ضلم الماضي والحاضر 🌹🌹
بقلمي الكاتبة 😘دنوشة 😘
محمد......عمتي غمزتلي يعني حجي كلت لبوية وامي اني اريد اتزوج بنت ابو البيت الشتغل بي
احمد.....ان شاء الله خير اروح اساءل على البنية اذا زينة موافق
هدى.....كتلة يمة محمد اني امشي ورة ابوك اذا زينة ماراح اقصر وياك
رحمة ....لعد خير ان شاء الله اساءلو وبيهة الخير ان شاء الله يلة عمة محمد كوم وصلني للشارع حتى اروح للبيت
احمد....خوية رحمة باتي يمنة اليوم
رحمة....ياخوي موتدري ما اكدر ابات برة البيت علمود بناتي
هدى......جبت اخر بنية الية سميتهة مارية وكبرت هية فقيرة بس موقريبة الية احسهة صار من نروح للشغل اني وابوهة من نرجع اخوتهة وخوانهة يشكون منهة يضطر احمد يكتلهة
مارية.....اول ما وعيت على الدنيا اخوتي وخواتي ذلوني شوفوني يكرهوني ماعرف السبب جنت فقيرة ومن احد ياءذيني ماحجي اخاف يكتلوني فجان ابوية من يجي من الشغل يشكولة اخوتي وخواتي ويكتلني واني ماحجي فديوم دانغسل السطح واختي كالتلي مارية جيبيلي صطل المي شلتة ثكيل وكع مني ما احس الة قوطية الحليب على راسي وكام يطلع دم منة كمت ابجي جان تكلي زهرة ختي
زهرة......اكره مارية ماريدة ضربتهة بل قوطية مال حليب ونشك راسهة كلتلهة إذاكلتي زهرة الضربتني املخج كتل
مارية ابجي واخاف منهة كلتلهة لا والله ما اكول لحد
زهرة......كلتلهة خاف احد يساءلج كولي جنت جوة الدرج ورفعت راسي ونشك صحت على جيرانة من السطح كلتلهة رايدة دهن مال طبخ نطتني بل كوة وكف الدم
مارية...... ابجي لان اذاني راسي وغسلتة بل مي وخلتلي دهن نزلت ساءلوني كلتلهم بل درج تعورت مرت ايام نفس حالي
احمد....رحت ساءلت على اهل البنية طلعو زينين
محمد....كاعد وسمعت ابوية يصيحلي اني عندي حمام كاعد يمهن بل سطح نزلت كتلة ها يابة كال حضر روحك نروح نخطبلك البنية لان ساءلت عليهة وطلعت زينة هي واهلهة
كمت بست ابوية كتلة مشكور بس شوكت نروح كال باجر بس انطي خبر لولد عمي حتى يرحون ويانة
هدى......كلت لبناتي نضفن البيت راح يجي خطار لان باجر نروح نخطب لمحمد
هناء...... اي يمة راح نعزل البيت اصب هسة غدة
هدى..... شوفي ابوج شيكول
احمد.....اني ابد موضالم بس عندي مارية هي فقيرة بس من اروح للشغل ورجع خوتهة يشكون منهة وكتلهة بعدين انقهر عليهة المشكلة هي ماتكول جذب مامسوية شي تبقة ساكتة مرة من المرات ربطتهة وكعدت بل غرفة وخليتهة مربوطة بل زاوية مال غرفة لحد ما كملت قرءان اباوع عليهة انقهر
محمد......صار ثاني يوم رحنة اني وامي وابوية وعمتي وخواتي ولد عمي ابوية
احمد....وصلنة كعدنة حجيت كلت الله بل خير
ابو هدى اليوم جاييك بشغلة وما نريدك تفشلنة
ابو زينب ....كول ابو محمد احنة حاضرين وشغلتك مكضية ان شاء الله ماترد الا وانتة راضي
احمد......والنعم منك ومن اصلك اجينة اليوم نطلب يد بنتك لبني محمد
ابو زينب ......النة الشرف مانلكة احسن منكم واني نطيتكم المرة
احمد.....مشكور ابو هدى ماقصرت والله
محمد.....كمت سلمت على الموجودين وباركولي
هدى......شفت البنية اسمهة زينب حلوة ومبينة مدللة حجينة وية امهة المرة رحبت بينة تفقنة على كلشي رجعنة للبيت
احمد....محمد تعال يمي كعد ابني انتة عندك فلوس مال زواج لولا لوداينلك
محمد. ...عندي شكم فلس بس ماعتقد يكفن
احمد......اني ادبر الباقي الغرفة علية هدية الك والاكل اني ادبر فلوسة بس انتة دبر فلوس النيشان
زينب.....حيل فرحت لان راح اتزوج محمد
احمد....حددنة يوم الخطوبة وعقد السيد رحنة ويانة سيد نعرفة عقدو خطية اهل البنية ماطلبو هواي من رجعنة كالت زهرة
زهرة......كاعدة اني وخواتي وابوية وامي كلت والله خبصنة محمد بزينب شحالهة رافعة خشمهة وشدعواهة هلكد طلبت
احمد....عطت عليهة كلتلهة مالج دخل بمرت اخوج لامن هسة دورين مشاكل
زهرة......لايابة مادور مشاكل عاط ابوية علية وكال
احمد.....زهرة صير ادمية لا تخليني امد يدي عليج كومي مني وممنوع اي احد يجيب طاري الناس
مارية......اني كاعدة واسمعهم جنت صغيرة عمري ٨سنوات وساكتة بس انقهر لان اني معزولة عن اهلي
محمد......شترينة الغرفة والنيشان وصار يوم الزفة رحنة اخذنة زينب من بيت اهلهة ورجعنة لبيتنة زفوني ثاني يوم الصبح كعدت الكل يباركلي
زينب......اني كعدت الصبح نزلت لبيت عيالي سلمو علية ابوهم وامهم زينين بس بناتهم عبالك حاقدات عفتهن كعدت يم محمد وتريكت ويا
محمد.....صعدت فوك اجت زينب كالت محمد منو شترة الغرفة النة بقيت ساكت كلتلهة اني طبعن اكثر مصاريف العرس والغرفة من ابوية بس اني جذبت عليهة.
✨🎇🎆
مشاهدة ممتعة للجميع اتمنة ينال عجابكم ولا تنسون النجمة
بقلمي الكاتبة 🌹🌹دنوشة 🌹🌹
😘😘 احبكم طوخ 😘😘
