🐏#__الحولي🐏
🎬بقلم:عميق السلاك🎬
🎥الجزء 1🎥
حلت الشرجم تتنفض منو المانط وترجع دخلهم طلت لتحت بان ليها جارهم جاي جار حولي ودراري تابعينووو بالغواات وتينقزووو ويتجارو معااه دخلت لمانطة بزعاف وسدت الشرجم
عزيز:(كالس فالقنت تيشوف فالسقف وحال عينيه) الهام
الهام:غيي لبرد لي خبطووو
عزيز:اجي لهناا
الهام:(مشات كلست حداه وشدت ليه فايدو) بغيتي شي حاجا
عزيز:(كمش وجهو بغضب) لاش تتبكي
الهام:(هزت ايدها بزربة تتمسح فدموع)😢😢 اشمن بكا ليهديك
عزيز:(بقا تيتماطة توصل لوجهها هز ايدو ومسح ليها عينيها) راني غي عمى ماشي صمك اش غيكون هاد لعيد.كاع تطيحي عليه دموعك واش غنخليكم بلاش ولا حيت عمى صاف االهام درتيني مت
الهام:(طاحت ليه على ايديه ودموع فعينيها) حااشاا الله ينجيك ويخليك لينا اش هاد لهضرة ولا مكتابش نعيدو لحمد لله على كل حال نبقاو غي مجموعين هداك هو الفضل وراس لمال
عزيز:كون.كنت تنشوف كون
الهام:(قاطعتو) اش غدير غتحارب مع ربي حيت كتب عليك لي كتاب رجووع لله ا عزيز و هاد لهضرة مباقيش تجبدها ولا لبقيش تعرفني هاديي جديدة ومالنا حنا لولين ولا لخرين لي مغنعيدوش واصلا الطبيب مانع عليك الغنمي ومعدنا تا التلاجة لي تهز اللحم نتجرجرو تاني مع الجيران غي خوي راسك من هاد لهضرة سمعتيي شوية ونحط لغدا نتا غي رتاح وهضرة وحدة منعاودهاش ودراري راه كبرو وعارفين لي كين ولمكتابة فالرزق راه غتكون
عزيز:ونعم بالله (مشات تنهد.مطول و طاحت دمعة من عينو دمعة عجز مسحها بزربة ورجع نظرو لسقف شحال صعيب تحس براسك عاجز على تلبية ابسط لحوايج لناس تحت مسؤوليتك وكنتي مواعدهم بالكتير)
الهام:(حلت السرجم طلت لقات الدراري مزال موجقين على لحولي وواحد دري كالس بعيد عليهم عندو 12 سنة شاد لكورة بين ايديه وحادر راسو تيريبلي بيها بدات تتعيط ليه) حمزة وااحمزةة طلع
حمزة:(هز راسو فيها )بلاتي راه تنتسنى سكينة اماماا
الهام:(رجعت سدت السرجم ومشات لكوزينة حيدت الخامية ودخلت تتغسل فالماعن ) ياربي فرح هاد لويدات راني ملقيت جهد...
🐏#__الحولي🐏
🎬بقلم:عميق السلاك🎬
🎥الجزء 2🎥
الدري صغير تابعها تيلصق ليها فالكروصة ودور تخرج فيه عينيها
سكينة:تا سير فحالك البرهوووش راه نمرمقها مع مك دابا ننن (الدريي طار راجع تيجري ايلي دارت هي مع الزنقة بانت ديرا لقب ديال التجاكيط لي كبيرة عليها ومسخة بالغبرة ديال الرحبة و الخضرة جايا تتحسب الصرف فايدها وملصقة لكروسة فصمطة سروالهاا تا وقفت على حمزة )اا فين البرهوش
حمزة:السكنكن دويرة لحفضك
سكينة:طلع (دورت الكروسة قدامها لاح فيها لكورة وركب وبدات تدفع بيه) ويييع اسمع باارييك باارييك اسمع باارييك ههههه
أنت تقرأ
🐏الحولي🐏
Humorااه اييه قاد قاد لميزان اححم هي هادي اوا سييييييير 🎤🎤🎤الحولي وا الحولي والحولي فين فلوسوو جيراني كاع مشااو لسوق الجملة وشراو...💃💃 🎤🎤🎤الحولي وا الحولي والحولي فين فلوسوو السويقة غادة جايا ختكم باقا ما شاريا💃💃 🎤🎤🎤الحولي وا الحولي والحولي...
