للحب تسعه أوجه

نوفيلا للحب تسعه أوجه الوجه السادس حب في معسكر الشرطه المبدعه نورهان موسى

حب في معسكر الشرطة
الوجه السادس من للحب تسعه اوجه
💕 الفصل الثالث 💕
بقلم/نورهان موسى
فى صباح اليوم التالي استعد شهاب ولينا للسفر والذهاب الى اللواء عدلى وبعد بضعة ساعات وصلوا إلى مبنى المخابرات وكان اللواء عدلى فى انتظارهم دخلت لينا ومعها شهاب الى المكتب وقاموا بأداء التحيه العسكريه وقالوا: صباح الخير يا فندم
عدلى: اهلا اهلا صباح الخير يا ابطال اتفضلو
لينا: خير يا فندم حضرتك طلبتنا ليه
عدلى: الموضوع الى عايزكم فيه بخصوص مهمه ليكم
شهاب بحماس: مهمة اى يا فندم
عدلى: القبض على عناصر إرهابية مطلوبة في سيناء
لينا: ممكن اعرف معلومات اكتر يا فندم
عدلى : عناصر إرهابية تبع داعش مطلوب القبض عليهم واحنا حددنا موقعهم الى موجودين فيه ولزم تتعاملو معاهم بحزر المهمة دى هتنفزوها مع الفريق بتاعكم .
شهاب: ايوه يا فندم بس كده في خطورة عليهم
عدلى : اظن ان بعد شهر ونص لزم يكونوا مستعدين لأى عمل ميداني وكمان ده اختبار ليهم .
لينا : تمام يا فندم ان شاء الله هنكون مستعدين
عدلى: تمام استعدوا وبلغو الفريق بلمطوب المهمة بعد يومين ان شاء الله
شهاب: تمام يا فندم
خرج شهاب ولينا من مكتب اللواء عدلى
شهاب : انتى اى رايك في كلام سيادة اللواء بخصوص الفريق.
لينا: انا شايفه ان الوضع طبيعي جدا احنا مدربين الفريق كويس وانا واثقه فيهم تمام.
شهاب: تمام اما نشوف هيحصل ايه
كادت لينا ان تذهب حتى التقت بريان ذهب ريان واخذ لينا بين احضانه تحت نظرات شهاب الناريه لهم
ريان: وحشتيني اوي يا لينا
لينا: وانت كمان وحشتني اوى قولى ماما ثريا اخبارها ايه وحشتني اووى
ريان: كويسه وزى الفل كمان.
لينا: ماشى يا لمض قولى عامل اى مع سيادة اللواء
ريان: مطلع عينى يا اختى ده الشغل معاكى اريح بكتير لينا: ايوه كده عشان تعرف قيمتى ناس متجيش غيره بلعين الحمره.
كان كل هذا الحوار يدور تحت نظرات شهاب لهم
ريان: مش تعرفينا يا لولو
لينا: اه سورى نسيت ده المقدم شهاب العامري القائد معايا فى الفريق ثم وجهت كلامها الى شهاب وقالت: وده حضرتو ريان ابن عمى وشغال هنا متخصص في مجال الالكترونيات والاتصالات والهكر .
شهاب: اهلا ريان اتشرفت بمعرفتك .
ريان: اهلا بيك حضره المقدم انا كمان اتشرفت بمعرفتك
ثم وجه ريان كلامه الى لينا وقال: انتو بتعملى اى هنا هو المعسكر خلص ولا اى.
لينا: لا دى مهمه جديده اتكلفت بيها انا وحضره المقدم والفريق بتاعنا .
ريان: هنا ولا بره مصر كلعاده
لينا:. لا هنا في مصر وبتحديد في سيناء
ريان: ماشى يا حبيبتي ربنا معاكي خالى بالك من نفسك كويس. تدايق شهاب كثيرا عندما سمع هذه الكلمه من ريان وقال: مش يلا يا لينا احنا اتاخرنا
لينا: تمام يلا سلام يا ريان ابقى سلملى على ماما ثريا
خرج شهاب ومعه لينا واستقلوا السياره .
شهاب: لينا هو انتى بتحبى ريان
لينا بندهاش: اه طبعا مش اخويا وابن عمى لزم احبه
شهاب: لا مش قصدى الحب ده
لينا: انت عايز توصل لايه بظبط يا شهاب
شهاب: ابدا ولا حاجه سؤال عادى مش اكتر
لينا: امم سؤال عادى على العموم ريان اخويا لأننا اخوات في الرضاعة لان ماما اتوفت وماما ثريا هى الى ربتنى هى وعمى عدلى واهتموا بيا.
شهاب بفرحه حاول اخفائها بقدر الإمكان: ربنا يخليكم لبعض دايما.
انطلق شهاب بسيارة وأثناء ذلك رن هاتفه وقام برد عليه .
شهاب: حبيبتى وحشتيني اوي انتى اخبارك ايه
انا الحمد لله تمام لا مش فى المعسكر دلوقتي
تمام نص ساعة واكون عندك يلا سلام
اغلق شهاب الهاتف ونظر الى لينا وقال: هاخدك معايا اعرفك على حبيبتي واكتر إنسانه بحبها.
لم تعرف لينا لما لم تعجبها هذه الكلمه وتديقت كثيرا
لينا: لا شكرا انا هروح المعسكر وانت لم تخلص المقابله مع حبيبتك ابقى تعالى.
شهاب: لا انتى هتيجى معايا هتحبيها اووى صدقينى وهى هتحبك اوى ،ثم اكمل بصوت منخفض لم تستطع لينا سماعه وقال: زى ما انا بحبك كده.
بعد عده محاولات وافقت لينا على الذهاب معه
______________________________
وصل شهاب ولينا الى المنزل وصعدو إلى الشقة دخل شهاب ومعه لينا .
شهاب بصوت عالي: سوسو حبيبتي انتى فين
خرجت ولدتها من المطبخ على نداء شهاب لها وقالت: حبيبي يا ابنى حمد لله على السلامه.
شهاب مقبلاً يديها: الله يسلمك يا امى وحشتيني اوي
سعاد: وانت كمان يا نور عيني وحشتنى اوى
نظر شهاب الى لينا وقال: اعرفك يا امى المقدم لينا القائد معايا فى الفريق.
سعاد: اهلا يا بنتى نورتى البيت واللهى يا حبيبتي
لينا:  ميرسي يا طنط البيت منور بأهله
شهاب: الغداء جاهز يا ست الكل احسن احنا ميتين من الجوع على الاخر.
سعاد: جاهز يا حبيبي دقائق وتكون كل حاجه جاهزه على ما تاخد لينا وتقعدو شويه تكون كل حاجه خلصت يلا.
ذهبت سعاد لتجهيز الطعام واخذ شهاب لينا للتحدث
شهاب هى دى حبيبتي وامى وكل حاجه ليا في الدنيا
لينا بابتسامة: ربنا يخليكو لبعض دايما
شهاب امين يارب العالمين
لينا: بس تعرف بيتكم هادي ومريح جدا بيفكرنى ببيت ماما وبابا هو انا صح معشتش فيه بس لما رحت حسيت بامان وراحه
شهاب: اكيد عشان بيفكر باباكى ومامتك الله يرحمهم
لينا: عندك حق
ظالو يتحدثوا في أمور كثيرة الى جاءت سعاد وقالت يلا يا اولاد الغدا جاهز ذهب شهاب ومعه لينا
ظلو الثلاثة يتناولون الطعام بين مشاكسة شهاب وضحك لينا ونظرات والدت شهاب وتدعو في صمت ان تكون لينا من نصيب شهاب فى يوما ما
بعد الطعام كانو يجلسون يتحدثون في مختلف الأمور الي أن قالت والدته شهاب
سعاد: الا هما فين اهلك يا لينا
لينا بحزن : متوفين يا طنط
سعاد : لا اله الا الله يا حببتي يا بنتي ماتو امتي
لينا : من وانا صغيره حوالى كام شهر
شهاب : انتي كنتي صغيرة أوي
لينا : الحمد لله على كل حال
سعاد : وعايشه لوحد ولا مع حد من قريبك
لينا : لا انا عايش مع عمى عدلى هو مسبنيش ابدا مكنش بيخليني اروح بيت عيلة ماما لانه كان خايف عليا لحد يحاول يموتني زي بابا وماما
شهاب : هو مامتك وباباكي اتقتلو
لينا : ايوة
شهاب : ازاي
لينا : مش عاوزة ادوشك
شهاب : لا احكي انا هسمعك
لينا : بابا كان ماسك قضية لتاجر مخدرات ويوم طلعو عشان يقبضو عليه وأثناء العملية بابا قتل ابن الراجل ده  وطبعا الراجل مسكتش عن حق ابنه إلى مات ورجع مصر عشان ينتقم من بابا وفى يوم بابا وماما كانوا مسافرين .طلع هو رجالته وقتلوهم
شهاب: انا اسف يا لينا فكرتك بلحصل .
لينا انا اصلا عمرى ما نسيت الى حصل ابدا
شهاب : ربنا يرحمهم جميعا .
لينا: امين يارب العالمين مش يلا ولا اى احنا اتاخرنا على الفريق .
نظر شهاب الى ساعته وقال: اه فعلا عندك حق اتاخرنا اووى ثم نظر الى عين لينا وقال: اصل الصراحه القاعدة معاكى بتنسينى اى حاجه .
خجلت لينا كثير واحمرت وجنتيها كثيرا
لينا: يلا يا شهاب اتاخرنا .
شهاب: ملكيش في الرومانسيه ابدا 😏
ودع شهاب ولدتها وذهب مع لينا واستقلوا السياره للعودة إلى المعسكر مره اخرى
_______________________________
بعد بضعة ساعات وصلوا إلى المعسكر التدريبي وقاموا بجمع الفريق للتكلم معهم بحصوص المهمة.
شهاب: دلوقتي احنا جمعناكم عشان عندنا مهمة بعد يومين وانتوا هتشاركو فيها.
اعتلت الصدمة على وجوههم جميعا .
لينا: مش عايزاكم تنصدمو كدا تقدرو تعتبرو ده اختبار ليكم ودلوقتي احنا قدمنا يومين بظبط لازم نستعد
شهاب: يعني من بكره هنكثف التمارين ودلوقتي كله يروح على الخيم وبكره أن شاء الله تكونوا جاهزين
ذهب الجميع الى الخيم المخصصة لها ليرتاحو
شهاب للينا: واضح انهم قلقنين من المهمة
لينا: لزم يتعودو على كده امال هينزلوا الشغل الميدانى ازاى وهما مش مستعدين لكل ده وده اختبار ليهم عشان يثبتو كفاءتهم لينا .
شهاب: ده لو متدربين الوقت الكافي وبعدين شهر ونص مش كفايه يا لينا.
لينا: لا متخفش انا واثقه فيهم كويس ويلا روح ارتاح انت عشان بكره يوم مهم وصعب
شهاب: تمام يلا تصبحى على خير وذهب كلا منهم الى الخيمة المخصصة لها.
_________________________________
فى صباح يوم جديد على ابطالنا جميعا
استعد الجميع للبداء في تمارين اليوم
شهاب: صباح الخير يا رجاله دلوقتي لزم نستعد عشان التمارين انهارده وبكره هتكون مكثفه لان إلى هنقبض عليهم عناصر مسلحه وخطيره يلا ابداءو
بدأ الفريق تمارين الجرى لبعض الوقت ثم اكملوا باقى التمارين وكانت عبارة عن ضرب النار وكيفية التعامل مع الأهداف المسلحة جيدا والزحف على الرمال وظلت هذه التمارين قائمه طول اليوم .
لينا:  شباب احنا دلوقتي هنعمل اخر تمارين وبعد كده تقدرو ترتاحو هنعمل تمارين بسيط زى الى فاتو كده
حسام: بسيط هو الى فات كان بسيط امال الصعب اى
اقتربت لينا من حسام وقالت: مش عارفه ليا كل ما اتكلم تكون حضرتك اول المعترضين على كلامي
حسام بخوف: لا يا فندم انا قصدى اننا طول النهار فى تمارين صعبة وحضرتك بتقولى بسيطة احنا اتمرمطنا واتمسح بينا تراب المعسكر
اقتربت لينا من اذنه وهمست: انت لسه شفت حاجه انا هوريك يا حلو عشان تعرف تعترض على اى حاجه اقولها.
وقفت لينا فى منتصف الساحة وقالت: دلوقتي هنعمل تمارين الاشتباك يعني لو حصل اى اشتباك مع العدو والذخيرة خلصت منك تقدر تشتبك مع العدو وتسيطر عليه هندرب كل واحد مع زميل ليه
وانت يا حسام يلا عشان هتكون قدامى ونبدا احنا الاول .
صعق حسام من هذا القرار فالينا خصم صعب جدا
اما شهاب فبقى يتابع لينا أثناء التدريب بأبتسامه
مر اليوم وانتهت التمارين وذهب الجميع للخيم المخصصة لها ليرتاحو من عناء اليوم.
مر اليوم التالي فى قضاء التمارين والاستعداد للمهمه
فى يوم جديد على ابطالنا استعدو جيدا للمهمه وبدءو في التحرك للمكان الموجودة به العناصر المسلحة وفى عضون ساعات وصلوا مع العزيزات ووقفوا يراقبون المكان جيدا من بعيد.
لينا: الكل يستعد هنهجم دلوقتي
اقتحمت لينا المنزل مع الفريق وتبادلوا ضرب النار مع العناصر المسلحة وتعرض احد اعضاء الفريق للاصابه اثناء ضرب النار
صعدت لينا ومعها شهاب وباقي الفريق الى الاعلى للبحث عن باقي المسلحين والقبض عليه وتمكن من القبض على أربعة من العناصر المسلحة
لينا: خدوهم على تحت يلا
شهاب: لسه القائد بتاعهم مش موجود
لينا: لازمن الحقوا اكيد ما لحقتش يبعد عن هنا
ظلت لينا وشهاب يبحثون عن القائد الي أن وجدوه بالقرب من الحدود الشمالية لسيناء في محاولة من الهرب التي أبت بالفشل
وظلو يتبادلون طلقات النيران الي أن اصاب القائد طلقة باتجاههم أو بالأحرى باتجاه لينا .
_________________________________
خلص الفصل اشوفكم على اتمنى يكون عجبكم وتقوقعكم للجاى 💓