#لم-انساكى-ولكنى-عشقتها#

روايه (لم انساكى ولكنى عشقتها)

روايه#لم -انساكى-ولكنى-عشقتها#
بقلمى امل عاطف
الفصل الثامن
💕💕💕💕💕💕

اخذت الست زينب سما ودخلت بها الى الشقه الخاصه بها واجلستها على الكرسى وقالت
قوليلى الاول مين عمل فيكى كده واشارت الى الجرح الموجود برأس سما
دى حادثه بسيطه عن اذنك عاوزه اطلع اطمن على امى وبنتى
سما امك تعيشى انتى ياحبيبتى وبنتك ابوها خدها!!!!!!
امك تعيشى انتى ياحبيبتى وبنتك ابوها خدها !!!!!
ترددت تلك الجمله على مسمع سما وكانت جالسه فوقفت وقالت فى لهفه
ايه انتى بتقولى ايه امى ماتت ازى وبنتى معتز اخدها امته كل ده حصل ازى فهمينى
واخذت تبكى بشده
وقفت زينب وامسكت سما وقالت لها
اهدى بس ياحبيبتى وبطلى عياط وانا هفهمك كل حاجه اهدى ياحبيبتى

فلاش باك
///////////
كانت والدت سما قد اعتادت فى الايام الاخيره وخاصه عندما اشدت المرض على علا واصبحت سما لا تستطيع ان تأخذ ابنتها معاها الى الحضانه وهى خارجه لانها اما كانت تنام عند يوسف او تستيقظ مبكرا وتذهب الى علا
فطلبت من والدتها ان تقوم بتوصيل اسراء الى الحضانه فى الايام التى انشغلت بها مع علا
وفعلا كانت تاخد تلك الجده الحنونه البنت كل يوم الى الحضانه وفى اليوم الذى توفيت فيه علا وهو نفسه اليوم الذى تزوجت فيه سما يوسف
استوقفها معتز وكانت الحوار كالاتى
ياهلا بيكى ياحماتى وانا بقول هو ليه الشارع نور النهارده اتارى حماتى ماشيه فيه
لا حول ولا قوه الا بالله فى ايه يامعتز على الصبح انت شايفنى فى منامك ولا ايه
انا يااااريت بس انا ملاحظ بقالك كام يوم بتودى اسراء الحضانه امال سما فين امال
اسراء بصوت يملأه الخوف:مين ده ياتيتا انا خايفه من صوته
احتضنت الجده الصغيره وقالت متخفيش يا حبيبتي ده بيكون............
قاطعها معتز وقال:انا بكون بابا ياحبيبتى تعالى تعالى فى حضنى ياحبيبتى تعالى
انهارت الصغيره من كثرت الخوف والبكاء واختبأت وراء جدتها وقالت
مين ده ياتيتا ده بيقول انه بابا هو مش بابا طلع عند ربنا ياتيتا
الجده:متخفيش ياحبيبتى انا جنبك مش هسيبك متخفيش ونظرت الى معتز بضيق وقالت
حرام عليك كده ياابن الناس هى البنت تعرف حاجه ليه بتعمل كده ياابنى حرام عليك انت مش رمتها هى وامها قبل كده وقولت مش عاوزها عاوز ايه دلوقت ياابنى
بصراحه بقا ياحماتى انا قلبى كان حن لبنتك تانى وكنت ناوى ارجعها بس بعد اللى عرفته عنها وانا طلعت الفكره دى من دماغى خالص
اسكتى هو انتى متعرفيش ان بنتك المصونه هتتجوز النهارده
ايه انت بتخرف بتقول ايه انت اكيد الزفت اللى بتشربه لحس عقلك
معتز:بس من غير غلط بس ياحماتى الكلام اللى بقوله ليكى صحيح وكتب كتبها النهارده فى المستشفى على يوسف الشريف اللى الهانم ماشيه على حل شعرها معاها دخلت فى خمس شهور وانتى ولا كأنك هنا بس خالص انا كنت سايب البنت معاها عشان تربيها بس بعد ما اتجوزت خلاص بح جحا اولا بلحم طوره هاتى البنت هاتى
امسك معتز اسراء بشده وكانت الجده فى صدمه من ماسمعته حتى افاقها صراخ الصغيره
الحقينى ياتيتا اوعى سبنى تيتا متسبنيش ياتيتا
جرت الجده وراء معتز تصرخ وتصيح له
سيب البنت سبها يامعتز حرام عليك سبها فوقف معتز ودفعها للخلف وهو يقول ابعدى عن وشى الساعه دى ابعدى فوقعت الجده على الارض ولكن جثه هامده
ولم يتطلع معتز وراءه على ما فعله بتلك الجده واخذ اسراء وانصرف