع،،،بقيت بحاول ما اشتغل في الفترة ديك ومكرسة وقتي كلو للقراية،،،،في يوم كنت بقرا ومندمجهه،،فجأه سمعتا أميرة بتصرخ💔،،قومتا جاريةة لقيتا رامية التلفون في الارض ودموعا نازلة مية مية،،قولته ليها في شنوو خيير،،قالت لي أحمد،،أحمد عمل حادث💔💔طبعا دخلت فيني حالة بقيت لا بسمع ولا بشوف،،قولته ليها ح حادث كيف كيف يعني،قالت لي ماعارفة،،مروان ما فهمني شي،،البسي،،البسي عبايتك آرح،،يارب استرها معاهو يارب،،لبستا عبايتي سرعه وانا برجف ورجولي بتضرب في بعض💔💔،،طلعنا الشارع ماف ولا عربية فاضية عشان توصلنا،،وقتها الساعه كانت ماشة ل12ص،،،،أثناء ما واقفين جاا اباذر،،شكلو قفل الورشة وراجع،،،وقف قال لينا خير يا جماعه في شنو؟؟،،أميرة كانت بتبكي وبتقول ليهو أحمد عمل حادث واسي في مستشفى()،،عليك الله وصلنا يا اباذر،،قال لينا اركبوا اركبوا،،لاحول ولا قوة الا بالله،،أن شاء الله يكون حادث خفيف،،،طبعا انا بس ببكي وما فاهمه شي💔💔الدنيا مسخت لي بالفيها💔💔،،،وصلنا المستشفى،،لقينا ابوهو واخوانو،،،،حالتهم كانت حالة💔💔،،،أميرة مسكت مازن وقعدت تبكي💔💔،،،أنا قعدتا في الأرض وبقيت أقول يارب ما تحرمني منو يارب،،يارب تقومو بالسلامة ومايشوف شر يارب💔💔،،اباذر قعد جنبي في الارض،،وقال لي ان شاء الله ح يبقى كويس،،قولته ليهو (وانا ببكي)والله ح اموت لو حصلت ليهو حاجهه😭😭😭💔💔💔،،،قال لي للدرجه دي بتحبي؟؟؟؟««اللهم ذاك الصديق حتى الرمق الأخير💜»»#نتلاقى❤
