🌸 تمرد وكبرياء 🌸
في المطار
اسيا: انت مين
هو ببرود: الرائد حسام اظن سياده اللواء حكالك عني
اسيا ببرود: والله هو محكاليش غير انك شريكي في المهمه وبس غير كده ماسمعتش عنك
هو بلا مبالاه: طيب طيب يلا بينا علي الطياره
اسيا: يلا ويروحوا يركبوا الطياره ويقعد حسام جنبها ويمسك ايديها
اسيا بعصبيه: انت اتجننت ابعد ايدك عني انت ازاي تسمح لنفسك تلمسني اصلا
حسام بهدوء: اهدي بس كده وبلاش غباء انتي ناسيه ان فيه ناس بتراقبنا ولازم نظهر قدامهم زوج وزوجه
اسيا: دا مش مبرر لقربك مني بالشكل دا
حسام: يشوف واحد مركز معاه هو واسيا وعينه عليهم يقرب حسام من اسيا وبدون مقدمات يبوسها من خدها ويوطي علي شفايفها ويعمل نفسه بيبوسها
اسيا: تشهق بصدمه
حسام بصوت واطي: اهدي بصي ورايا هتلاقي واحد عنيه علينا شكله من العصابه
اسيا: تبص ورا حسام تلاقي واحد بيبص عليهم تلف اسيا ايديها حوالين رقبته وتضحك بدلع
حسام: الله دا انتي طلعتي مش سهله اهو
اسيا بعصبيه: بقولك ايه لو سمحت بلاش كلام ملهوش لازمه انا عملت كده علشان لو هو من العصابه كان ممكن يشك فينا وابعد كده من فضلك
حسام ببرود: انتي فاكره نفسك ست بجد ولا ايه الله يرحم لبس الرجاله اللي بتلبسيه الا صحيح ايه اللي حصل علشان تتغيري 180 درجه كده
اسيا بغضب: وانت مالك اووف انسان بارد بصحيح وبعدين انت تعرف منين اصلا ولو سمحت ماتتكلمش معايا لحد مانوصل انت فاهم
حسام: وهو انا يعني هموت لو ماتكلمتش معاكي
ويقضي حسام واسيا الباقي من الطريق وكل واحد فيهم باصص في ناحيه وساكتين وبعد 3 ساعات
حسام: اسياااااا
اسيا بخضه: ايه دا فيه ايه انا فين
حسام: انا فين لاحول ولا قوه الا بالله قومي يا حضرت الرائد وصلنا وينزل حسام ومعاه اسيا ويركبوا تاكس ويروحوا فندق 5ستار
حسام يتحدث باللغه الانجليزيه: لو سمحت يوجد حجز بأسم چوزيف
الشخص: نعم سيدي هذا هو مفتاح غرفتك تفضل سيدي
حسام: شكرا لك نذهب حبيبتي
اسيا: نعم حبيبي وياخد حسام اسيا ويطلعوا الجناح المخصص لهم وتدخل اسيا تلاقي الجناح جاهز لعروسين ليله فرحهم
اسيا: ايه القرف دا
حسام: جناح عروسين عايزاه ازاي يعني
اسيا: اووووف وتسيبه اسيا وتدخل الغرفه ويدخل حسام وراها
اسيا: افندم عايز ايه
حسام بقرف: اكيد مش جي وراكي علشان سواد عيونك جي اشوف لو فيه كاميرات مراقبه ف الغرفه ويفتش حسام الغرفه ويلاقي كاميرا في الغرفه وكاميرا في حمام الغرفه
حسام بغضب: ولاااد ال****
اسيا بقلق: فيه ايه وجيبت دول منين
حسام بعصبيه: واحده كانت في الحمام والتانيه في الغرفه
اسيا: طيب مش طلعتهم يلا اتفضل بره بقي عايزه انام
حسام: تص
دقي انا غلطان اصلا كان المفروض اسيبهم يشوفوكي حتي وانتي في الحمام
اسيا بصدمه: انت قليل الادب
حسام بغضب ولف زراعها خلف ظهرها: اسمعي طول ماحنا في المهمه الزفت دي لسانك مايغلطش انتي فاهمه ويزقها
اسيا بعضب: انت ازاي تسمح لنفسك تعمل كده
حسام يبصلها بقرف وميردش عليها ويسيبها ويخرج من الغرفه وتخرج وراه اسيا بعصبيه
اسيا بعصبيه: انت انا بكلمك ازاي تعمل كده
حسام: ميردش عليها ويفتش في الغرفه التانيه لو فيه كاميرات تاني ويلاقي واحده
حسام ببرود: اسمعي اظن انتي شايفه كميه الكاميرات اللي في الجناح من هنا ورايح تتكلمي بصوت واطي وبلاش الطريقه دي معايا يا حضرت الرائد علشان متندميش
اسيا: اوووف وتسيبه وتدخل غرفتها وتقفل الباب بقوه ويروح حسام وراها ويخبط علي الباب وتفتح اسيا
اسيا ببرود: افندم
حسام: اعملي حسابك هننزل الساعه 8 نتعشي تحت علشان طوني بيكون موجود في الوقت دا ولازم نراقبه علشان نوصل للباشا
اسيا: طوني مين
حسام: طوني دا يبقي الدراع اليمين للباشا ودا زي مابسمع عنه انه زير نسا ويكمل ببردو ويضع ايده في جيب بنطاله وطبعا مش هوصيكي تلبسي لبس يليق بأنثي مش ابقي نازل ومعايا عم عبده في ايدي
اسيا بصدمه: انت مين قالك الكلمه دي
حسام: بصراحه شكلك بيقبي شبه عم عبده وانتي باللبس الرجالي هههههههههه ويسيبها ويمشي ويروح علي غرفته ويقفل الباب ويشيل الدقن المصطنعه ويقلع الكاب والنظاره الشمسيه
حسام: مبقاش انا لو ماجيبت الباشا ووصلته لحبل المشنقه وينام حسام
ــــــــــــــــــــــــــــــــــــــــــــــــــــــــــــــــــــــــــــــــــــــ
الباشا: يعني ايه ماتعرفش اختفت فين
طوني: يا باشا زي مابقولك كده مشوفتهاش انا كنت في المطار ومكنتش موجوده
الباشا: اسمع البنت دي قويه ومش هتسكت غير لما ترجع بلدها واحنا معاها متكلبشين وهتوصلنا لحبل المشنقه لازم توصلها
طوني: يا باشا ترجع بلدها ازاي وهي ماخرجتش منها اصلا
الباشا: اكيد خرجت بشخصيه تانيه المهم الرائد اسيا تكون عندي في اسرع وقت
طوني: حاضر يا باشا
الباشا: طوني مش عايز حد يشك في حاجه
طوني: امرك يا باشا
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله عمران
اروي: عمر لو سمحت ممكن توصلنا الجامعه
عمر: للاسف عندي اجتماع مهم ولازم اكون مكان ادهم قولي لياسين
اروي: لا خلاص هناخد تاكس
وينزل ياسين من فوق: تاكس ايه لا طبعا انا هوصلكم انتي مش شايفه تالين تعبانه ازاي
تالين: خلاص يا اروي يلا يا ياسين احنا متأخرين
اروي: طيب يلا بينا ويوصلهم ياسين الجامعه
ياسين: انزلي يا اروي كليتك وانا هوصل تالين كليتها
تالين: لا انا معنديش محاضرات بس كنت جايه مع اروي علشان اقعد معاها هي وصحابها
ياسين: ماشي انزلوا انا هوصلكم لحد جوا وينزل ياسين واروي وتالين ويدخلوا الكليه وتيجي بنت لابسه فستان لحد ركبتيها وشعرها اصفر تشوف ياسين وتجري عليه وتحضنه: ياسين حبيبي وحشتني موت يا سينو وتبوسه من خده
تالين بغيظ: شايفه البيه لازق فيها ازاي ضربه في معاميعه
اروي: هههههه استني والنبي عايزه اتفرج
تالين: اروي اتلمي هاا
ياسين: طيب يا اروي انا ماشي ولما تخلصوا كلموني علشان اجي اخدكم
تالين بغيظ: وانت رايح الشركه صح
سيلا بدلع: لا سينو هياخدني يفسحني صح يا سينو
ياسين: طيب يا بنات سلام وياخد سيلا ويمشي
تالين بحزن: يلا بينا يا اروي وتمشي تالين ووراها اروي
اروي: انتي يابنتي استني بس اهدي
تالين بحزن: اروي من فضلك سيبيني دلوقتي
اروي: طيب اهدي علشان خاطري. ويلا نروح للبنات اهم هناك اهو يلا وتروح اروي ومعاها تالين عند البنات
سچي: اتأخرتوا كده ليه
اروي: معلش الطريق كان زحمه
ريتاچ: اومال تالين مالها
ايه: مالك يا تالين
تالين: ابدا يا جماعه مفيش حاجه
سچي: ازاي مفيش انتي مش شايفه شكلك عامل ازاي
اروي: اصل ياسين كان بيوصلنا وفيه بت مسهوكه كده جريت عليه حضنته ههههههههههه
تالين تبصلها وتعيط: انتي بتضحكي محدش حاسس بالنار اللي جوايا
سچي بحزن: معلش يا تالين اهدي انتي بس وبكره تشوفي هيجري وراكي ازاي
تالين: مبقتش فارقه صدقيني انا اتعودت علي الوجع خلاص ويبصولها البنات بحزن
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عاصم الحسيني
تجلس كارما في غرفتها تبكي علي افعال والدها ويدخل عمرو الغرفه يلاقيها بتعيط يروح ويقعد جنبها
عمرو: مالك يا حبيبتي
كارما: لا ابدا مفيش حاجه وتمسح دموعها
عمرو: صدقيني حاسس بيكي من غير ماتتكلمي
كارما وتنهار في البكاء: ليه بابا عمل كده حرام ليه انا مش عارفه اشوف صحابي بسببه مش عارفه ابص في وشهم ازاي ياعمرو وحشوني اوي
عمرو: ياخدها في حضنه طيب بس بس اهدي وبعدين هما عارفين انك ملكيش ذنب وهما كمان بيحبوكي واكيد وحشتيهم
كارما: عمرو انت كويس من جواك ليه بتعمل كده ليه انت زي بابا
عمرو: اوعي تقولي كده يا كارما وبكره تعرفي انا بعمل كل دا ليه ويبوسها من جبينها ويخرج يروح غرفته ويجلس علي الاريكه
عمرو: ااااه ياربي ساعدني ودلني علي الطريق الصح انا تعبان تعبان يارب انا مش وحش بس انا حظي كان مع اب قاسي مابيحبش غير نفسه كان لازم ابقي في صفه علشان ميقتلش كارما ااااه ياااارب انا تعبت
ــــــــــــــــــــــــــــــــــــــــــــــــــــــــــــــــــــــــــــــــــــــ
في الفندق عند اسيا وحسام
يروح حسام يخبط علي باب غرفه اسيا: اكيد لسه نايمه بني ادمه معندهاش اي احساس بالمسؤليه وتفتح اسيا الباب وتكون فستان اسود طويل ضيق من عند الصدر ونازل واسع وشعرها ينسدل علي ظهرها مع بعض لمسات التجميل واحمر الشفاه الناري
اسيا ببرود: علي فكره انا ملتزمه بمواعيدي
حسام بجمود: طيب يلا بينا وينزلوا يتعشوا ويلاقوا حراسه علي باب الاوتيل وينزل منه شاب بس الحراسه حواليه تحاول اسيا تشوفوا بس متعرفش ويدخل الشاب النايل كلاب
حسام: يلا بينا وراه ومتنسيش زوج وزوجه جايين يقضوا شهر عسل ويمسكها حسام من ايديها ويدخلوا النايل كلاب ورا طوني تحاول اسيا تشوفه بس تلاقي البنات كلها حواليه
اسيا: ملمومين حواليه كده ليه
حسام: مانا قولتلك طوني دا زير نسا
اسيا: اووووف طب وبعدين احنا حتي مش عارفين نشوف وشه
حسام: اصبري بس هو هيطلع يرقص معاهم دلوقتي تعالي نقعد علي الترابيزه دي
اسيا: طيب
وبعد شويه يطلع طوني يرقص وحواليه البنات بيرقصوا معاه بس الاضاءه مش ظاهره شكله
اسيا: اهو بيرقص وبردو شكله مش ظاهر
حسام: ياستي اصبري علشان محدش يشك فينا
اسيا بخنقه: طيب صبرت
وينزل طوني وتنزل وراه البنات ويقفوا حواليه وبعد شويه تشتغل اغنيه رومانسيه ويمسك طوني ايد بنت من اللي حواليه ويطلع يرقص معاها
حسام: يلا نطلع نرقص
اسيا: نعم لا طبعا مستحيل
حسام: لازم طوني بيرقص ودي فرصتنا علشان نشوف شكله يلا قومي
اسيا: يووووه طيب وتقوم اسيا بس يرن موبايل حسام
حسام: استني شويه وراجع ويمشي حسام يتكلم في الموبايل وتبص اسيا يمكن تعرف تشوف اللي اسمه طوني وكاانت الصدمه ..................
ــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ايه سبب صدمه اسيا؟
وياتري طوني هيعرف يوصل لاسيا؟
وليه حسام عايز يثبت برائته ومن ايه؟
وايه مصير ياسين وتالين؟
وليه عمرو حزين كده؟
