زيجه راس براس

البارت 25

الاء كعدنه من الصبح نحضر لان خالتهم راح تجي حضرنه الاكل وتنضيف اجو سلمنه عليهم طبعا حنين طبعا كلش حلو تسولف وتضحك كعدنه نسولف هي شوي شكلها ضايجه كتلها شبيج
حنين. هاشم ماعرف شنو بي متغير مو مثل اول ايام
الاء. يعني شلون متغير
حنين. ما اعرف شلون اكلج بس هو صاير عصبي وما ينحمل
الاء. اي عادي كلهم هيج عصبيين وما ينحملون
حنين. اوووف ما اريد هيج طلعت روحي منو
الاء. ويعني شنو تردين تسوين طلعت روحج اني مثلج طلعت روحي بس لازم اتحمل شسوي بعد
حنين. بس انتي علاء ما يعصب ع أسباب مالها معنا
الاء. لا والله ما تعرفين علاء ع كلشي يعصب وع كلشي يضرب بس متحمله
حنين. ما اعرف خايفه منو اخاف ينجلب علي
الاء. طاح حظج ولج ينجلب عليج شنو احترم سمعي حته اني مثلج اول ما جيت الهذا البيت هم ما اتقبلت حياتي الجديده وبلشت مشاكل بينه الها اول مالها تالي بس بمرور الايام اتعلمت عليهم أن حياتهم وهاي اني كدامج عايشه صح مو مثل قبل بس علاء ما مقصر وياي شتردين نصير هم واحد اطكع من الثاني هم نفس الشي
حنين. تعرفين أنه ما عندي شي وياه بس ردت اطلع ويه اختي للسوك وتعرفين لازم أجهز نفسي ماعرف يمته راح نتزوج وهاي انتي قبل فتره رجعتو من دبي وقبلها اخذج الاهلج براحتج تطلعين وتدخلين ما يحجي هسه ليش يحجي وياي هيج
الاء. سمعي احنه من قبل لا يموت الحجي كلنه نروح بس صار اللي صار و هسه رجع أخذني الدبي ولا تجين تقارنين نفسج وياي لان حياتي اللي عايشتها للعدو ما اتمناها لا تغرج المظاهر
حنين. ليش شنو ناقصج حته ما تردين عدوج يعيش حياتج
الاء. ما ناقصني شي بس اكو شغلات خاصه مااكدر احجي بيها مستحيل احد يتحملها ويلا لا تزعلين ع الولد وعيشي ايام الخطوبه لا تخربون الحظه المهم ضليت اقنع بيها لان هاشم مثل علاء بالضبط بالشكل والطبع اعصابهم مثل بعض ما يختلفون كمت طلعت للمطبخ اكمل شغل ويه البنات بطلعتي صاح علي هاشم رحتلو
هاشم. هاا شلونها
الاء. منو
هاشم. حنين بعد منو
الاء. بغرفه امك كاعده روح الها واحجي
هاشم. بخت عمج اخذيها للغرفه مالتكم اريد احجي وياها مااكدر هين كدام اهلها
الاء. ليش مو بمغرفتك
هاشم. زعلانه ولو اموت ما تجي الغرفتي يلا حبابه
الاء. اوك بس اني شنو احصل من هذا كله
هاشم. مصلحجيه اللي تردينه بس هسه خلي تصعد
الاء. ماشي رجعت الغرفه الحجيه كتلها. حنونه امشي وياي فوك
حنين. وين
الاء. الغرفتي شوي امشي
حنين. اوك يلا
الاء صعدنه للغرفه شوي ودخل هاشم ورانه كتلهم. يلا اني اطلع اخذو راحتكم علاء ما يرجع هسه
هاشم. اوك تسلمين
الاء تركتهم وطلعت نزلت دخلت للمطبخ هوسه واني شلون احب هيج كعدنه كل وحده صوتها اعلا من الثاني كملت اللي علي ودخلت للحمام الجو حار مو مال ساعات بالمطبخ ونعرك ونبقى بدون ما ندخل نسبح فأخذت من الملابس القديمه اللي بغرفه الحجيه لان مرات البس منهم من اسبح جوه واخذهن اوك دخلت تقريبا هياتني فاتحه المي ما اسمع غير صوت علاء عزه بس لا يصعد للغرفه بسرعه بسرعه كملت