အသက်ထက်ပို​သော(Completed)

အသက်ထက်ပို​သော(၃)

ရာရာ​လေး၏ဆန္ဒအတိုင်း ရာရာ့ကိုအိမ်​ရှေ့အထိပြန်ပို့​ပေးသည် ။ ရာရာ​လေး
အိမ်ထဲသို့​ပြေးဝင်သွားသည် ။ သို့​သော် ရာရာ​လေး၏​​ခြေလှမ်း​တွေကခြံအဝနားမှာတင်ရပ်တန့်သွားသည် ။ အိမ်ထဲက​ဒေါ်​လေးရဲ့စကားသံ​တွေကိုရာရာကြားလိုက်ရသည် ။ အိမ်ထဲတွင်​ဒေါ်​လေးကရယ်​မောရင်းသူငယ်ချင်း​တွေနဲ့စကားထိုင်​ပြော​နေသည် ။

{​ဒေါ်​လေးက​ပျော်​နေတာလား}

"နုနုရယ် ငါ​လေအဲ့ဟာ​လေးမရှိ​တော့တာ​​တော်​​တော့်ကိုစိတ်​ပေါ့သွားတယ်သိလား ၊ အခု​ဆိုငါ့အ​ကြွေး​တွေလည်း​ကြေသွားပြီ ၊ ငါခဲတစ်လုံးတည်းနဲ့ငှက်နှစ်
​ကောင်​တောင်ပစ်လိုက်နိုင်တယ်"

{​ဒေါ်​လေးက ​ဒေါ်​လေးကိုယ်တိုင်ကရာရာ့ကို​ရောင်းစားခဲ့တာလား}

"ဘာကိစ္စငါကစိတ်မ​ကောင်းဖြစ်ရမှာလဲ ၊ ဒီဟာ​လေးကငါ့ဘဝကို​တော်​တော်ရှုပ်​နေတာ ၊ အခုမှငါ​တော်​တော်​ပေါ့သွားတာ ၊ ဒီညပွဲရှိတယ်မလား ၊ ငါလာခဲ့မယ်"

​ဒေါ်​လေးက​ပျော်​ပျော်ရွှင်ရွှင်ကိုရယ်​မော​နေသည် ။ ရာရာ မျက်ရည်​တွေဝဲကာ ​ဘေးနားတွင်အတူတူရပ်​နေသည့် သျှင်းကို​မော့ကြည့်လာသည် ။ မြင်​နေ ကြား​နေရသည့်စိုးပိုင်နဲ့သက်​အောင်သည်လည်းရာရာ​လေးအတွက်စိတ်မ​ကောင်းဖြစ်လာသည် ။

"ကိုကိုဘာလို့ပြန်မပို့လဲသိပြီလားက​လေး"

"မဟုတ်​လောက်ပါဘူး ၊ ​ဒေါ်​လေးကအခြားအ​ကြောင်း​ပြော​နေတာဖြစ်မှာပါ"

ရာရာအိမ်ထဲသို့​ပြေးဝင်သွားသည် ။ ​ဒေါ်ယမင်းဖြူက ရာရာ့ကို​ကျောခိုင်းပြီးဖုန်း​ပြော​နေသည့်အတွက်ရာရာ့ကိုမ​တွေ့ ။

"​ဒေါ်​လေး"

​ဒေါ်ယမင်းဖြူ အသံလာရာ သူမ၏အ​နောက်သို့လှည့်ကြည့်လိုက်သည် ။ ရာရာ့ကိုမြင်လိုက်ရသည့်​ဒေါ်ယမင်းဖြူစိတ်ရှုပ်သွားပြီး​မျက်​မှောင်ကြုံ့ကာရာရာ့ကို
ကြည့်သည် ။

"​​နုနုရေ ငါ​နောက်မှပဲပြန်​ခေါ်လိုက်​တော့မယ်​နော် ၊ ဒီမှာရှင်းစရာကိစ္စ​ပေါ်လာလို့"