اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليث: معلوم انا مراحش نشدك ولا حبيتي تكملي خدمة انا منعارضكش بسكو راني محتاجك 😌
انيسة : نشكرك بزاف والله جامي وقف معايا واحد هكا نتو هوما عايلتي نضن لازم تتصالح مع سيليا مديرش وش في بالك هي بزاف حنينة برك من برا تبان هكاك خمم مليح
ليث: اه هدرتنا خارج الموضوع من فضلك مجيبيش سيرتها عندي وجديلي قهوة
انيسة هبطت راسها ؛ حاضر مايكون غير خاطرك
————-
سيليا قعدت مترددة باش تفتح ورقة من بعد قررت تروح عند انيسة تمدهالها تقرا بنفسها النتيجة
😢😢😢
خرجت مخدمة تجري باش تلحق ليث يكون لتما وصلت كان رايح
سيليا؛ ليث معليه نهدر معاك
ليث: معندي حتى هدرة معاك تقدري تروحي
سيليا: بصح فهمني وشبيك علاه راك ديرلي هكا وش درتلك اه خلاص فهمتك ضمنت بلي وليت نحبك ودك خليتني 💔💔😔 دموع في عينيها
ليث: شكون هداك ! مالا
سيليا: كيفاه شكون كنت تراقب فيا ؟
ليث: وي بسكو كذبتي نتي خداعة وكذابة
سيليا: راك سور وش راك تهدر
ليث: وي مدابيك منزيدش نشوف وجهك قدامي قلتهالك ملول منحبش الغدارين فهمتي ! ودك تقدري تروحي انا راح نتزوج مع ليلة راح نبدا حياتي مجديد ونتي كنتي مجرد تجربة عابرة وخلاصت حكايتك 🖤
فهديك دقيقة حست موس دخلها في قلبها جاها الخبر كي صاعقة سكتت
سيليا: انا لي غلطت ملول كون درت في بالي منهار لي شتكم كنت منوليش بصح انا غلطت كي رجعت حنيت قلبي عليك متستهلش كانت رايحة من بعد مسحت دموعها سقمت روحها دارت ليه بكل برود شد هاد برية اقراها مع انيسة من مستحسن ❤️
باي
شدها هي راحت ديراكت هاد مرة مبكاتش شدت روحها عيطت لأمال
الو بصوت مبحبح مخنوق
امال : وي بب وشراكي وشبيه صوتك هكا ارواحي ليا لدار
ليث بعد ما راحت ستغرب من برية هاديك وش فيها وعلاه قاتلو اقراها مع انيسة خلاها كي يولي مخدمة عشية يقراها وصل لعند باباه
