قبل لا اكتب القصه انا مو قصدي اي شي بس القصه كوميديه وشوي نغير روتين القصصص وانا الصراحه ماحفظه الهجة عدل بس حبيت تكون قصه تختلف عن كل القصص شوي يعني نكسر روتين القصص وتصير مميزه لا قصدي اسيئ بلحجي او بلهجه او بل مكان. ومادري راح تعجبكم لولا ان شاء الله تعجبكم
جاسميه شوف مهيدي اذا ماتروح منا قسم باالله اصيح صوت والم السلف كله عليك لو اخلي جدي يجيلك ويحط راسك بهذأ الزرع
مهيدي خاب شنهي مصدكه روحج انتي الكاع كاعي وبكيفي
جاسمي شتحجي انت الكاع مو بس الك جدي قسم الحلال وع حظي المصخم طلعت. حصتي يمك
مهيدي امشينه لجدي اهو يحل المشكله
جاسميه امشي ابو الوصخ مادري منو تقبل بيك وانت اربعه وعشرين ساعه صياح خاب شنهي ماعندك شغل وعمل غير العرايك
مهيدي من تنظفين انتي انا انظف
جاسميه يااااااااااا شحدك شحدك توصلي لك تروح فدوه لشيلتي هاي
مهيدي دمشي امشي الله يصبرني عليج
جاسميه امشي انت جدامي. وانا وراك
مهيدي قسم بالله جاسميه اذا ماتمشين جدامي اشمرج بالشط
جاسميه خاب سعيدددددددده ماتجين تاخذين اخوج من يمي لا اليوم الم السلف عليكم
مهيدي خاب شنهي تصيحين ع سعيده جا انا جاهل وصيحين ع سعيده. كفيلج الله ادفنج هنا انتي وسعيده
جاسميه الله واكبر شلون نروح الجدي لولا
مهيدي امشينه
جاسميه جديييي وينك تعال. شوف هذا مهيدي خبلني لا وكفيلكم العباس افضحكم ب السلف ماطلعت هاي كلما اطلع يجيلي شسالفته ماكو بسلف غيري لو شنهي
الجد مساعد
لك مهيدي شلون بيك. يمته تعوف البنيه ماكافي مامليت. اربعه وعشرين ساعه تتعاركون
مهيدي جدي كتلك انا. ادير بالي على الحلال. وعوف. جاسميه بلبيت انتم لا ماتقبلون
جاسميه وانا ماقبل احد يدير باله ع حلالي شوف مهيدي وهاي كدام جدي مساعد اذا بعد اجيت يمي اشمرك بالشط شني يصير خلي يصير
مهيد افااااا وانا اخو رجال تهددين بيه انا علمج ام روبه
الجد مساعد اللله واكبر شلون بيكم انا ماعندي بسلف غيركم خاب شنهي ماتملون
الجد مساعد شوف مهيدي اذا حاجيت جاسميه اكسر راسك انا جدها موجود وانا احاسبه وانتي جاسمه وين ماتشوفين مهيدي توخرين عنه وكفي الشر
جاسميه تأمر جدي
مهيدي من رخصتكم
جاسميه درب يسد مايرد
مهيدي سمعتج شنو كلتي بس دواج عندي
جاسيمه روح روح شوف صخلاتك وين صارن
مهيدي وانا اخوك نسيت الصخلات برا من وراج
خلي اعرفكم ع نفسي جا شنهي غير تعرفون منو جاسميه
انا جاسميه عمري 20سنه يكولون حلوه. اي والله صدك حلوه ماناقصني شي. بيضه وشحلاتني وجدي كله يكلي عيونج نفس عيون الريم وجهي شحلاته جنه رقم خمسه دائري خدودي حمر وجسمي شحلاته كامله والكامل الله عايشين بلعماره ماعندي بس امي ابوي ميت من جان عمري سنتين سود عليه جاسميه ماشبعتي من ابوج. بس جدي متكفلني ومامقصر عني بشي ونطاني حصة ابوي من الحلال خله حلالي يم حلال مهيدي طاح حضه. الي شالع كلبي يكلي. لان انتي حيل حلوه مهيدي يدير باله عليج خلصت الزلم انا اخلي مهيدي يدير باله عليه شبيه والله اقط راسه بالطين اخخخ لو ما جدي جان من زمان شامرته بالشط
وباقي الشخصيات تتعرفون عليها بلقصه هسه تعرفو ع مهيدي
