Alam nyo kung ano yung mahirap?
Yung tipong mas mahirap pa sa pagiging pangit at mahirap pa sa daga?
Yun ay yung...
May tinulungan ka lang na matanda na nagugutom at binigay mo yung natitira mong isang kagat na tinapay na para sana sa hapunan mo dahil naawa ka lang. Tapos binigayan ka na lang ng salamin kapalit raw ng pagtulong sa kanya.
FLASHBACK...
Ang hirap talagang maghanap ng trabaho. Lahat na lang reject. Wala na nga akong pera eh. Pano na ako nito?
"Haaay" mahabang buntong hininga ko sabay sipa ng lata na sa kasamaang palad ay..
"ARAYKUPO" daing ng isang matandang pulubi na natamaan ko pala. Alam nyo yung mala ermitanyo ang dating? Paramg ganun eh. Di ko akalaing may nag-eexist pa palang ganun. Hehe.
"Naku... pasensya na po lolo. Di ko po sinasadya. Pasensya na po talaga." nag-aalalang sabi ko sa matanda sabay lapit sa kanya at tiningnan ko ang natamaang noo nito.
Naku naman. Namumula na. Mukhang magkakabukol pa ito eh. Wala naman akong perang pambili ng gamot nito.
"Pasensya na po talaga. Di ko po sinasadyang bukulan este tamaan ka ng lata, lolo." hinging dispensa ko.
"Ayos lang iha. Di naman masyadong masakit eh." sabi nito sa akin.
Bilib din naman nga ako sa matandang ito. Magkakabukol na nga lahat- lahat, nagawa pang sabihing ayos lang. Kung ako yun... talaga namang---
"May makakain ka ba diyan ineng? Talagang gutom na gutom lang ako. Kahapon pa akong di kumakain eh. Kanina pang sumasakit ang ulo ko tapos di mo pa sinasadyang natamaan ako ng lata kaya.. heto. Baka meron ka jan. Kahit kaunti lang. Sapat na sakin yun." biglang sabi ng matanda sakin.
"Po? Ah.. eh... kasi po..." nag-aalangan kong sabi kasi isang kagat na lang talaga ng tinapay ang meron ako dito eh.
"Sige na iha.. kahit kaunti lamang dahil ako'y gutom na gutom na at kahapon pang walang kain."
Pag binigay ko ito sa kanya, ako naman ang mawawalan. Pero naisip ko naman na nakakain na rin naman ako kanina samantalang si lolo ay di pa nakakain.
"Ah... eh... kasi po lolo.. a-ano eh... ganito po. May tinapay po ako dito kaso isang kagat na lang po ito. Pasensya na po kasi ito lang talaga ang meron ako. May tubig rin po ako kaso kakaunti lang din po ito kaya pasensya na rin po." medyo alanganin kong sabi.
"Ayos lang iyon. Basta kahit papaano ay may mailalaman ako sa tiyan ko dahil nga gutom na gutom at nahihilo na ako." sagot naman nito sa akin
"Ah sige po. Ito na po lolo. Talagang kakaunti lang yan at kinagatan ko na pero wag po kayong mag-alala. Peanut butter po palaman nyan tsaka wala po akong rabies. Hehehe." nangangamot sa ulo ako habang bininigay yun sa kanya. Kasi naman noh? Kakahiyang magbigay ng ganon sa taong gutom na gutom.
Pagkaabot nya sa akin ng pagkain ay dagli niya itong nilantakan. Halatang gutom na gutom ang matanda dahil ultimo plastic na pinaglagyan ay sinisimot pa nya. Binuksan nya rin agad ang tubigan at sinipot rin ang kakaunting tubig.
"Aack" hiccups nya pagkatapos maubos ang kinakain nya.
"Salamat sa pagkain iha. Nagkalaman rin ang tiyan ko sa wakas." pasasalamat nya sa akin
"Ah naku. Walang anuman po iyon. Tsaka pasensya na po at yan lang napakain ko sa inyo dahil parehas lang po tayo eh." sagot ko dito
"Parehas na alin?" nagtatakang tanong niya
"Hehehe... alam nyo na po. Parehas na mas mahirap pa sa daga at walang makain." alanganing ngiting sambit ko.
"Tsaka ang pangit ko rin po kasi kaya ganito siguro buhay ko. Nakatadhanang maging pangit at mahirap. Haay... ang hirap maging mahirap."
"Wag mong sasabihin iyan. Di ka pangit. May angkin kang kagandahan na tumatago sa likod ng kabutihan ng iyong puso. Wag kang mag-alala. Nalalapit na ang iyong pagiging maligaya." makahulugang sabi nito
"Po?" nagugulumihang tanong ko sa matanda
"Ito. Tanggapin mo ang salamin na ito." sabi nya sabay abot ng isang lumang salamin sa akin.
"Aanhin ko po ito?" muli kong tanong sa kanya
Alam ko naman pangit ako at di ko na kailangan pa ng salamin para dun.
"Ah lo--"
Ibabalik ko sana ang binigay niya kaso pag-angat ko ng tingin ay bigla na lang nawala ang matanda. AT DI KO NA ALAM KUNG SAAN AKO NAGPUNTA...
FLASHBACK ENDED
O diba? Ang hirap? Di ko alam kung ano naman gagawin ko dito sa salamin na ito.
Saan naman kasi napunta ang matandang yun? Bat naman kasi biglang nawawala? Sino ba talaga yun?
"Salamin, salamin. Ano ang aking gagawin?" parang baliw na kinakausap ko amg salamin na hawak ko.
Sa laki ng salamin na hawak ko... kungsabagay... for whole body mirror ito. San naman kasi ito napulot ng matandang yun? Ayan tuloy... ako ang nahihirapan sa pagbitbit nito pauwi. Malapit na rin naman ako sa bahay kaya ayos lang ito.
Maya-maya ay nakarating na ako sa bahay. Gusto ko lang palang ipaalam na ang bahay na ito ay pamana pa ng lola ko. May pagka- "BAHAY NI LOLA" ay peg nito kaya kung baguhan ka ay talagang matatakot ka sa mala hunted house na datingan nito. Pero dahil sanay na nga ako at wala namang nagpaparamdam sa akin ay carry lang ng gandang ako lang ang nakakakita.
Pero mabalik sa usapan... Nahihiwagaan talaga ako sa salamin na binigay ng matandang nawala na parang bula sa pagkabigay kanina. Tinitigan ko ito at inikutan. Ano bang meron dito at parang mahiwaga.
"Hay! Mukha na akong baliw dito. Maiwan na nga muna kita." wika ko sabay alis sa harap ng salamin.
"Mira! Mira! Mira!"
Teka? Baliw na ba ako at may naririnig akong tumatawag sa akin?
Tumigil muna ako saglit para muling pakinggan kung may tumatawag talaga sa akin kaso sa tagal kong nakikinig ay wala naman akong narinig. Marahil ay guni-guni ko lang yun. Tsk. Makaakyat na nga.
Kaso nang lalakad na naman ako ay...
"Mira! Mira! Halika rito. Lumingon ka!"
Mas lumakas pa ang pagtawag kaya lumingon na ako at hinanap kung saan galing ang tinig na aking naririnig. Paglingon ko ay...
.
.
"Mira. Halika!"
"Aaaaaah!!!" napasigaw ako sa takot k-kasi... yung salamin ang tumatawag sa akin.
"Aaaah... halimaw! Maligno!!! Engkanto!! Demonyo!! Aaah!" sari-saring sigaw ko dahil sa takot.
"Mira, wag kang matakot. Di kita sasaktan." biglang sabi nito
"Ba't ka nagsasalita? Ano ka ba? Sino ka?" natatakot na tanong ko dito habang dahan-dahang uumuusod palayo sa maligno
"Halika rito. Pumasok ka sa salamin na ito. At malalaman mo ang kasagutan sa mga tanong mo." muling sabi nito
"Ako? Papasok diyan? Ano ako? Tanga?" nakakalokang tanong ko sa salamin.
