رواية : حب بنكهة الإنتقام 🔥
للكاتبة : Alaa Hassan💛💫
رواية ليبية 💛💫
الحلقه 42 💛💫
* ملاحظة * : أمس لما قريت روايتي من الحلقه 28 للححلقه 41 لاحظت أن فيه لخبطه واني نلخبط واجد ، اول شي اني كاتبة لما لمار جت لمكتب ملاك قالت لها ح تحصلي أصيل والمفروض سند ، ثاني شي اني كتبت ان بيبسي جاه شرطي وقاله في امتحان سلوك ولو نجحت فيه ح تطلع بعد ايام من السجن وبعدها جبت أن بيبسي طلع بعد 9 شهور ، الي بنقوله ان بيبسي مانجحش في الاختبار وطلع بعد 9 شهور ، وفيه حاجات آخرة ملخبطه فيهن بس نسيتهن وياريت اي حد يشوفني ملخبطه في حاجه يقولي عليها عشان نصححها وسامحوني ع اللخبطه 💛
_____________________________
دكتورة : الله يرحمها براء كانت شخصيه مثالية
رغد " نزلت رأسها بحزن " : الله يرحمها
دكتورة : الحسن شن ح يصير فيه بعد موتة براء ؟ وهل ح يحب مرة ثانيه ؟
رغد : مش ح نحرق الأحداث ونحكيلك
دكتورة " هزت رأسها " : معاك حق ، ممكن سؤال
رغد " ضحكت " : شنو هالجمال😂
دكتورة " ضحكت "
رغد : اي اسئلي
دكتورة : شن هيا معرفة بينك وبين لمار؟
رغد " نزلت رأسها "
دكتورة " قعدت تشوفلها وتكتب في ردة فعلها "
رغد " رفعت رأسها وتكلمت ببرود " : كل شي ح يبان مافيش شي ح يظل مستخبي
دكتورة " شافت لرغد وكتبت كل شي لاحظاته "
صوت من وراه : ديرها ي الحسن
الحسن " تلفت وشاف صقر الي مربع يديه ويشوفله بنظرات باردة "
صقر " ببرود " : ديرها واضغط ع الزناد ، عشان تموت كافر ، مايكفكش عذاب الدنيا لااااا ح تعذب في الآخرة
الحسن " رفع عيونه وشاف المسدس الي ع رأسه "
صقر " بهدوء " : لو براء عايشه مش ح ترضي ب الي تدير فيه
الحسن " شافله ودموعه ينزلن " : بس نقدرش نعيش بلاها
صقر " قرب منه " : هي اكسجين؟
طبعا لاء !
هي ميه؟
طبعا لاء!
هي طعام؟
لاء آخرة !
معناها تقدر تعيش بدونها ، لو كل حد فقد شخص عزيز عليه مايقدرش يعيش رآه مافيش ولا حد عايش في الدنيا هذي
الحسن " نزل رأسه وماردش عليه ، لأن ماعنداش شي يقوله ، كلام صقر كله صح "
صقر " قرب منه " :لو بتخسر اخرتك ديرها واضغط ع الزناد
الحسن " رفع رأسه وضغط ع السلاح وحط إصبعه ع الزناد "
كان واقف قدام حوشهم القديم الي ولا كبير وجديد وفخم من برا ، كان كل همه اخته وبس ، كان خايف ويفكر فيها ، قرب من الباب وشاف جارهم القديم يلعب في ولده ، مشاله : السلام عليكم
جارهم " رفع رأسه وشافله " : وعليكم السلام
" ضحك " : ماتقولش ما عرفتنيش
جارهم " عقد حواجبه " : لحظه لحظه " ناض بصدمه " بيبببسيي
بيبسي " ضحك " : بلحمه وشحمه
جارهم " حضنه " : الحمدلله ع السلامه نوورت ي غالي
بيبسي " بضحكه " : الله يسلمك ي طيري
جارهم " بعد عنه " : كيف حالك وامتى طلعت؟
بيبسي " ابتسم " : الحمدلله حالي ، والطلعه طلعت توا وجيت هنا طول نأخذ نور ونمشي
جارهم " بأن ع ملامحه الضيق ونزل رأسه "
بيبسي " لاحظ عليه " : خيرك؟
جارهم " بلع ريقه وسكت "
بيبسي " رفع حاجبه والخوف يأكل فيه من جوا " : نور صار فيها شي؟
جارهم " رفع رأسه " : اااءءء
بيبسي " بدأ يفقد صبره " : شنن هياا اااءء هذذي نوور خيرها؟؟
جارهم " بلع ريقه وتكلم بصعوبة " : نور هربت من 7 سنين
أنت تقرأ
~|| الـاوس والعـسـقـلة 🔥 ||~ (روايات ليبية) ( متوقفة )
Actionالاوس والـعـسـقـلـة 🔥❤️ حـب ، كـره ، انـتقـام ، حقـد ، اسـرار مـدفـونـة ، مـاضـي أليـم ، حـيـاة صـعـبة ، اصـحـاب ، خـوت ، تـوأم مفقـود 🔥 عـدد الحـلقـات : الـكـاتـبـة : Alaa Hassan ( روبـونـزل )
