ف مكتب بو وتين
بنهاية الدوام طلع من مكتبه وتوجه لأقرب معرض سيارات، اختار لبنته مرسيدس اخر موديل وسجلها بأسمها، وراح توصل بأقرب وقت
وبطريقه للبيت يفكر بكلام اخوه بوجاسم، بس طنشه ووصل البيت وهو مستانس انه تحقق حلم بنته
دخل البيت شافها قاعده تكلم بالفون
وتين اول م شافته: خلاص دانووه اكلمج بعدين بابا وصل.... باي
قامت بفرحه وحضنت ابوها بسعاده: باباااا
بو وتين شالها ودار فيها بفرحه : الف مبروك ي حبيبه بابا، اخيييرا
وتين دمعت عينها: الحمدلله بابا،
بو وتين وهو يمسح دمعتها: افا ليش الدموع مو مستانسه
وتين وهي تحضنه: مستانسه بابا، بس مابي افارقك
بو وتين : ههههه لا تخافين كل اجازه راح تشوفيني معج، وبعدين متى م تبين تيي هني بس دقي عليي واحجز لج
وتين باست خده: الله لا يحرمني منك بابا
بو وتين: ولا منج، يلا خليهم ينجبون الغدا،ترا مت يووع
وتين: من عيوني، راحت للخدم تقولهم ينجبون الغدا
بعد الغدا راح بو وتين يريح، ووتين قعدت عند المسبح وسوت لها روز عصير فريش وخذت لها كتاب وقعدت تقراه، كان الجو معتدل مو حار ولا بارد
وبنص قعدتها، تفاجأت بجاسم ولد عمها ياي
استغربت ووقفت له لأنه م ايي بيتهم
جاسم: قوه
وتين: هلا جاسم، في شي، صاير شي
جاسم بدون مقدمات: انتي شنو تحسبين نفسج يوم انج بتهدين ديرتج وتروحين عند الغرب
وتين استغربت منه: وانت شلك هذي حياتي وانا موافقه وبعدين ابوي موافق يعني انت مالك دخل
جاسم بعصبيه وهو يمسك ذراعها: احترمي نفسج ي بنت ابوج، وسفر ماكو وبتشوفين
وتين بعصبيه وهي تشد ذراعها منه، رفعت ايدها وصفعته كف: مالك شغل، ولا تلمسني مره ثانيه والا بيكون لي تصرف ثاني معاك
جاسم بقهر: هين ي وتين بتشوفين، وراح واهو يصكر الباب بقوه
وتين تعكر مزاجها، ودشت البيت واهي مقهوره منه
ببيت بو جاسم
قاعدين اهو ومرته ام جاسم يشربون شاي بعد الغدا
الا يدخل جاسم بكل عصبيه
بو جاسم: هيي هيي انت شفيك داش جذيه
جاسم بعصبيه: بنت اخوك اللي م تتسمى م راح تسافر وبتشوف
ام جاسم : شصاير بعد ووش سوت هذي وتينوه
قاطعها بو جاسم؛ وانت وين لقيتها ان شاء الله
جاسم : رحت لهم البيت وتهاوشنا
بو جاسم وقف بقهر: شنوو، انت تبي تضيع اللي ابي اسويه، غبي طالع ع امك
ام جاسم: ليش شفيها امه يعيوني مو تارسه عينك
بو جاسم طنشها: سمعني زين باجر تروح تعتذر من عمك؛ اكيد أهي بتقوله اللي صار ولا تضيع علي خططي بغبائك سامع
جاسم ينافخ بقهر وهو يتذكر الكف اللي ياه منها
ام جاسم باستهزاء: وشنو خططك ان شاء الله استاذ حمد
بو جاسم : مالج شغل، واسمعني انت قول لعمك انك تحبها عشان كذا م تبيها تسافر
جاسم انصدم
وأم جاسم ردت : شنووو، لا والله هذا القاصر ازوج ولدي وتينوه اقول روح زيين
بو جاسم بحده : سكتي انت، وأنت اظن سمعت اللي قلته
جاسم:بس انا م ابيها
بو جاسم : وشنو بتقول لعمك ان شاء الله، وبعدين ولا انا اللي ميت عليهم بس عشان يثق فيك ويشغلك عنده وتكون انت الآمر الناهي
جاسم قعد يفكر
ام جاسم بخبث: عفيه عفيه ع زوجي، هذا اللي يفكر صح
جاسم دشت الفكره براسه وتوعد لوتين بنفسه
