ثم تتحول فجأه لشخص لا يعاتب احد
يتجنب المناقشات التي لا جدوى منها
ينظر للراحلين عنه بهدوء ويستقبل
الصدمات بصمت مريب . تنضج فجأه وتتساءل من هذا الذي لا يشبهك .
............
تقى . احس طريق صار شطوله علينه لازمه ايد مامه وادعي ان شاء الله ماكو . عفيه وسام زيد سرعه ..
وسام . بتوتر . كتلها . يي يي هو ان شاء الله ماكو شي . ان شاء الله ..
.......
سرمد . بديه باقه ورد وطبيت للمستشفى رحت لغرفت زينه ع امل سامحني ماأيأس ابد جريت نفس ودكيت لباب وطبيت ببتسامه وشفت ماكو احد تخبلت طلعت ركض دريد اشوف وين زينه . شفت ممرضه وكفتها .
سرمد . بس بلا زحمه المريضه زينه الي جانت بهاي الغرفه وينها .
الممرضه . لبارحه سجلت خروج .عن اذنك .
سرمد . ختنكت كلش مسحت وجهي بضيق وطلعت من المستشفى كعدت ع مصطبه وبديه لورد. . اجه واحد كعد يمي ضليت اباوع عليه يروح ويجي اشويه واجه كعد يمي انتابني لفضول سئلته .
سرمد . اسف ع تدخلي بس شكلك مو ع بعضك اكيد الي جوه شخص مهم بلنسبه الك .
الشخص . يي صح خايف كلش لان مرتي جوه دتولد وهي زعلانه مني ماعرف افرح ماعرف ازعل .
سرمد . بتسمت وكلتله مبروك مقدمن
اشويه وطلعت مريه جبيره تهلهل مبينه امه بشرته الرجال انو اجا توم بنات فرح كلش وندار عليه وبتسم
سرمد . هذ باقه لورد اخذها وطيهيا هسه تفرح وتنسه زعلها منك .
الشخص . ببتسامه كال . اشكرك .
سرمد . مبروك بتسمتله وطلعت من المستشفى . ..
.......
قصي . يله زوزه كومي بدون دلع اكلي سويتلج اطيب شوربه ع طريقت مامه .
زينه . عدلت نفسي ع جربايه وكمت ببتسامه وكلتله
عاشت ايدك .
قصي . يله عم . عم .
زينه . اكلت اول لكمه وكلتله
اشكرك قصي ع كل هذ لهتمام .
قصي . نجبي ولج احنه اخوه لو مو ضروف الي خلتنه هيج نصير جان هسه هذ كله مصار بيج يي سولفيلي كلشي صارلج .
زينه . ختنكت وتلعثمت شكله غمضت عيوني وكلتله .
شكلك شتريد تعرف .
قصي . زينه احجي اكو شي حاسس صايرلج مو شغله حادث وبس اكو شي ثاني .
زينه . لا ءء بس ءء
قصي . اوك اوك اهدي هسه بس شوفين نفسج مستعده احجيلي وصدكيني اني راح اكون وياج مو عليج وعد .
زينه . بتسمتله وكلتله ماشي .
قصي .اوك . هاي الاكل اني راح اروح اسبح واكمل شغل اوك اي شي تحتاجي صيحيلي .
زينه . اوك
قصي كمت ولزمت لباب دسدها واشرتلها بيدي بمعنى اكلي .
زينه . هزيتله براسي بمعنى اوك ماشي وبتسمت وطلعت تلفوني دكلب بي طبين ع رسائلنه اني وسرمد ورجعت لمحادثه من اول متراسلنه ضليت اقره وابجي اعرف بنفسي بعدني احبه وبنفس لوقت اكرها شعورين متناقضين ممصدكه نفسي معقوله هو نفس الشخص هذ كلامه الي بل رسائل وتعامله كله تمثيل بتمثيل طبيت ع صورنه حضنت تلفون ونمت وضعيه طفل ..
.......
ايه . كاعده بقلق وضعيه احمد ابد مو تمام وخاصتا قبل اشويه من اجاني هذ لضرف .
احمد . طبيت للشقه . شفت ضرف بايد ايه ومكتوب عليه احمد خاص كلش خفت لاتكون لعبه من ابو دنيا . رحت ركض وبغضب .
احمد اخذت لضرف منها سحبته وكتلها . هاي شنو .
لضرف
ايه . نداريت عليه بستغراب . وكلتله شكو شكو فززتني مادري اجاني قبل اشويه لكيته باب لشقه دفتحه .
احمد . وانتي اي شي تفتحين هاي امور تخص لشغل ومكتوب احمد خاص يعني بس اني افتحى ليش تتصرفين من كيفج .
ايه . بصوت عالي. وشبيك تصيح شمدريني اني ع كيفك وياي وتعال ثاني شي انته وين مختفي صارلك يومين كل مادكلك ماكو .
احمد . مشيت متجه للغرفه دبدل وكتلها كافي اني منهزم من النكد مالتج .
ايه . بستغراب شنو نكد هاي من شوكت . احمد هاي انته دكول هل كلام .
احمد . دبدل وكتلها بغضب ايه شتريدين بل ضبط .
ايه . لا سلامتك ماريد شي اريد بس احمد القديم يرجعلي ماريد شي .
احمد . كملت تبديله وطلعت وطفت باب لشقه وبيدي لضرف وكتلها . ايه ماكو شي يضل ع حاله .
ايه . بتسمت بستهزاء وكلتله . والله لعد منا وهيج لتعاتبني ع اي شي يصير لان اني هم مراح اضل ع حالي .
احمد . خلص اني نازل .
ايه . طلعت وعفته .
....
تقى . وصلنه وعلامات لستفهام بوجه خواتي وياهم استغربو بوجودي وياهم . ويه امي ويه جيتنه طلع دكتور . كلنه رحناله وسئلنا .
الدكتور تنهد ونزع مناضره وكال . مااضم عليكم بس الوالد حالته تعبانه كليته تعبانه لازم زرع كله ينرادله وبااقرب فرصه خلال اسبوع لازم نسويله لعمليه .
اني وامي وخواتي كمنه ندك ونلطم اشلون مين ندبر كليه .
تقى . ضليت ابجي بحركه وهدي باامي ماعرف اهون عليها لو اهون ع نفسي .
الق . بعصبيه . كله بسببج هيج صار بابويه ضل يحرك بعصابه لو صدك تحبي جان مفضلتي رجلج عليه كافي كافي كذب . جايه هسه دتبجين
تقى . ضليت مصدومه من حجيها معرفت شجاوبها .
ام تقى . كافي الق كافيي مو كتج حنه بيا حال .
الق . ضليت اصيح واكول . لا مامه لا مو كافي بس لعتب مو عليها لعتب عله رجلها ايي انته السبب وسام بسببك هيج صار وله احنه جنه مرتاحين شوف انتو رحتو وعشتو حياتكم وهاي ابويه لتاذه . بس اكول حسبي الله ونعم الوكيل .
وسام . اعرف انتي هسه بوضع حرج مراح ازعل منج لان مقدر لوضع الي انتي بي
منتضر . الق شبيج شنو هل حجي كافي
الق . منتضر شسكت انته متعرف شي بعدك
تقى . نداريت عليها بتعجب وكتلها . معقوله الي دسمعه منج انتي اختي وهيج ههه لعد مالي عتب ع غريب وثاني شي وسام ماله دخل اني الي ختاريت . بس لو انتي مكاني جان عرفتي وحسيتي .
وسام . لزمت ايديها وكتلها كافي تقى .
ام تقى بصوت عالي ومبحوح من البجي . نداريت ع تقى وكتلها . روحي تقى روحي لبيتج احنه هنا اهدو شنو مدتقدرون الي احنه بي وكت هل حجي الق اسكتي وماريد اسمع حسج منتضر اخذ الق ودق للبيت يله كدامي احنه هسه بوضع ميسمح لهيج مواضيع خلي نشوفلنه جاره بمرض ابوكم وبعدين هل حجي
منتضر . صار خاله يله بنات كدامي خلي اوصلكم .
الق . ما بس .
منتضر . خنزرتلها وكتلها كدامي يله .
ودق . رحت حضنت تقى . وكتلها مشتاقتلج كلش .
تقى . مسحت دموعي وكتلها اني الاكثر.
ودق جريت الق ومشينه ومنتضر وكف كال . اسف ع الي صار بس لوضع تعرفو اشويه حرج . اقدملكم نفسي منتضر خطيب الق .
وسام . مديت ايدي وصافحته وكلتله . تشرفت بيك اني وسام .
تقى . صافحته .
منتضر . يله اني اترخص اوصل لبنات وارجع ماشي خاله اي شي تحتاجي كليلي .
ام تقى . اشكرك وليدي . متقصر .
تقى . تقربت من مامه وحضنتها . ..
......
احمد نزلت وصعدت بلسياره دفتح الضرف شفت صوري اني ودنيا تخبلت ضجت كلش اني صحيح اريد اتزوجها بس اني بعدني احبها ل ايه ودنيا مجرد خيط توصلني للفلوس والمركز الي اني اريده .عيوني كامن يجدحن نار . طلعت بكل سرعتي متجه لدنيا .
......
.......
عمر . رجعت للبيت طبيت صارت سهى بوجهي مباوعت عليها وجان اصعد للغرفه . مااحس اله جرت ايدي . وكفتني .
سهى . عمر عمر اوكف خلي احجي وياك دقيقه .
عمر. نزلت لبايتين مال لدرج الي صعدتهن ونداريت عليها و جاوبتها بنفاذ صبر. نعم .
سهى . بتوسل حجيت ويا . عمر اريد حجي وياك .
عمر . بعدين تعبان هسه .
سهى . لا لازم نسولف هسه .
عمر . ونياز بل بيت ماكدر .
سهى . اني موافقه انزل طفل .
عمر . حلو حلو . باجر اسويلج موعد اوك يله تصبحين ع خير .
سهى . عمر .. اووف . اوك ماشي رحت لغرفتي دبدل .
عمر . صعدت واشرتلها بيدي بمعنى اسكتي بعدين . صعدت دروح لغرفه روان دشوفها طبيت لكيت نياز نايمه يمها ومبين عليها دتقرالها قصه ونامت تقربت منها وخرت لكتاب وقربت ايدي ع شعرها دتلمسه بس ايدي ترجف شفتها تحركت رئسا وخرت ايدي ضليت اباوعلها كمت غطيتهم زين وبست روان وطفيت لضوه وطلعت رحت لغرفتي . طبيت لكيت كبالي سهى .
سهى . واكفه بكامل انوثتي كدامه تقربتله سديت باب لغرفه وكلتله . بصوت هامس مشتاقيتلي .
.....
نياز . اطيني ايدك ايدك .
سراج . اركض ورها ولابسه بدله مشككه وكل ماريد اوصلها تبتعد اكثر واصيح وراها نياااز نيااز وين رايحه اوكفي .
نياز . سراج سراج ايدك .
سراج . واكف وراها شخص لابس اسود وحضنها ودريد اوصللها مااكدر واصيح بصوت عالي نياااز نيازز .
. اعوض بل الله من شياطن الرجيم سلام قول من رب رحيم كوم سراج يوم سراج
فتحت عيوني لكيت امي كاعده بصفي ونور الحج بعيونها كمت حضنتها قوي. فرحت لمن شفتها .وكتلها حمدالله ع سلامه حجيه لبيت اظلم بدونج ليش مكلتو جان اجيت اخذكم من المطار اشوكت جيتو .
ام سراج . يايمه والله مكانك خالي ويانه لا ماريد اتعبكم كلت مفاجئه وقبل نص ساعه طبينه للبيت .
سراج باوعت ع ساعه . شفتها بل سته ونص .
ام سراج . يوم حبيبي منيه نياز . اشو دتحلم وتصيح نياز .
سراج . سويت نفسي مو يمي لموضوع كتلها شنو يوم يا نياز .
ام سراج . هاي شنو انته قبل اشويه صيح نياز ونياز .
سراج . ماعرف يوم يجوز حلمان .
ام سراج . ماشي يمه .
سراج . خليت راسي ع حضنها ورجعت غمضت عيوني . وكتلها يوم كعديني بل ٧ ونص
ام سراج . كمت امسدله واقراله ايات حته تروح منه لكوابيس . كلتله . ماشي يوم ندلل .
.....
نياز . كعدت ع صوت المنبه باوعت ساعه بل ٧ ونص
نداريت ع روان وضليت ابوس بيها واحجي وياها لحد مكعدتها كتلها تروح تغسل بين مااحضرلها هدومها .
نزلنه باوعت ملكيت سهى سئلت زينب المسؤله ع المطبخ
نياز . بستغراب . لعد سهى وين اشو مكعدت روان
زينب . ماعرف مموجوده بغرفتها من لبارحه بليل طبيت دسئلها ع ليوم شنطبخ ملكيتها بغرفتها .
نياز . كتلها ماشي حضري ريوك روان واني صاعده اشوف عمر .
زينب . حاضر انسه نياز .
نياز . صعدت مستغربه هاي وين راحت متجه لغرفه عمر دكيت لباب .
عمر . فزيت كلت منو بثقل
نياز . اني ممكن ادخل .
سهى . كعدت عمر بفزه وخوف وعمر كعد .
واحد يباع ع ثاني منعرف شنسوي
..........
وان يفهمك احدهم اثمن من ان يحبك
أنت تقرأ
أمني وأماني (مكتمله )
Romanceليس هناك مصادفات في هذه الحياة، جميع الأشخاص الذين قابلتهم كانوا هنا لغرض ما، حتى ولو تسببوا لك بالحزن، ففي بعض الأحيان قد لا تشعر بالفترات القصيرة التي تقضيها معهم ولكن ستشعر بمقدار الألم الحاصل نتيجة لذلك.
