كانت حور تفكر في طريقه للهروب من هذا المكان الذي هى فيه حتى قطع شرودها وصعقت لمنظر هذا الرجل الأتى عليها والنيران تلتهم جسده وهو يصرخ ويطلب المساعدة من الرجلين الواقفين أمام حور....
خاف الرجلين واخذوا يطلقون النار بوحشية على ذلك الرجل وكان يتألم ويأتى عليهم أكثر فذهبوا مسرعين وتركوا حور وحدها فى هذا الموقف... النيران اشتعلت فى كل مكان حور تحاول ان تلتقط انفاسها.... وتفك القيود ولكن ماباليد حيلة.. اخذت تدعوا ربنا ان ينقذها من هذا الموقف وكانت كلما زادت النيران تستشهد وتردد اللهم لا تأخذنى غير وانت راضٍ عني..
عمر وصل أخيرا إلى المكان ولكنه صعق على شكل النيران المشتعلة من جميع الاتجاهات... هرول إلى داخل المكان....
عمر بذعر وخوف: حور ياحور انتى فين..
يبحث فى كل مكان ويتخطى النيران واحدة تلو الاخرى حتى راى شئ يتحرك فى الداخل وصوت يحاول الاستغاثة ولكنه لا يستطيع التكلم...
بعد ان وضحت الرؤية شيئاً ف شيئاً..
عمر وهو يجرى الى حور.: حور.. حور فيكي ايه..
أزال الشريط اللاصق من على فمها..
حور بتعب: مش عارفه انقذهم يارب..
وفقدت الوعى..
عمر وهو يفك الحبال..: حور.. حور اصحي انا عمر خلاص جيت اهووو.
ثم حملها عمر بين ذراعيه وكان على وشك الخروج إلا وان وقعت قطعة خشب مشتعلة على يد حور... بشعرت بها حور ولكن لم تصدر صوتا..
خرج عمر بها إلى الخارج ثم سمع صوت انفجار المزرعة... وقع على الارض من شدة الانفجار...
حور ملقاه على الأرض تماما ولا تصدر صوتا... عمر بجانبها ويفوق رويدا رويدا...
ذهب الى حور مسرعا.. وضرب ضربات خفيفه على وجها ولكن لم تستجيب فحملها بين ذراعيه وادخلها بداخل السيارة...
صوت يأتى من خلفه..
كمال: سيب حور ياعمر.. يااما هقتلك.
عمر: كمال!.. انت... انت السبب فى كل اللي حصل ده..
كمال: ايه ياعمر ياصديق عمري بحاول اضيع حياتك زى ماضيعت حياتي..
عمر: كمال انا مضيعتش حياة حد انا أجتهدت عشان احقق حلمى وابقى مهندس.. وحققته..
كمال بعصبيه: هو عشان تحقق حلمك تضحك على الراجل الكبير وتخليه يمسكك الشركة مكان ابنه!
عمر: والله حضرتك هو شافنى مجتهد وخايف على مصلحه الشركة مش عايز اتفق مع الاعداء عشان الفلوس...
كمال: انا عارف انا بعمل ايه كويس ابويا غبى هيضيع فرصة العمر عشان خاطر شوية قوانين غبية والاغبية اللى زيك بينفذوها..
عمر وهو يركب السيارة: انا مش فاضي ليك ياكمال ولا للغباء بتاعك ده انا لازم الحق حور...
كمال وهو يوقف عمر: لو موقفتش واتكلمت معايا كويس ياعمر مش هتلحق تروح بيها عايشة..
عمر:وانا هخاف منك يامجنون انت..
كمال ببرود:لا مش هتخاف منى بس خاف على حور من القنبلة اللى فى العربية دى...
ثم اكمل وهو يحرك زر الامان للقنبلة: تخيل كده حبيبة القلب كل حتة منها فى مكان وتدور على ذرة ذرة فيها....
عمر وهو ينزل من السيارة بغضب:ياكلب ياحيوان عايز ايه ياكمال...الشركه انا مش عايزها يااخى الشغل اشبع بيه...سيبنى فى حالى كده...
كمال يرفع المسدس على عمر:مش بالساهل كده ياعمر...
عمر بهدوء:كمال اهدى ومتضيعش نفسك....
كمال:ماانا خلااص ضعت أبويا عايز يكتب الورث بأسمك انت...
عمر يقترب منه بهدوء: وانا متنازل عنه ليه..هات بس المسدس وتعالى نتفاهم..
كمال بعصبية: ابعد ياعمر ابعد هقتلك بقولك!
عمر ضرب يده فوقع المسدس من يده ثم انقض عليه واخذوا يتبادلون الضربات القاسية....
ثم سمعوا صوت سيارات البوليس...
ترك كمال عمر أرضا وذهب..لحق به عمر فضربه بحجر كبير على رجله اوق أرضا ولم يقدر على الهروب...
اتت رجال الشرطة واخذوا كمال...
امين الشرطة: شكرا يابشمهندس عمر على مساعدتك لينا...
عمر:على ايه حضرتك انا عملت الواجب.
امين الشرطة: عايزين حضرتك عندنا فى النيابة عشان ناخد الافاده لو سمحت..
عمر: حاضر بس مراتى كانت مخطوفة وكانت جوه هنا هطمن عليها وهاجي عند حضرتك...
امين الشرطة:الف سلامة هنستنى حضرتك عن اذنك..
ركب عمر الى السيارة وسمع صوت حور...
حور بتعب: اه..انا فين..
عمر اوقف السيارة ونظر الى حور..: حور حبيبتي الحمدلله انك بخير..
حور بفزع.:عمر انا الحلم اتكرر معايا ياعمر حريقة وناس بتموت وانا مربوطه مش عارفه انقذهم...
وكان تمسك يديها.حتى شعرت بالالم الذى فى يديها...
نظرت بصدمة: عمر ده...ده كان حقيقة...
كانت تتذكر الموقف وتبكى بمرارة..
اخذها عمر بين احضانه. وقال بدموع: الحمدلله ياحبيبتي عدت علي خير..انا مش هسيبك تانى ياحور..انا اسف ياحبيبتي خلاص عدت..اوعدك مش هتحصل تانى ياحور..
حور وهى تحتضنه بشدة وجسدها يرتجف: متسبنيش تانى ياعمر كنت خايفه اوى كنت خايفه من غيرك انا بستقوى بيك ياعمر..متسبنيش.
عمر وهو يهدا حور: حبيبتي مقدرش اسيبك يانور عيوني والله خلاص مش هتحصل تانى انا اسف.. اهدى عشان خاطري بقى.
حور وهى تنظر لعمر بدموع: حاضر ياعمر..
عمر يمسح دموعها:يلا نروح دلوقتي ياحبيبتي نرتاح عشان انتى تعبتي اوى ياحبيبتي...
حور:ياريت يالااا.
ذهبوا فى اتجاه منزلهم...
عمر: ادخلى خدي دوش بقى ياحور عشان تريحى اعصابك وانا هطمن بابا وماما عشان كانوا قلقانين..
حور وهى تدخل الى الحمام..: حاضر ياعمر وقولهم اننا هنروح ليهم بكره.
عمر يتحدث مع والد حور..
عمر.:ازيك ياعمى خلاص رجعت حور البيت اهى الحمدلله..
والد حور: بجد ياعمر الحمدلله وهى كويسة.
عمر: الحمدلله كانت صدمة بالنسبه ليها بس عدت والحمدلله..
والد حور: خد بالك منها طيب وارتاحوا انتوا دلوقتي واحنا هنيجي بكره ان شاءالله..
عمر: لا ارتاح انت ياعمى هنيجي انا وهى بكره..
واغلق الهاتف ونام على الاريكة فى الخارج..
حور بعد ان خرجت من الحمام:عمر انت نايم كده ليه.
عمر: نامى انتى وارتاحي جوه ياحبيبتي وانا هنام هنا...
دخلت حور ولكن لم تستطيع النوم بسبب تكرار الحادث امام عينيها من جديد..
استيقظت وهى تبكي وذهبت عند عمر..
حور: عمر اصحي ياعمر..
عمر وقد فزع: حور..حور فيكي ايه ياحور...انتى كويسه.
حور: اه ياعمر انا كويسه متقلقش ياحبيبي...بس عايزاك تنام معايا عشان خايفة.
عمر وهو يحتضنها: حاضر ياحبيبتي اهدى متخافيش انا جنبك اهوو تعالى...
ذهبوا الى الغرفة ونامت حور على السرير كان يضع عمر الوسادة بينهم...
حور:انت بتعمل ايه..
عمر.: مش بتحبي تنامى جنب حد بحط مخدة عشان تنامي براحتك..
حور وهى تزيل الوسادة: لا ياعمر نام هنا متحطش حاجه بينا..
نام عمر على ظهره وهو فى حاله اندهاش..
ازاحت حور يديه ووضعت راسها على قلبه واحاطت جسده بيديها....
عمر وهو ينظر لحور: حور انتى كويسه!
حور وهى تطبع قبله خفيفة على خده: بحبك ياعمرى الحمدلله على وجودك فى حياتى...
عمر قبل جبينها: وانا بعشقك ياحور واوعدك انى هبقى جنبك دايما..
اغمضت حور عينيها: تصبح على خير ياحبيبي.
عمر وهو يحضنها ويغمض عينه قال بابتسامة: وانتى من اهل الجنة وتصبحي وانتى ف حضنى ياجنتى ♥
ناموا الاثنين وهما سعيدين ويفكر كلا منهما فى كيفيه اسعاد الاخر...
~~~~فى صباح يوم جديد..
عمر استيقظ قبل حور وكان يسند رأسه بيده وينظر إلى حور بحب...
عمر: يااااه اخيرا صحيت وانتى جنبى ياحور كنت مستنى اللحظة دى من زمان الحمدلله...مفيش اجمل من انك تستيقظ على وجه من تحب والاجمل الاستيقاظ على ابتسامته..
كانت حور تستفيق من نومها..عمر ينظر لها بحب: صباح السعادةوالفرح على قلبك ياروحي..
حور بصدمة وصريخ: عاااااااااا.....
عمر: عااااااااااا
حور بصريخ: انت بتصرخ ليه...
عمر : مش عارف انتى اللى بتصرخى ليه.
حور : انت نايم جنبى ليه
عمر: نعم يااختي.
حور : بقولك نايم جنبى ليه
عمر: شكلك لسه نايمه انا عارف هصحيكي ازاى..
اخذ كوب الماء من جانبه وافرغه على وجه حور..
حور وهى تاخد انفاسها: في.. ايه ف. ايه.. بغرق الحقونى..
عمر وهو يضحك: هههههههههه حماتي طلع عندها حق مش بتيجي غير بالمية.
حور: فى حد يخض حد كده.
عمر: انا بردو اللى بخض ده الجيران كلها اتخضت من صوتك...
حور: وايه يعنى براحتشي.
عمر: طبعا ياجميل براحتشك😂
حور: انا جعانه..
عمر قبل يديها: ياروحي اول ماتغيرى هدومك هتلاقى احلى فطار فى الدنيا لاحلى جنتى..
ذهب عمر مسرعا وحضر الفطار الذى كان عبارة عن...( بطاطس مقلية، جبنة، بيض، لانشون، لبن، طماطم، عصير فريش،)
حور: عملت كل ده امتى
عمر يتصنع الغرور: انا محدش يتوقعني ياهانم مبحبش اتكلم عن نفسي كتشير..
حور بضحكة: بس بس مش لايق عليك الغرور..
عمر وهو يرجع الكرسي للخلف: اقعدى بقى استريحى ياروحي.
حور: انا عايزه قهوة
عمر: لا ياحبيبتي من هنا ورايح قهوة لا لازم تحافظى على صحتك ياقلبى..
حور: لا والله والمفروض انى اسمع كلامك بقى
عمر: طبعا لازم مش انا زوجك..
حور :هعمل معاك تحدى لو خسرت انت هتعملي قهوة ولو انت كسبت اطلب اللى انت عاوزه.
عمر بخبث: اللى انا عاوزه اللى انا عاوزه.
حور:اى حاجه مهما ان كانت..
عمر: وانا موافق.
حور.:هنلعب بوكس واللى هيكسب يبقى هو اللى هيحكم بقى...
عمر: وانا موافق جدا....
حور فى نفسها: مبتعرفش تلعب بوكس ياعمر وانا واخدة بطولة فيه وانا هكسب طبيعي يعنى...
عمر فى نفسه: بتتكلمى بكل ثقه كده زى ما يكون واثقه انى هخسر بس انتى متعرفيش انى كنت مدرب بقى ياحور...هكسب وهتشوفى هقولك ايه يامجننانى...
بدأوا التحية ثم ضربته حور ضربة قوية فى بطنه جعلته يرجع إلى الخلف..ثم ضحك عمر وقام ومسك يديها واوقعها على الارض وهو فوقها وينظر لها بانتصار ...
ثم قال هامسا: ايه يابطتى... فين جون سينا اللى هيكسب مالك قلبتى بطة بلدى ليه..
قام حور بكل قوتها ووضعت رجليها على رقبته وامسكته من ذراعه بقوة...
عمر : انتى كده هتكسبى جاية على الغلبان وتتشطرى ياحور ... فخففت حور من قبضتها على يده ثم قام هو مرة ثانية هى فى الارض وهو فوقها ولكن هذه المرة قيد حركتها جيدا..... كانت تتسارع نبضات قلبه ونبضات قلب حور...
عمر بحب: كسبتك 😉
حور بقلق: عايز ايه...
عمر وهو يقترب منها: عايز... عايز فشار وعصير عشان هنتفرج على فيلم شركة المرعبين المحدودة..
حور: نعممم. ! بتهزر صح.
عمر ينظر لها بخبث: ايه عايزه حاجه تانى ياحور انا عن نفسي معنديش مانع..
حور وقد قامت من مكانها بتوتر: هقوم انا بقى احضر الفشار..
عمر بضحك: اهربى ياحور اهربى وانا هصبر وهستناكى ياحور حتى لو العمر كله ياقلبى....
~~~~~ يتبع
نهاية الفصل الرابع عشر
#ثم_ان_بعد_الصبر_جنة
#بقلمى_هدى_محمود
أنت تقرأ
ثم إن بعد الصبر جنة 💙
General Fictionتحكي عن فتاة شابة شديدة القوة "وبالبلدى كده بميت راجل يعني 😂💪" تعلمت فن الكاراتيه للدفاع عن نفسها.، عاشت حياة قاسية للغاية منذ الصغر وتعيش حياة مغامرة فهل سيضحك القدر لها ويعوضها عما حدث لها ف الماضي أم ستظل هكذا؟! تابعوا أحداث الرواية المتنوعة: ح...
