اندك الباب فتحتهه
وتفاجئت من شفت خاله وزوجهه وياهم الولد
بلعت ريكي بخوف سلمت عليهم ودخلو
سديت الباب وراهم وانتجيت على صفنت
شنو يسون هنا
وليش
اخاف يرجعون يأذوهه
نفضت الأفكار من راسي ومشيت
ويه كل خطوه اتعوذ من الشيطان
ويه كل خطوه ادعيلهه
وصلت للباب رحت للمطبخ
حضرت عصير
وديته الهم
قدمته وكعدت وصينيه العصير بيدي وضاغطه عليهه كل قوتي
نزلت عائشه
دخلت سلمت عله امه وابوه
وكام عثمان حضنهه وباسهه
وعباس هم
منطت اي رد فعل ابد
مبينة شي
مهتزت شعره منهه ولا بادلتهم
كعدت علكرسي وكالم عثمان.
يله خلي نرجع مسمشه كومي
رفعت راسهه وباوعت علي
مااعرف حقد
غضب
كره
مااعرف بس نضرتهه بيهه كلام
كامت هزت راسهه وصعدت
كمت وراهه
وديت الصينيه للمطبخ
صعدت الدرج واحس اطرافي نملت
بعدني بوسط الدرج لتفتت غرفه الاستقبال صايره كبال الدرج
درت وجهي وصارت عيني بعينه
اكول اطرافي نملت لأن حسيته يباوع
درت وجهي وصعدت بسرعه
والأفكار تتراطم براسي
دخلت لكيتهه كاعده علجربايه وصافنه
عيوشه حبيبتي شبيج
رفعت راسهه
مابيه
حترجعين
هزت راسهه بمعنى يي
ابتسمت مجامله الهه
يله نلم غراضج
يله
كامت وكام تلم غراضه
كملنه رادت تشيلهم
لا حبيبتي انتي مريضه كملي حته ننزل
بدلت ولبست حذائه
اعرف بيهه متريد تروح وبنفس الوقت أتريد تروح
سكتت مااعرف شنو احجي
كملنه ونزلت قبلي
ونزلتلهه جنطتهه
سلمو وطلعو
وطول مهمه موجودين اتلافه نضراته بس جسمي يكوم يرجف منهن
هو مو يحب شكو يباوع عليه
صعدت بالسياره والم بكل. جسمي
مو ألم نفسي ألم عاطفي
كلبي متحطم
مداكدر انسه السوو بيه
كاعده بنصهم بسياره
عثمان يمني
وعباس يساري
ذيج المره جنت هيج بنصهم واذوني
هلمره شحيسوون
احساسي مخربط مدا اعرف شنو اريد وشداسوي
وصلنه لباب البيت نزل عباس فتح الباب سلايت
ودخلنه
نزلت من السياره
بيه كمية حقد وكره وغل شايله بكلبي محد يعلم بيهه غير ربي الخلقني
اول مادخلنه ردت اصعد وكفت
التفتت عليهم وكتلهم
مااريد غرفتي الفوك
صفة بابا عليه
صار حبيبتي ياغرفه تردين
انداريت وأشارت عله غرفه قافليهه ممحتاجينهه
اشرلي أبويه يي
يله نضفيهه بين منكمل اني واخوانج الغراض
انطتني امي المفتاح
فتحتهه بديت اعزل
ماما متعوف؛ مكان مو نضيف حته الترك يلمع
فيس عزلت ومسحتهه
صعدت صحت بابا
ها عيوني
مااريد غرفتي القديمه اشتريتلي غيرهه
صفن بوجهي
صار حبيبتي انتي تختاريهه
لا ماما
الكل مستغرب من تصرفاتي
داتعارك ويه روحي واقنعهه انو اذا غيرت الغرفه
إذا غيرت مكان لمساته القذره راح تتبدل حياتي
فتت سبحت محجيت و يه احد ابد
من طلعت لكيت بابا مشتريلي غرفه لونهه ابيض وذهبي ابتسمت عرفت ذوق ماما
رحت حميت الجاي وسويت لفه جبن وكعدت اكل
انداريت عله ايد تلزم رجلي
التفتت اخويه علاوي الزغير
يطلع عمره ٥ سنين
انداريت وشلته خليته بحضني
مثتاقلج
يروحي اني اشوق يكلبي
دفنته بحضني
لهاني شويه لاعبته وكلته وكملو نصب الغرفه
دخلت وبديت تسفط ملابسي
وتحفياتي
كتبي
ذكرياتي المطشره اريد امحيهن
اريد شي ينسيني
لكيت تلفون ولاب عله الميز
نزلت وانطيتهن الابويه
جانو كلهم كاعدين بلستقبال
هاك بابا
شنو بناتي ذني الج
مااريدهن
ليش
باوعت عله عثمان وعباس ليباوعولي بستغراب
أجمعت للدموع بعيني
الثقه من تروح مترجع بعد
واني وثقت بيهم وكلت حيفهموني بس للأسف محد فهم بيهم وقدر وضعي
عفتهم يباوعولي مقهورين
خصوصا عثمان حته عينه دمعت
شمرتهم علتخم ورحت لغرفتي
