السلام عليكم
الكاتبة سيدرا الموسوي
بارت الاول
حن لطفولتي أرجع زمان الأمس من صفحاتي
ما أجمل الأيام بعد فوات
ذكرى يعود إلى الفؤاد حنينها
دوماً إذا ذاق الفؤاد بأهات
زمن تولى من ربيع حياتنا
في ظله ما اجمل الاوقات
نلهو ونمرح والسعادة عندنا
ما أصدق البسمات والضحكات
نجري ونجري ليس ندري أنها
تجري بنا الأعمار في الساعات
ونلاعب المطر الخفيف إذا أتى
وعلى اليدين تساقط القطرات
نبكي ونضحك تلك حال طفولة
سنة٢٠٠٤
هلال: واكفة اباوع من الشباك على بنات عمي ولد عمي وخواني وخواتي اصغر مني بين ٣ الى ٧ سنوات دا يلعبون اني ممنوع علية العب وياهم لانه عمامي ما يقبلون يكولون عليه جبيرة واني كل عمري١٢ هواي انقهر هواي شغلات ما يقبلون عليهة امي ما تكدر تحاجيهم وبابا ما يكول شي انتبهت على نفسي صافنة وامي تصيح علية رحت عليهة
هلال: ها ماما
محاسن : حبيبتي وخري اخوج مني اريد اكمل شغلي
هلال:حاضر ماما تعال حبيبي
اخذت اخوي اصغير اسمه سالم عمره ٣ وكح وحرك كل ما اتذكر امي شكد تعبت اضوج عانت ما عانت من عيالهة وهي حتى ما تكول تعبوني يعني كل واحد مأذيهة صبرت ولحد هسة صابرة لانه ما عدهة سند اخوانهة اصغار وامه مريض وابوها ميت من هية عمرهة اشهر واني ادعي الهة انشاء الله رب عالمين يفرجها اني طالعة عليهة هادئة وصبر
صار الاذان صلاة الضهر رحت اريد اتوضة اتوضيت وصليت رحت اعاونهن على الغدة كل عائلة وصينيتهة بس نكعد نفس المكان بل هول كملنة كل وحدة من نسوان عمامي اخذت جهالهة علمود تنومهم بس بقو عمامي يشربون جاي
مرت عمي :محاسن اغسلي بدل عني لانه اني مريضة فدنوب
محاسن:هدى اني كملت نوبتي تعبت اريد اغسل الي وجهالي كولي لنجود
نجود:اني العشاء و غسل مواعين نوبتي يعني فد اشوية اشتغل رجلي جاي من الشغل لا ذبنهة براسي كرم ماما نروح
هدى: لعد خلي هلال تغسل المواعين
محاسن: لا خطية اني ما اخليهة تتعب اليوم غسلت مواعين الريوك وسوت الريوك هية و ورد (مرت عمي)
هدى: اي ياا هدى كتلج مريضة هيج تسوين بية
جديتي عاطفة: ياا محاسن اغسلي المواعين بلة جدال كالتلج البت مريض يلة يلة
محاسن:اي عمة هو اني راح اغسل المواعين
هلال.شفت ماما ادموعهة غوركت ادري بيهة ليش ضاجت لانه اسلوب جدتي مو حلو انتي مشلوع كلبج سودة علية يمة ابتسمت علمود تروح ضوجتهة
هلال:حبيبتي شبيهة ما اريد اتعبهة يلة ماماتي روحي الغرفتج ارتاحي
محاسن:لا حبيبتي اني اكمل هو جم ماعون
هلال :لا اني اكمل واذا ما خليتيني اغسل المواعين ازعل عليج
محاسن:يلة راح اروح خاف تتعبين صحيلي
هلال:تمام
كملت رحت الغرفة مالتنة شفتهم كلهم نايمين نمت وياهم كعدت الساعة٤/٠٠ شفت ماما ماكو بس خواتي ايلعبن فاتن عمره ٨ وبراءعمره ٥ كعدت مشطت وعدلت ربطتي
فاتن :تعالي العبي ويانا
هلال:بس اشوف ماما تدرين وينهة
فاتن:اي جاي تغسل الطرمة
رحت وشفتهة تغسل بيهة وسالم بل حديقة هو ولد عمامي الصغار كعدت يمهم اباوع
