ثاني يوم كعدت
روان : صباح الخير
عسل وبيبي : صباح النور
*طبعا بيبي عائشة ابحدها لان خوالي كلهم طلعوا كل فترة يجون يشوفوها بس خالي عباس يومية يجي يشوفها فبقينة اني وعسل يمها
سويت ريوك وغسلت المواعين عيل نضفت وغسلنة هدوم بيبي وضلينة نقرأ قصص
روان:بيبي شسوي غدة
بيبي:مرت خالج عباس يومية اجيب اكل
روان:لا اريد اضوكج طبخي
عسل:اريد برياني
بيبي:يلة سوي برياني
رحت اثرم بتيتة واسمع دايخ بيك لان كلش احب سيف نبيل (سويتها اتحب سيف نبيل لان اني اعشقة )وسويت البرياني بس الي محل بية اخلي هواي بهارات
اجت خالة زينب هية ورجلها وابنها (الي خطبني)
عسل :روان تعالي يريدوج
روان:نعم منو رايدني
زينب:اني رايتج
روان:احجي خالة
زينب:خالة اريدج الابني ياسين شكلتي
روان:خالة حجينة بهذا الموضوع من زمان اني ما اريد اتزوج بعد ما عندي ثقه باي احد
زينب : يعني ابن خالتج مو غريب
روان:لا خالة ما اريد
زينب :بعد بكيفج انتي الخسرانة
راحت خالة واخذت عسل بقيت اسبوع يم بيبي رجعت لان باجر يجي بابا
رجعت للبيت عدلت ونضفت طبعا اني عملت الكلية يعني اداوم بس ممهتمة
رجع بابا من السفر رتبت البيت واخذني عمو للمطار جان الكراج متروس لان اصدقائة هواي بس شفتة رحت ركض مهتميت للولد الواكفين شبكتة وبس ابجي
روان :مشتاقتلك 😭😭😭😭
علي:اني أكثر كافي تبجين
روان: والله بعد ما اخليك اتسافر
علي:وخري خل اسلم علعالم
رجعنة للبيت ذبحوا لبابا وسويت عشة اجو عماتي ساعدني بس هلكت من التعب
وإلى هنا ينتهي البارت اليوم اتمنى يعجبكم
اريد تفاعلكم 💋💋💋💋💋
الكاتبة رؤيا 💖💖💖💖💖💖
