Tuloy sa pagkayod kahit na mahirap,
Ang kinalalagyan sa buong maghapon,
At may pandemiko na kinahahaharap,
Na wala pang lunas sa panahon ngayon.
Basta mairaos ang isang umaga,
Para sa pamilya ay hindi aatras,
Kahit mapagod ma'y hindi alintana,
Sapagkat sila ang nagsisilbing lakas.
Tuloy lang sa laban ng pakikibaka,
Ano mang sagabal ay nilalagpasan,
Ano mang pasakit pilit kinakaya,
Kahaharapin ay pinaghahandaan.
Tiwala sa araw ng pagtatagumpay,
Sa kinakaharap na mga pagsubok,
Ni hindi aayaw sa daloy ng buhay,
Hanggat ang puso'y patuloy ang tibok.
Tuloy sa pagharap sa kinabukasan,
Na may katatagan at buong pag-asa,
Kikilos sa buhay na may kawastuhan,
Para sa pamilya na s'yang umaasa.
BINABASA MO ANG
Mga Likhang Tula
PoetryIto ay mga pinagsama-samang tula na may iba't ibang tema. Pag-ibig, pag-asa, kasawian, at kung anu-ano pa. It is also my way to express my love to my Lord and Savior Jesus Christ. I amazed on how the progress of my "Mga Likhang Tula" rating. Thank y...
