سلطان ـ طلعو كلهم ضحكت على منضرها وهي خايفه واتوتر بس اخ المضموم بكلبي ماينحجي وكلام محمد اليهسى إيدك براسي من جانو ورى البيت صح اني عقدت عليها بس شلون اكدر إنساء المنضر اتقربت عليها اريد أَطْفِئ نار كلبي بيها بس اشلون وهي حساسه وترفه بمعنه الكلمه صح تدعي القوى بس اعرفها من توصل يمي كل قوتها تروح تتبخر اخ يابويه وهي شطالع بت الاوادم تخبل شنو هل جمال اتقربت اكثر خففي شويه عليه تراى ما استحمل يبت كلبي بصدمتها رفعت عيونه بعيوني العيون الي بهذلني تبهذل اريد اضوك عسل اشفايفه بس ما حسينه غير الباب اتكسر علينه طلعنه وحنه مفزوعين لكينه عمي واكع بلكاع وجدي حاطه بحضنه ويبجي اول مره اشوف ادموعه قبل ماحرك رجلي هاجر سبقتني وطاحت بحضن ابوها كو كومناها لعبت طوبه ما جنت اعرفها هيج تحبه بساع اخذنه للمستشفى ماجنه متوقعين طلع عنده سرطان حتى كيمياوي ميفيده مراحل متقدمه اصر اله انطلعه للبيت ايكول اريد اموت بيتي احسن رجعنه البيته لكيت هاجر راجعه ملخه روحها هي وخالتي وجمره دخلنه للغرفه واني عيني عليها بكل خطوه خفت عليها
هاجر ـ من سمعت ابوي بي مرض خبيث ملخت روحي صار عندي انهيار عصبي من جابو دخلو للغرفه ولد عمي كلهم وجدي وعمامي كلها ملتمه اسودت الدنيه بعيوني طحت بس بيده طحت وعلى صدره حسيت بلامان وغمضت عيوني بعد ما حسيت اله واني بغرفتي اباوع على الساعه الصبح يابه شكد نمت رفعت راسي وذكرت ابوي وطاحن ادموعي كمت بساع ونزلت جوى واشوفه كلها موجوده اقاربنه شلون البلحلم دخلت الغرفه بابا صح وهو أذنه اهوي بس ابوي مهما ايكون خيمه فوك راسنه دخلت شلون الورده التذبل بساع اريد احاجي ماكدر وين صوتي ماما احجي بكلبي وين صوتي طلعت اباوع بلعيون لكيت جده ومي كاعدات ووجوهن مكدره كعدت يم رجل بيبي وهز براسي اري اطلع البكلبي أكلهم وين صوتي ماكدر غصه بكلبي ابد ميدوملي الفرح
سلطان ـ بعد الصار هاجر فقدت صوته بس موقت يعني ايطول كلش اسبوع اخ شلون هسى بيها كلنه حزنه على عمي سعد صح ما شفنه منا خير بس عمي خوب جدي انتها علي واسوى كال الدكتور اكثر شي ليعيش شهر بس
احمد ـ لج هبه والله بعد ما اكدر افهمي كلبي بعد ما يستحمل فركاج
هبه ـ شكاعد تحجي انته ما شوف ضروف النمر بيها هسى وكت خطوبه
احمد ـ مو كتلج خل نخطب وي محمد وسلطان بس انتي الله ايخليج هسى ايموت عمج سعد ونضل
هبه ـ وإذا عليمن مستعجل اصلن اني بعدني اصغنونه ماريد ازوج
احمد ـ ها ولج اصغنونه تعاي اعلمج
لا لا احمد ههههه بداعتي روح سلطان اهنا وجدي لا واحد ايشوفك وأصير مشكله
غزل ـ آلو شلونك محمد
محمد ـ هلا بيج انتي شلونج
على الله بخير بس والله ميته قهر على عمي سعد
اَي والله كلنه مقهورين عليه بس بعد ارادت ربج
غزل ـ اَي محمد شخبارج
ماشي الحال يله اني رايح عندي شغل مع السلامه
غزل ـ هاذا شبي ماشي يمحمد اذا ماخليك تموت على الهوى التنفسه
هبه ـ واثقه من روحج اهواي
غزل ـ شبيج كمزتيني شنو جنتي تصنتين عليه
لا بس طبيت بصدفه وسمعتج
غزل ـ لج شكد جاف ماعرف شايل كلب لو حجر
هبه ـ لعد شتريدين كبل ايكلج حبيبتي وكلبي هو انتم البارحه عقدتو
اوف امشي خل اروح الهاجر ايكولون البارحه من اصدمه حتى صوتها رايح
هبه
عزا وساكته ماتكولين امشي رحنه الهاجر كاعده على صفحه وبس الدموع تجري هاجر لسوين بروحج هيج صح اني محاسه بحنان الأب بس روحج هم اله حق عليج ماتحجين عليها جده
جمره ـ يمه شسوي حجينه لومن ملينه كومي يمه صعديها الحجرتها وخل اشوف افطيم يم سعد هسى هم ملخت روحها
حاضر جده
جمره ـ يمه غزل خابري على سلطان خل يجي
ليش جده
يمه مريته تعبانه واني عبن اعرف هاجر محتاجته
حاضر جده
غزل ـ الوو سلطان وينك
سلطان ـ عندي كعده
اتكول جد خل يجي هاجر محتاجتك
سلطان ـ هسى اني خلصت ربع ساعه يمكم
ماشي
سلطان ـ كلبي ضَل يمها اوف يبت كلبي خلصنه اني جدي على السريع وصلنه نزلنه رحنه شفنه عمي على حطته استذنتهمً واصعد واشوف هبه تتوسل بيها حتى تاكللها لكمه دخلت كومي هبه روحي اني اوكلها
هاجر يا بعد كلبي اكليلج لكمه الخاطري والله بهاي تصرفاتج راح اتذين روحج قاومي لتعبين روحج
هاجر ـ من اجه احس عافيتي رجعتلي اريد احجي ماكدر بس اعيوني تحجي كام ايوكلني بيده اخ ايده بيضه وضخمه ومزينها المحبس شذرته زرقه ابد مينزعه وعطره هاذا موضوع اخر ضلت نضراتنه اسولف وهو ايوكلني اندمجت ويا اخر شي نزل عينه وبتسمً ماعرف عليمن من انزل راسي الكه الماعين فارغ وافشلتاه نزلت راسي وبتسمت
سلطان ـ على هاذا حجيج بعد يوميه أجي اوكلج اني شتكولين ابتسمي يا بعد روحي هيج اريدج والله ازمه وتعدي هسى المهم من اكلتي الاكل كله اني جوعان
شاكل
هاجر ـ ضحكت على حجيه شكد احبه بس ابد ما انسه كسرته الي ابد اشوي ودخلت هبه اتكول جدي ايصيحكم
نزلنه محد موجود بس جدو وبيبي وامي واني وسلطان كلها راحت وغزل وهبه ضلن بره
سلطان ـ تامر جدي رايد شي
الجد ٌـ وانا ابوك عمك ايريدك بكلمه
سعد ـ بويه خلني احجي ابني سلطان اني من اسنين حملتك نهو بركبتك من غبائه ماستغليت عمري كضيته بشرب الشي راح ومات بس ما مات بكلبي اعذريني ام هاجر على الحجي الراح اكولع بس لزم احجي اني من زمان بعيد جنت احب وحده وياي تدرس وحنه جان حينه قبل على الفطره بس البنيه ما جانت طايقتني جنه اني وبن عمي نفس القسم وروح وحده هو خال هاجر جنت كلشي احجي اله بس جان ميعرفها ياهي جنت اتابع كل خطواتها
الحد ما يوم البنيه طكت بوجهي وكالتي اني ما احبك احب هاذا الشخص وجان ابن عمي اخر شخص متوقعه بس الامنه لله هو جان ميعرف وهو هم جان ايحبها اتعاركنه بوكتها وجدك يذكر والبنيه اختارت ابن عمي واحد حقد على الثاني وردت انتقم نهيت على فاطمه وعيشتها بضيم ما مر على احد جانت كلما اجيب طفل لطردها بره بلبرد هي والطفل حتى اخر شي من جابت حسين يومين هي بلبرد والبنات ماخليهن يطلعن كل هاذ وماشتكت او كالت عبن بت اصول واني هسى كدام الكل وألو متاخره بس شول اني اطلب منها تسامحني على كل اليسويته والضيم والعوز وعرف انتم ما قصرتو منهم بنيتي هاجر سامحيني بويه لان جنت رايد ابيعج بس البركه بسلطان اوليدي كوّن هاذا السبوع تاخذه اريد اشوفها قبل ما تغمض عيني هاذ طلبي الأخير أريدك تحققليا
سلطان
بس عمي شلون ونته بهاذا الحال
لا اوليدي اتزوج اريد اشوف عرسكم قبل مالله يأخذ امانته واني اعف أيامي معدوده
الكل كامي يبجي جدي عافنه وطلع جانت ايام صعبه كلش كمنه انحضر للعرس وحاله عمي اتسوى يوم بعد يوم وهاجر بعد ما حجت ساكنه غرفه عمي حالتهم مزريه بق يومين للعرس وعمي هم اتخربط ونقلنه للمستشفى وهم اصر اله يرجع للبيت لا ميحتاجبه ضرب كيمياوي ميفيده للهوى كلها انحضر للعرس بس خزن مو طبيعي مخيم على جمره وجدي وهاجر اكثر اتلاثه خايف عليهم خوب خالتي منتهيا علي صح اذاها بس العشره
سعاد ـ يمه سلطان الحكلي جدتك ماعرف شبيها
سلطان ـ ركضت عليها لكيناها السكر والضغط امفول تعبانه كلش
جمره ـ يمه سلطان أخذني العمك اريد اشوفه
سلطان ـ جمره ارتاحي هسى مو كلبي جمر منكم تعبتون
