يتيمة و أبواي على قيد الحياة

الجزء ٢٥

الجزء ٢٥
احمد:-في شنو؟
ريم:-و لا حاجة.
احمد:-طب مالكم كنتو حاضنين بعض.
ريم:-و لا حاجة.
الجد :-حاجة بيني و بين ريم.
احمد:-يعني ما دايرين تقولوا لي.
الجد اشر لأحمد يطلع برة و هو بيكلموا بعدين.
احمد طلع و هو نفسه يعرف الموضوع شنو.
ريم طلعت و هي فرحانه مبسوطة بتفكر حتكون ردة فعل امها شنو.
الجد قعد متحير في الكرسي بيفكر في العملوا و حتكون ردة فعل احمد لما يعرف بالموضوع شنو.
.......
في غرفة احمد
.......
احمد:-كيف يعني الكلام دا....كيف توافق على حاجة زي دي!!!!😡
الجد:-فكر شوية يا احمد..لو وديناها هناك نحنا حنرتاح منها شوية.
احمد:-لكن ما فكرت هم حيفكروا علينا شنو لو رسلناها.
الجد:-احمد..انت عارف كويس انه سارة بتحب بنتها اكيد.و اهلها كمان بيحبوها في النهاية لانو هي من لحمهم و دمهم لكن يمكن يكونوا الوقت داك رسلوها لينا من عصبيتهم المؤقتة.
احمد:-دا اخر قرار عندي يا ابوي.ريم ما طالعة من البيت دا .على جثتي لو طلعت.
الجد:-خلاص الله يرحمك يا زول.
الجد طلع و ساب احمد في الغرفة وراه.

ريم،
راقدة في السرير و عايشة عالم احلامي.كيف يا ترا حتكون قعدتي هناك.
..

دخلت البيت.حسيتوا غريب.ما فخم مرة زي بيت ابوي لكن حلو.جدي طلع و قال ما داير يخش و لو سألوني منو الجابك قال لي اقول ليهم ابوي.
اول ما دخلت لقيت راجل كبير في السن شوية جاي باتجاهي و اول ما شافني انصدم.
الزول:-انتي ....انتي شنو الجابك هنا!!😱😮😧
ريم:-ابوي جابني.وين امي دايرة اشوفها.
الزول الغريب دا صرخ صرخة قوية و وقع بحيلوا.كل اهل البيت اتلموا و بقوا يعاينوا لي بنظرة حقارة و قرف و بقو متجهين لي حتى امي.جات امي و قربت مني و حسيتها حتقتلني.صرخت بأعلى صوت عندها و قالت،" بنت احمد😡!!!!! "
كردة فعل انا زاتي صرخت و بقيت ابكي و خايفة من الحاصل و فجأه كدا حسيت بيد ماسكة كتفي و بتهز فيني.هنا يادوب وعيت انو كان كابوس.
احمد:-يا بت مالك بتكوركي؟!😡
ريم:-ما في حاجة بس جاني كابوس.
احمد:-حصل خير.
ليشنو ناوية تمشي لبيت امك؟
ريم:-لإني قرفت من العيشة هنا.مرة مملة
احمد:-و هناك العيشة مملة اكتر.
ريم:-و انت كيف عرفت.جربتها؟😑
احمد:-انتي يا عويرة يعني انا ما كنت عايش مع امك مثلا و لا شنو.امك ممله عشان كدا طلقتها.
ريم:-بالعكس.الخمسة سنين العشتها معاها كانوا احلى من السنين العشتها معاكم.
احمد:-عشان انتي زاتك مملة.
ريم:-عاين...فيها حاجة لو دايرة امشي لبيت امي.
احمد:-ابدا كان في سبب مقنع.
ريم:-دايراها..اشتقت ليها...
احمد:-خلاص تمشي تشوفيها يوم يومين كفاية.لكن شهر كامل!!
ريم:-انت ما عارف انا قلبي محروق قدر كيف عشان اشوفها.انت على الاقل متلمي جمب عائلتك كلها لكن انا لأ.لو اخدت منك امك ليوم اكيد حتحس بنقص.يبقى خمس سنوات دي انا اقول عليها شنو..
احمد حس انه في دمعة حتنزل منه بسبب كلام ريم.ما قدر يكتمها و نزلت.
ريم:-بتبكي🤨.اول مرة اعرف انه عندك مشاعر.
احمد مسح دموعه و قال:-اوكي خلاص بتمشي لكن اول ما ينتهي الشهر ترجعي طوالي.
ريم:-حتكون مشتاق للضرب طبعا.ما حتلقى زول تهينوا صح.
احمد ابتسم لريم ابتسامة ساخرة و طلع.
ريم بقت تلم في حاجاتها عشان تستعد للمشية.
.......اليوم التالي........
في سفرة الفطور،
احمد:-كلي قوام يا ريم عشان نمشي بدري.
ايمان:-تمشو وين؟
احمد:-نزهة عائلية.😒
سلمى و لينا في نفس الوقت:-و ليه ما كلمتونا.
احمد:-لانو انتو ما ماشيين
ايمان:-كيفن يعني ما ماشيين؟
احمد:-انا و ريم الماشيين بس.
سلمى و لينا:-من متين تتنزهوا مع ريم😡
ريم:-اظن اني انا بنته البكر كمان لي الحق اني اتفسح و اتخارج من اشكالكم شوية.😘
نفيسة:-تتجرأي كيف يا حيوانة.
اسراء:-تمشي و ترجعي بالسلامة 😘
ريم:-الله يسلمك😘......ياللا بابا شبعت ماشة بس اتأكد من حاجة في الغرفة.
احمد:-كويس.
ريم،
دخلت الغرفة و عاينت لنفسي في المراية لاخر مرة.بسحروني من حلاوتي لكن سمرتي شوية مبشعاني.ااااه ريتني لو ما كنت بلعب كورة مع سامي.
اخدت شنطتي و اتأكدت انه كل حاجة فيها و ما في حاجة نسيتها..........افففف.....نسيت اهم حاجة في السرير...مشيت شلتها و حضنتها و ختيتها في الشنطة بعناية و مرقت.
كيف حامرق قدامهم بالشنطة.لازم استنى احمد يطلع و بعدين ننزل من الباب الخلفي.
استنيتو لكن ما طلع.سبت الشنطة في الاوضة و نزلت ليهو تحت.لقيتو مافي.طلعت برة...لقيتو بيتكلم مع جدي .جريت جري و جبت شنطتي و من غير ما زول يشوفني طلعت برة.
ريم:-ليه ما جيت ناديتني؟😡
احمد:-نسيت..يلا اركبي العربية و خلي لي شنطتك انا بختها.
ريم:-كويس.
الجد:-يلا مع السلامة.
الجد دخل البيت و احمد شال الشنطة لكن شافها ثقيلة ما قدر يشيلها.
احمد:- انتي شنو شايلة هنا في الشنطة دي؟حجر؟
ريم:-هدوم يعني شنو.
احمد:-اه مستحيل دي كلها هدوم.يوم متين قاعد اشتري ليك الهدوم دي كلها.
احمد فتح الشنطة عشان يشوف فيها شنو لكن ريم طلعت بسرعة من العربية و منعتوا يفتحها.
احمد:-مالك يا بت؟
ريم:-ما في حاجة بس في حاجة خاتاها ما لازم تشوفها.
احمد:-سر يعني.
ريم:-تقريبا.
احمد:-ما ناوية توري ابوك.
ريم:-طيب بوريك لكن ما تَسَمِّعْنِي كلام.كويس
احمد:-بس وريني.
ريم فتحت الشنطة و احمد انصدم من اللي شافوا و بقى يبتسم.
ريم:-خلاص يلا خلينا نمشي ما قادرة استحمل دايرة اشوف امي.
احمد شال الشنطة بقوة و دخلها العربية و ركبوا هو وريم و اتحركوا........
يتبع#...