#فصليه_لاننقاذ_حبيبي
#البارت_الثالث_
يا عطـــــــر الورد يا ياس يا هيل
يعوضـــــــك يا اخو يا جار يا هل
تباوعلي بجفـــــاك الناس ياهل
يتيم ومرت ابوي امچوية اديه
زهراء . لعد ومحمد شلون
أم أحمد .لاتخافين عدي غير حل
زهراء. شنو الحل ماما
أم أحمد. ننطي ميلاد فصليه
زهراء . يااا ومحمد شلون يقبل تدرين يحبهه
أم أحمد . خلي يختار لو حريته لو ميلاد
بس هذا الكلام يبقى بيناتنه والله لواحد عرف انطيج فصليه وروحي ولا انقهر عليج
زهراء. لا لا ماما مااحجي
أم أحمد روحي خلي اخابر عمتج افهمهه .
زهراء . ماشي ماما
طلعت من امي وحايره شأكول الميلاد اذا سألتني عادي اكلهه جنت ارتبلهه غرفتهه ودلكتهه
ميلاد. هااا زهراء شكو
زهراء . ها ماكو شي بس صاحتني ارتبلهه الغرفه ودلكتهه
ميلاد. من شوكت عمتي اتصيحج ترتبيلهه الغرفه طول عمري اني انضفهه .
زهراء. شمدريني هيه صاحتني يجوز مارادت اتعبج
ميلاد . ماشي تعالي نجهز العشه هاي بسمه حملهه متعبهه خطيه خليهه ترتاح .
زهراء. يمعوده تتدلع كلشي مبيهه.
ميلاد. تعالي اشتغلي ماكو غيرج الي يدلع .
زهراء . ههههههه ادلع بجال بنت عمي الغاليه شعدي غيرج .
ميلاد . ادلعي ادلعي غير حماتي المستقبلية لازم اكسب رضاج ههههه .
زهراء. من كالت هيج ميلاد حسيت اني خاينه وجاي اخون اختي وصديقي بس شسوي لواني لوهيه تروح بس اني مستحيل اعوف عباس ابن عمتي ميلاد الله يعوضهه.
ميلاد. الوووو وين صفنتي
زهراء. لا مصافنه بس جاي أفكر بمحمد البيت وحشه بدونه.
ميلاد. أي والله حتى اشتاقيت الرزايله وعصبيته عليه
كملنه العشه بس عمتي وعمي مااكلو وزهراء موطبيعيه بس تصفن اووف ليش احنه العايشي شويه حقهه تصفن اكيد تفكر شلون نرجع محمد يارب رجعه إليه والله دنيتي هوه
كملنه العشه وكمت غسلت الماعين ورحت نمت بس كوه غفيت حلمت اجه أبويه وأمي إليه بالحلم وكالولي
أبو ميلاد. بابا ميلاد اريدج قويه ومضعفين تحت أي ضرف يصير وياج
أم ميلاد. ماما ميلاد اخذي هذا الخاتم {المحبس}أم ميلاد . ماما ميلاد اخذي هذا الخاتم { المحبس }
هذا من نصيبج ومااريدج اتزعلين أريد افتخر ابنتي دائماً كوني قويه ولا تأمنين بأحد .
ميلاد . فزيت من الحلم صدك فرحانه شفت بابا وماما بس شنو جانو يقصدون بس لا محمد يصير بي شي ضليت اتكلب للصبح منمت كمت صليت وقريت قرآن وطلعت جهزت الريوك كعدو عمي وعمتي تريكو بس محد حجه وي الثاني كعدت بسمه
بسمه . صباح الخير
الكل . صباح النور
كملنه ريوك عمتي راحت الغرفه زهراء وره شويه طلعت وطبت الغرفتهه وكالت
أم أحمد. بنات جهزن غده زين جاينه خطار
بسمه . عمه منو الخطار .
أم أحمد . اخت أبو أحمد أم عباس وعباس درو بالمشكله وجاين يشوفونه
بسمه. هلا بيهم
ميلاد . بسمه حبي انتي ارتاحي اني اسوي الغده انتي حامل وموزين عليج الحركه .
بسمه . يمعوده شكو عليه أهم شي الثكل مااشيل خليني اساعدج .
جهزنه الغده سمج وتمن وباميه وزلاطات وسويت طابك بالتنور بس عمتي وزهراء بس يتبسبسن مارتاحيتلهن مااعرف ليش وره شويه اجو بيت أم عباس وعباس شكلكم زهراء بغير عالم هيه وخطيبهه يسولفون ويضحكون بس عمتي وام عباس يسولفن وضايجات بس كل مااتقرب يمهن يسكتن كلبي ممطمن مااعرف ليش
باتو يمنه وثاني يوم الصبح غبشه طالعين ورايحه وياهم عمتي وزهراء اجو الضهر بس وجوهن ميتفسرن
ميلاد. هلا عمه وين جنتو ضل بالي عليكم
أم أحمد . رحنه زرنه ودعينه لمحمد يطلع بالسلامه
ميلاد. آمين عمه ضلو يومين عدنه وراحو
الشيخ . خويه أبو أحمد الناس متانين رد شقررت
أبو أحمد. والله ياشيخ حاير حتى لهسه مكايل البنتي هل خبر اليوم ارجع وكلها وانت رد عليهم كلهم موافقين بشروطهم بس خلي تخلص هل اطلابه ازوجه بلكي يصير صاحب مسؤليه وبعد ميتهور اترخص اني
الشيخ . مرخوص أبو أحمد
أبو أحمد. قبل يومين حجيت وي اختي وام أحمد نفض سالفة الخطوبة اختي كالت بكيفك وام أحمد ضلت ساكته الله يستر اذا سكتت اعرفهه سكتتهه وراهه شي بس هسه اروح احجي وي زهراء بلكي ترفع راسي وتقبل اني بعد انطيتهم حجايه مااكدر ارجع بيهه .
أبو أحمد. دخلت للبيت صحت زهراء بويه تعالي
زهراء. أبويه صاحني كلبي وكف هايابه
أبو أحمد بويه عدي حجايه وياج بيدج انتي ترفعين رأس ابوج وتخلصين أخوج من الموت
زهراء. اباوع على امي وميلاد وكلتله كول يأبه اذا بيدي تدلل.
أبو أحمد. ونعم منج بنتي . أهل الولد طلبو فلوس وفصليه لو تصير دم بدم ونتي تعرفين مالنه حيل الطلايب وفضيناهه ننطيهم فصل افلوس وفصليه بويه ونتي راح ترحيلهم فصليه بيدج روح اخوتج صارت راح ياخذج ابنهم يزوجج على سنه إلله ورسوله.
زهراء. بس بويه شلون يصير ازوجه . اني مزوجه.
ميلاد. بعد الكلام الي كالته زهراء عم السكوت بس ضل عمي يباوع بالعيون وضحك وكال .
أبو أحمد. بويه انتي بس مخطوبه والخطوبه فضيناهه شنو دكولين مزوجه .
زهراء . أي يأبه مزوجه وذا متصدك هسه اجيبلك العقد قبل يومين عقدت عقد محكمه اني وعباس .
أبو أحمد. أم أحمد بنتج
