في منزل نهي،،،
نهي: انت رايح فين وسايبني لوحدي فالظروف دي يامحمد
محمد: عندي مقابلة شغل مينفعش اتأخرر
نهي: لا انا عارفه كل مواعيدك ولا نسيت اني ابقي سكرتيرتك كمااان
محمد: اظن واحده زيك فالظروف دي متشغلش دماغها بيا ولا بحاجه اساسا غير بولدتها اللي قاعده منهاره علي ابوكي اهي
نهي: ماشي يامحمد وكل ده بسببك اصلا وانت مش مقدر ده
محمد: الاعمار بايد ربنا ولا هتكفري
نهي: لا الحمدلله مش هعمل كده بس حقي مش هسيبه الي بسببه برضه ماات ابويا وانا عماله اجري وراك
محمد: انشاء الله بعد اذنك بقي لان مش حابب أتأخر علي ميعادي
في نفس اللحظه كان وصل أحمد ليعزي نهي ومحمد
أحمد: ايه ده انت ماشي ولا ايه
محمد: اه عندي ميعاد يادوب الحق
أحمد: طيب انا هعزي نهي بسرعه ونزل لان معرفتش اروح المستشفى اشوف ليلي الناس جتلي ومعرفتش انزل خالص غير دلوقت
محمد: ماشي ياصحبي اعمل الواجب بسرعه وانزل ربنا يجعلها اخر الاخزان
أحمد: يارب
محمد: سلام انا بقي
........................................
وبعد ربع ساعة من الوقت كان وصل محمد الكافيه بحث بعينه علي اسماء فوجدها قعده في اخر طربيزه بتبص من الازاز وسرحانه
محمد: اسف علي التأخير
اسماء: ها.. لالا ولايهمك
محمد: عامله ايه
اسماء: الحمدلله يابشمهندس مكنش فيه داعي والله تسيب العزا وتيجي
محمد: لا انا خلصت وكنت مروح كده كده المهم قوليلي بقي الاول تشربي ايه
اسماء: نعناع
محمد وهو بيشاور للجرسون: اتنين نعناع لو سمحت
اصل انا كمان بحب النعناع اوي
اسماء: اها
محمد: ها قرارتي تنزلي معانا
اسماء: اه بس مواعيدي هيا اللي هتبقي مشكله شويه مع حضرتك
محمد: بصي مبدائيا كده بلاش كل شويه حضرتك حضرتك دي احنا مش اغراب ولا ناسيه
اسماء: هاااا!!!
محمد: دي مش اول مره نشوف بعض فيها فاكره لما قولتلك لو لينا نصيب نشوف بعض تاني هشوفك
اسماء:.....
محمد: وشوفي حكمة ربنا يخليكي تيجي تشتغلي معايا بصي انا الفريق اللي معايا مش بحب اقول إنه بيشتغل عندي لا كلنا بنشتغل مع بعض اه احنا فالشغل مش نعرف بعض حتي اعز صاحب ليا بيتعامل معايا جد فالشركه لكن بره الشركه عادي يعني زي ماحنا دلوقت كده بره الشركه بناديكي بأسمك وانتي هكذا لكن فالشركه اكيد الوضع يختلف هتلاقتي بقولك يابشمهندسه وانتي كذالك فهماني
