🌹عبير عشقك 🌹

الجزء ٨

12:30 في مدينة دورتموند، عبير واقفة فوسط الشارع قدام لاكار، يلاه نزلات من التران، تبعات الناس تاخرجات على برا، بقات كادور فراسها الى بان ليها شي محطة ديال الطوبيس باش تركب و تقلب على الاوتيل لي تبقا فيه او بما يسمى عندهم باوتيل الشباب كايكون رخيص فالتمن. بقات كاتمشا و كاتجر فجوج باليزات و هازة صاك كبير ( تخلص كاع داك الشوبينغ اي دارت هي و خالتها 🤭) جاها داكشي تقيل ماكرهاتش كن رمات نص داكشي فالطريق وزادت. جاها جوع و العطش سخفات و مزال مابان هاد موقف تاع الطوبيس. شويا بانت ليها سيدة في الخمسينات باقة كاتبان صغيرة و رشيقة كاتساري الكلب ديالها و لابسة لباس رياضي، زعمات عبير و وقفاتها
  عبير: هضرات بالانجليزية ( الالمانية مزال كاتجيها ثقيلة), سمحي ليا نسولك عفاك واش كاين شي موقف الطوبيس
  ...: بقات كاتشوفيها  مدة وقالت، لا ماكاينش هنا قريب مزال خصكي ضربي مسافة على رجليك،
  عبير: اه اوكي تانكيو
  ....: باين ليا مثقلة، الا بغيتي نعاونك انا عندي طونوبيل ديالي قريب هنا نوصلك الا بغيتي
  عبير: واخا شكرا بزاف
  طلعات معاها عبير و ركباتها معاها، طلعو لي فاليز فالكوفر و هوما طلعو القدام والكلب لور، ملي طلعات عبير بانت ليها الراية ديال المغريب معلقة فالمراية ديال الطونوبيل، تعجبات و بقات كاتشوف مازعماتش تسولها بقات غير كاتشوف، المراة عاقت بيها و قالت بالانجليزية دائما
  ....: شفتك رديتي لبال للدرابو ديال بلادي أنا مغربية
  عبير: تبسمات وقالت ، بصح مابايناش عليك تانا يلاه مغربية .
  ....: بصح؟؟ مايصحابش ليا من اينا مدينا نتيا
  عبير: مراكش ونتي منين أصلك
  ....: انا أصلي ريفية، بالمناسبة أنا سميتي أمينة
  عبير: متشرفين أنا عبير
  بقاو كايهضرو و يتبادلو أطراف الحديث، قلبوها داريجة. طلبات منها عبير الا كان ممكن توصلها لشي وطيل كاتعرفو، و عاودات ليها على المشكل ديال الكرا لي مالقاتش. وصلو قدام واحد الوطيل، شكراتها عبير بزااف و يلاه غاتنزل هضرات السيدة أمينة
  أمينة: أنا كانقتارح عليك تجي تبقاي معايا بينما لقيتي الكرا و نيت تونسيني شويا شنو قلتي؟ بلا ماضيعو فلوسك فالاوطيل
  عبير ماكانتش متوقعا هاد الاقتراح، سكتات شويا وقالت: مابغيتش نتقل عليكم
  أمينة: الصراحة دخلتي ليا الخاطري و عزيتي عليا،و راكي بنت بلادي خليني نعاونك
  عبير: واخا الله اجازيك بالخير.
  اول حاجة قامت بيها عبير صيفتات ميساج الام و الاب ديالها و خالتها  علماتهم بالوضع و على اقتراح المرأة، كأي أم ، ماماها خافت عليها و اقتارحات عليها علير تهضر معاها،هادشي اقدر اطمئنها ولو شويا .
  عبير: خالتي أمينة واش ماعندكش مانع الا دوزت ليك ماما تهضري معاها باش تطمأن عليا
  أمينة: ضروري، كنت غانقولها ليك غير قلت صبر نوصلو للدار
  عبير: صافي واخا شكرا
  أمينة امرأة ف الخمسينيات من العمر ديالها جات 30 عام هادي لألمانيا باش تقرا، قرات و خدمات و تجوجات ألماني مسلم كان كايقرا معاها، عاشو قصة حب زوينة قراو بجوج و تخرجو بزوج و خدمو بزوج و تزوجو و ولدو جوج ولاد و بنت. الابن الأكبر 23 عام كايقرا الهندسة و قرب اسالي، الابن التاني 20 عام داير ادارة الاعمال و التسيير و البنت 17 عام يلاه فالليسي.
 
  فناضاركم شنو كايتسنا عبير مع هاذ الناس؟

                         M.m 💭🌸✒️
__________________________________________________
كيف جاكم هاد الجزء ؟ ماتنساوش تكومونطيو و عطيوني رأيكم باش نزيد نتشجع نكمل. ⁦⁦❤️⁩⁦❤️⁩