ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၆၁)ထွက်ခွာမှု

အပိုင်း(၆၁)ထွက်ခွာမှု

ကျန်းယွင်ဟိုင်သည် ကျန်းဂိုဏ်းနှင့် သိုင်းခန်းမသို့လည်း သွားခဲ့သည်။ သူ ကျန်းဂိုဏ်းကို ဘာပြောခဲ့လဲဟူသည်ကို ဘယ်သူမှ မသိနိုင်ပေ။ သူထွက်သွားသည်နှင့် ကျန်းယွင်ဟိုင်သည် ချက်ချင်း အမိန့်တစ်ခု ချလိုက်သည်။ ကျန်းဟန်ရွှေနှင့် အကြီးအကဲ အချို့မှတစ်ပါး ကျန်ဂိုဏ်းသားများမှာ အပြင်ထွက်ခွင့် မရှိတော့ပေ။ ကျန်းဂိုဏ်း၏ စီးပွားရေးလုပ်ငန်း အများစုသည်လည်း ရပ်ဆိုင်းသွားခဲ့သည်။ ကျန်းဂိုဏ်းသည် မထင်မရှားနေချင်နေကြောင်း ထင်ရှားသည်။

ကျန်းယွင်ရှန်တွင် ရွေးချယ်စရာ မရှိပေ။ ကျန်းယွင်ဟိုင်သည် ကျန်းဂိုဏ်းနှင့် ပတ်သက်၍ အများကြီး မလုပ်ခဲ့ပေ။ သူသည် သူနှင့် ကျန်းရီ၏ အမည်ကို ကျန်းဂိုဏ်းသား စာရင်းမှ ပယ်ဖျက်ရန် တစ်ခုသာ အမိန့်ပေးခဲ့သည်။ သူနှင့် ကျန်းရီသည် ကျန်းဂိုဏ်းနှင့် ထပ်မံမပတ်သက်လိုတော့ပေ။ ကျန်းယွင်ရှဲနှင့် ကျန်းယွင်ရှစ်သည် သေဆုံးသွားရာ ကျန်းဂိုဏ်းသည် အင်အားနည်းနေပြီ ဖြစ်သည်။ ကျန်းဂိုဏ်းသားများသည် ကျန်းယွင်ဟိုင် ထွက်သွားသည်နှင့် အခြားဂိုဏ်းများသည် ကျန်းဂိုဏ်းကို ဝိုင်းဝန်းတိုက်ခိုက်ကြမည်ကိုပင် ကြောက်ရွံ့နေခဲ့ကြသည်။

သိုင်းခန်းမသည် ကျန်းရီနှင့် သဘောတူညီမှုကို အတိအလင်း ပယ်ဖျက်ပေးလိုက်သည်။ သိုင်းခန်းမသည် ကျန်းယွင်ဟိုင်ကို မျက်နှာသာပေးလိုက်ခြင်းလည်း ဖြစ်သည်။ သူတို့သာ ထိပ်တိုက်ရင်ဆိုင်ရလျှင် ကျန်းယွင်ဟိုင်နှင့် ကျန်းရီမှာ သေဆုံးရပေလိမ့်မည်။

အနောက်ဘက်မြို့စောင့်တပ်သည် စစ်တပ်များကို ပြန်သိမ်းသွားခဲ့ပြီး ကောင်းကင်တောင်ပံမြို့သည်လည်း ပြန်လည် ငြိမ်းချမ်းသွားခဲ့သည်။ ဝိဥာဉ်သားရဲ သင်တန်းကျောင်းသည်လည်း ပြိုင်ပွဲကို ဆက်လက်ကျင်းပခဲ့သည်။ ပြိုင်ပွဲသည် ယခင်ကလောက် စိတ်လှုပ်ရှားစရာ မကောင်းတော့ပေ။ လူတိုင်းသည် စင်မြင့်ထက်သို့ ကြည့်လိုက်တိုင်း ကျန်းရီကိုသာ မြင်ယောင်မိရင်း သက်ပြင်းချနေခဲ့ကြသည်။

ကျီထျန်းနှင့် ကျန်းယွင်ဟိုင်တို့သည် ကျန်းရီအကြောင်းကို ပေါ်ပေါ်ထင်ထင် မပြောဆိုရဟူသော အမိန့်ကို ထုတ်ပြန်လိုက်သည်။ ရက်ပေါင်းများစွာ ကြာသော် ကျီထင်ယွီ၊ ကျန်းဟန်ရွှေ၊ လမ်ချမ်ချမ့်နှင့် ဟဲသောက်တို့သည် ပြိုင်ပွဲကို ဆက်တိုက်အနိုင်ရကာ ပွဲတစ်ရာ ပြည့်ရန် နီးကပ်လာခဲ့ပြီ ဖြစ်သည်။ လူအများသည် ကျန်းရီကို မေ့လျော့သွားကြပြီး သူတို့၏ လူငယ်ပါရမီရှင်များကို ပြန်လည် သတိထားမိလာကြသည်။