قيود الحب ❤

الفصل السابع

تلفونه بيرن وهو علي السلم
مازن : ايه يا هبة خير
هبة السكرتيرة : محمود اللي تبع شحنة أكرم اتصل و بيقول عايز حضرتك ضروري
مازن : طيب تمام انا هكلمه
بيقفل معاها و بيكلم محمود
مازن : ايه يا محمود حصل ايه ؟؟
محمود : الحقنا يا مازن بيه احنا في مصيبة
مازن بقلق وصوت عاالي : حصل ايه اتكلم علي طوول
محمود : لازم حضرتك تيجي اسكندرية تشوف بنفسك
مازن : تمام بكرا الصبح هتلاقيني عندك ..
بيخرج مازن ياخد ميرنا و يركبوا العربية و بيتصل بباباه
مازن : بابا محمود اتصل و بيقول  .....
محمد بزعيق : انا من الأول وانا قلتلك مش مطمن
مازن : اهدي يا بابا انا هروح و هظبط كل حاجة بنفسي
محمد : ماشي يا حبيبي وانا هلحقك بليل قبل ما تسافر
مازن : ماشي يا بابا سلام
بيلف لميرنا : تحبي تروحي فين ؟؟
ميرنا : كافيه علي النيل نتكلم شوية
مازن : وهو كذلك يا ستي
ميرنا بتبصله و بتشاور علي رقبته : بس باين العداوة بينكم جامدة خالص
مازن بيبص في المراية و بيشوف الروج علي رقبته
مازن بضحك : اومال انتي فاكرة ايه ؟؟!
بيوصلوا و بيطلعوا يقعدوا في الكافيه
الجارسون : تحبوا تشربوا ايه
مازن : هاتلي قهوة و شوف هي عايزة ايه
ميرنا : هاتلي قهوة برضو
بيمشي الجارسون ..
ميرنا  : اتغيرت كتير يا مازن
مازن وهو بيشرب سجارة : كل حاجة بتتغير مجتش علي مازن السويفي يعني
ميرنا : احنا طول عمرنا أخوات و أصحاب ولما اتخطبنا كان غصب عننا عشان عمرنا ما بصينا لبعض كده و عشان كده الخطوبة اتفركشت بسرعة
مازن : بالظبط
ميرنا : طول عمرنا شايلين أسرار بعض
مازن : عايزة ايه يا ميرنا بلاش مقدمات ؟؟!
ميرنا : حبيتها يا مازن
مازن بيتنهد و بياخد نفس عميق من السجارة و بيبص علي النيل :  جميلة يا ميرنا جميلة بشكل ما يتوصفش .. والأهم أنها جميلة من جوا قبل من برا .. عنيها بتاخدني لبعييد ...اتظلمت كتير في حياتها. . تخيلي طلعت يتيمة الأم زي حلاتي .. طفلة اوى و هي بتمسح دموعها بتلمس قلبي كده .. قدرت تصفالي بعد كل الضرب اللي خدته ده تخيلي .. بلاقي نفسي معاها و في حضنها
ميرنا : ياااه يا مازن حبيتها بسرعة كده
مازن بارتباك : و مش عارف انا بحبها ولا لا بس لا لا مجرد إعجاب مش اكتر
ميرنا : حبيتها و بكرا تقول ميرنا قالت .. طب وهي حبيتك؟؟!
مازن بحيرة : مش عارف بس هي اتعلقت بيا و بتتخض عليا و النهاردة حسيت أنها غارت عليا منك تخيلي و بيضحك ..
ميرنا بضحك : وانا كمان والله حسيت
مازن : انا حكيت وانتي هتحكي
ميرنا : موافقة
مازن : بابا اتصل يجيبك ليه ؟
ميرنا بارتباك : لا طبعا وهو هيجبني ليه انا بس خلصت كل اللي ورايا في البيوتي سنتر أخيرا و قلت أجي اشوفكم ماحنا ملناش إلا بعض في الأول و في الآخر
مازن بشك : هعديهالك
ميرنا بضحك و هي بتشرب القهوة : مش محتاج جلسات تنضيف بشرة
مازن بضحك : ليه شايفاني سوسن قدامك ؟؟!
بيضحكوا سوا ...
ميرنا : طب يلا بقي انت وراك سفر الصبح
مازن : و كمان عشان الحق أحضر الشنطة
بيقوموا و بيروحوا للقصر