تيجان من النار

التاج٢٦

تيجان-من-النار٥٧

الكاتبة chra kirkuki

واخيراً إكتشفت إني بإسم الحب أنا لعبة
وكل العشرة والإخلاص وكل التضحية كذبة
أنا نادم على نفسي على يومي وعلى أمسي
على عمري التركته بإيدك تعذبه

خسارة يامشاعرنا قصايدنا وخواطرنا
حرگناها ببرود أعصاب وسكرنا على اخر باب

خسارة خسارة خسارة
أنا نادم على نفسي على يومي وعلى أمسي
على عمري التركته بإيدك تعذبه

وأخيراً إكتشفت إني بإسم الحب أنا لعبة
وكل العشرة والأخلاص وكل التضحية كذبه

مع الأسف النتيجه سلبيه بأقرب وقت زوريني بالعياده الو خاتون ويايه

انداريت على صوت رجال ويا حماية قفلت التليفون  نسيت شنو كلي من تقدم الرجال وعينه عليه احس اعرفه منو هذا وين شايفته

مسعود : شلونج رحمة بأبتسامه وهو ينزع نظارته السوده

خاتون : رحمه رددتها ويا نفسي هذا يعرفني مسعود

مسعود : اي شبيج عبالج شايفه جني حقج من زمان مشايفتني  لفيت كدامها عجبج التغير اللي اني بي علمود هاي فاتحه عيونج

خاتون : شتريد اخ مسعود هذا مكان عمل ورزق ماتصور بي اثاث من مستواك اهنا غير معرض  للناس المليانه

مسعود : كعدت خليت رجل على رجل اشرت للحمايه مالتي يشعلي جكاره اخذت نفس وطلعت الدخان 

خاتون : يالله مبين حضرتك مطول بالكعده منين هالسياره والحمايه واللبس شنو صرت شيخ عشيره اخر شي سمعته عنك بعت بيت اهلك ورحت لغير محافظه اكلت حقوق اخوانك

مسعود : خليج بالوقت الحالي اني هسة عندي منظمه تابعه لحزب فلاني 
واموري ماشيه تمام

خاتون : نفس الكلام اللي كلته قبل شويه حرامي شتريد

مسعود : مقبوله منج عسل على كلبي رايدج بالحلال صح متزوج ٣ بس نفسي بيج لاخر العمر وانتي مثل ماوصلني الكلام بعدج على العهد متكدرين تتزوجين عينج مني

خاتون : ياجذاب موصلك هالكلام حتى اخلي اصبعي بعينه

مسعود : رقية زوجة عزيز جانت يمي قبل فتره بالمكتب تريدني اعين ابنها مو اسمه حسيب لو اني غلطان

خاتون : اي حسيب حسبي الله عليك وعليها وغلطان اجيت للعنوان اني من زمان رديتك هسه بعد هالعمر اخذ واحد مثلك

مسعود : شبيه مال جمال

خاتون : واخلاق ماكو الحمدالله والشكر ناس تدورعلى الاشياء اللي فاقدتها يم غيرها كمت وكفت انتهى الكلام لا اريد اعرفك ولا تعرفني ورقية حسابها بعدين وحسيب مو بحاجة للشغل ابوه عنده شركه