Dahan-dahan kong minulat ang aking mga mata at tumingin sa bintana.
The sun is shining through the window.
Napangiti ako at bumangon sa kama. Pumunta ako sa bathroom para maghilamos at magsipilyo. Kinuha ko ang maliit na towel at pinunasan ang basa kong mukha. Kinuha ko ang suklay at sinuklayan ang aking buhok sa harap ng salamin. Pagkatapos ay bumaba na ako para magluto ng breakfast. Nagluto ako ng scrambled eggs, chicken soup, at gumawa rin ako ng apple and lettuce salad with melon dressing.
Sabado pala ngayon at pupunta sila Angela at Kief dahil mamasyal kami ngayon. Excited na ako!
Nang maluto na ang chicken soup ay inihanda ko na ang mga pagkain sa mesa at nagtimpla rin ako ng gatas. Umupo ako at tahimik na kumakain. Pagkatapos kong kumain ay naghugas ako ng mga pinggan bago bumalik sa kwarto para maligo at makapagbihis.
➖✳️➖
Nandito ako sa sala, nagbabasa ng libro habang kumakain ng mangga. Napatigil ako nang marinig ko ang busina ng kotse.
“Yakk, nandito na kami!” Rinig kong sigaw ni Angela sa labas.
Tumayo ako at dali-daling binuksan ang pinto.
“Yakkkkk!” Tumili ako at niyakap siya ng mahigpit. “I miss you.”
“I miss you too. How are you doing here? Okay ka lang ba?” tanong niya habang nakahawak sa aking pisngi.
“Okay lang ako, no!” Ngumiti ako sa kaniya.
“Ahem. Hi, Nat.”
Napatingin ako kay Kief na may bitbit na eco-bag. Niyakap ko siya at kinurot ang kanyang pisngi.
"Aww!"
Tumawa ako sa reaksyon niya.
Pumasok na kami sa loob, at si Kief naman ay pumunta sa kusina para ilagay ang mga pinamili nila sa ref.
“Binilhan ka namin ng mangga, may ice cream din, at ang hiniling mong donuts.”
“Yay! Gusto ko talagang kumain ng donuts, yakk, kahapon pa. Mabuti na lang hindi mo nakalimutan.”
“Hindi ko talaga makalimutan dahil pauli-ulit mong pinapaalala sa’kin, at baka iiyak ka. Iba pa naman kayong mga buntis, iyakin.” She chuckled.
“Hindi kaya!” I disagreed.
“Nat, ano naman ang mga ginagawa mo rito?” tanong ni Kief at tumabi sa’kin.
“Nagbabasa ng libro, kumakain, naghehersisyo, at nanonood ng palabas. Minsan lumalabas din ako para maglakad-lakad,” sagot ko sabay kinagat ang isang hiwa ng mangga.
“Grabe, yakk, ang asim ‘yan.” Umasim ang mukha ni Angela habang nakatingin sa’kin, at tumawa naman si Kief.
“So kumusta ang klase niyo?” pag-iiba ko.
“Okay lang naman, at ang daming nagtatanong kung nasaan ka raw. Sinabi ko na lang na nagbakasyon ka, ganon. May chismis din na divorce na raw kayo ni Lourd at may posibilidad daw na magkabalikan sila ni Meg. Seriously?! Magkabalikan? Hahaha, eh, nakita ko nga si Meg umiiyak habang yakap-yakap niya si Lourd parang nagmamakaawa!”
“Wala akong pakialam sa kanila, yakk, at ‘wag na natin silang pag-usapan.”
“Opss… Sorry, yakk.” Nag-peace sign siya.
“Alam na ba ng parents mo, Nat, tungkol sa inyo ni Lourd?” tanong ni Kief, at tumango ako.
“Sinabi ko na kay mama ang totoo.”
“Ano naman ang naging reaksyon ng mama mo?” tanong ulit ni Kief.
“Nadismaya siya kay Lourd. Kakausapin nga niya si Mama Anna.”
“Mabuti pa para malaman niya kung gaano kagago ang anak niya!”
“Sa oras talaga na malaman ni Lourd ang totoo, magsisisi talaga siya,” wika ni Kief, at ngumisi naman ako.
“Magsisisi talaga siya, tsk.”
“Okay change topic tayo. Mamaya, pasyal tayo sa ano... Sa Burnham Park. Maganda raw doon.”
“Ah yung pwede mag-boat ride?” tanong ko, at tumango naman si Angela.
“Sige game ako diyan!”
“Bukas naman pumunta tayo sa Strawberry Farm,” dagdag naman ni Kief.
“Sige! Sige! “ I exclaimed happily.
➖✳️➖
Exactly 1:00 pm, nagsimula na kaming bumyahe papuntang Jose Abad Santos Drive, kung saan matatagpuan ang Burnham Park. Mahaba-haba rin ang byahe. Nagpatugtog kami habang kumakanta para hindi boring.
▪️
Nang makarating na kami sa Burnham Park ay pumasok na kami, at ang ganda nga! Ang daming mga turista na abala sa pagkukuha ng mga litrato. Ang daming maaaring gawin dito.
“Tara, sumakay tayo sa bangka!” saad ni Angela habang sinenyasan kami na sumunod sa kaniya. Her voice was filled with excitement.
Nagulat ako nang hawakan ni Kief ang kamay ko.
“Let’s go, Nat.” Ngiti niya, at tumango na lang ako.
Nagrenta kami ng bangka at binayaran ito bago sumakay. Si Angela ay abala sa pagvi-video habang kami naman ni Kief ay kumukuha ng mga litrato sa magagandang palibot nito. Ang mga bangka ay may iba’t-ibang disenyo, at ang gaganda ng mga hugis.
May nakita akong mga bata na nagbibisikleta. Sa Melvin Jones Grand Stand naman, sa isang malaking football field kung saan may mga pamilya na nagpipiknikan, at ang sarap nilang tignan.
“Okay ka lang, Nat?”
Tumingin ako kay Kief at tumango.
“Nakakainggit lang dahil kompleto sila at ang saya nila,” bulong ko.
“Okay lang ‘yan, Nat. Masaya naman kahit hindi kompleto, at nandito naman ako. Kung okay lang sa'yo, ako ang magsisilbing ama ng anak niyo ni Lourd.” He chuckled.
Nagulat ako sa sinabi ni Kief at hindi ako makapagsalita.
I was speechless.
Hindi ko akalain na masabi niya ‘yon.
“Natalie! Kieffer! Punta tayo sa Orchidarium!” sigaw ni Angela.
Tumikhim ako at naunang naglakad because I felt awkward.
Pumasok kami sa isang Orchidarium. I was fascinated nang makita ko ang iba’t-ibang uri ng mga halaman. Hindi ko rin akalain na binebenta pala ang mga halaman dito, at mura lang din naman ang presyo.
“Yakk, picture tayo!”
“Sige...”
“Smile..”
I smiled, showing my teeth.
*Click*
“Kayo naman ni Kieffer, yakk. Kukunan ko kayo ng litrato.” Sumilay ang ngisi sa kanyang labi.
Dumikit sa’kin si Kieffer at ngumiti sa’kin.
“Kieffer, hawakan mo nga ang baywang ni Natalie,” dagdag niya kaya pinanlakihan ko siya ng mata.
Dumikit sa’kin si Kief at tumikhim bago hinawakan niya ang aking baywang.
“Ayan, good!” She smirked. “1, 2, 3, smile..”
*Click*
“One more.... 1, 2, 3."
*Click*
“Nice… Bagay pala kayo, no? Para kayong magjowa hehehe.”
“Bagay daw tayo,” bulong naman ni Kief sa aking tainga, at sinampal ko ng mahina ang braso niya.
Nalilibang talaga kaming naglalakad sa Burnham Park. Hindi nakakasawang bumalik dito. Ang daming pwedeng gawin; boat ride, site-seeing, picnic, pwede ring maglaro at iba pa. Nang makaramdam na kami ng gutom ay kumain kami sa isang restaurant, at ang sarap ng mga pagkain nila. Nabusog talaga ako. Pagkatapos naming kumain ay bumili kami ng damit at keychain na gawa sa kahoy na may nakaukit na "Baguio City" bago umuwi.
