فرحه

فرحه والكرونا

ادهم. فرحتى فروحه فروحتى انتى فين
فرحه. انا فى المطبخ ياقلبى.
طلعت فرحه من المطبخ وفى ايدها مغرفه بتقلب بيها الاكل  وقالت
فرحه. حبيبى حمدلا على سلامتك
ادهم وهو بيبوس جبينها وخدها  الله يسلمك يا قلبى  بتعملى ايه
فرحه بحضرلك الغداء يلا ادخل خد شور. وانا ححضر السفره
ادهم   احم طاب متيجى تغسليلى شعرى اصلى بخاف من الصابون 
فرحه.  ههههه لا ياخويا  خد شورك وحدك  يلا بلاش قله حيا
ادهم يابت قله حيا ايه. دانا والله بتكلم لمصلحتك. وغمزلها بعينه
فرحه وهيا بتحرك المغرفه. بتهديد   لا متشكرين عارفه مصلحتى كويس اتفضل على الحمام
بعتلها ادهم بوسه فى الهواء وهو بيقولها انتى الخسرانه 
فرحه انا عايزه اخسر ملكش دعوه انت.
خلص ادهم الشور بتاعه. وفى الوقت داه  حضرت فرحه السفره  وقعدو بتغدو سواء. فى جو من الحب والضحك وتلميحات ادهم السافله.
ادهم تسلم ايدك. يا حبيبتى. الاكل تحفه
فرحه بلهنا ياقلبى 
ادهم  اه صحيح. خالى محمد اتصل عايزنا نقعد عندهم اسبوع. ايه رائيك.
فرحه. لا بلاش البلد  مش امان دلوقتى وحكايه الفيرس دى. مخوفانى خلينا هنا عشان بيقولو التجمعات غلط.  وانت عارف عيله خالك محمد فيها اكتر من اربعين بنى ادم.
ادهم حبيبى سبيها على الله وطول مبنعمل احتياطتنا خلاص مفيش قلق
فرحه لا يا ادهم انا خايفه خلينا هنا احسن وابقى قوله انى تعبانه ولا حاجه
ادهم.  اممم خايفه من الكرونا ولا من الصحيان بدرى وشغل البيت اللى الحجه فاطمه بتجبرك تعمليه ولو معملتهوش تنضربى
  فرحه لا شغل بيت ايه بس من الكرونا طبعا  
فلاش باك
الحجه فاطمه. واه مالك يافرحه ضعيفه اكده ليه
فرحه ابدا يا حجه انا تمام اهو
الحجه فاطمه لا تمام ايه انتى لازمك شويه تمارين سريعه عشان جوزك يرضى عنك ويحبك زياده 
فرحه بجد ماشى  وكانت التمارين عباره عن
كنس البيت كله اربع ادوار اربع مرات يوميا  مسح البيت كله نفس الاربع ادوار مرتين يوميا  طبخ  عجل كامل بمشتقاته خبيز 50كيلو عيش  باك   

ادهم خلاص براحتك ولو. انو. قالى اقولك انو. عاملك  المحشى والبط والفطير  اللى بتحبيهم. وكمان جنينه المانجا طرحت  بس مش مشكله  حقوله مش حنقدر  عشان انتى تعبانه
فرحه. نطت من مكانها مين دى اللى تعبانه انت بتفول عليا يا ادهم انا زى الفل. تعرف انا حشتكيك لخالك محمد
ادهم الله مش قولتى مش رايحه
فرحه اناااااااا. امتى محصلش
ادهم والكرونا 
فرحه داه مرض زى اى مرض يا راجل متكبر ش الموضوع
ادهم والتجمعات الغلط
فرحه تجمعات ايه اللى غلط الحكومه دى عايزه تفرق  شم نمل الاسره  😂
(لم شمل الاسره )
ضحك ادهم وقالها ماشى يا لمضه حضرى نفسك حنسافر بكره.
فرحه ببسمه جياااااااالك يا مانجا  قصدى يا خالى   واذا كان على الحجه فاطمه حتصرف 😈
وفعلا تانى يوم سافر  ادهم وفرحه. على بيت خال ادهم الكبير. وبنظره سريعه. كده. خال ادهم محمد. متجوز من الحجه  فاطمه. عندو تلت ولاد.
يوسف ومراته. ريم
يحيى مراته  رباب
  اكرم  مراته    اميره 
دخل ادهم وفرحه وبعد السلامات والاحضان  والترحيب المعتاد من الحج محمد. والحجه فاطمه وولادهم  
قعدت فرحه مع رباب وريم واميره  بتتونس كا العاده
فرحه عاملين ايه يابنات وحشينى والله
رباب. هتشى. تمام الحمد لله
اميره. احنا زى الكح كح كح فل يا حبيبتى 
ريم اخبارك انتى ايه. يا فرحه معكيش قرص اسبرين الصداع حيموتنى  
فرحه فى نفسها هتشى وكح. وصداع   بلعت فرحه ريقها وقالت استر يارب 
فى الوقت داه كان ادهم قاعد مع خاله.وولاده  وبيضحكو على فرحه وعمايلها فى الغداء. وازاى طلبت تاكل مانجا مع الفراخ. واللحمه
الحج محمد. مرتك فرفوشه قوى يا ادهم. بت ناس طيبين وبتخبك حافظ عليها
ادهم بخب فرحه فى عنيا وقلبى.  يا خال انت بتوصينى على نفسى.  وفجاه سمعو صوت فرحه. وهيا بتصوت. جريو عليها لقيوها. قاعده فى الارض والبنات حواليها  وهيا  بتقول انا قولت انا قولت بلاااأش بس طفاستك هيا اللى جابانا هنا
ادهم بذهول طفاستى انا  ؟؟؟؟!!!!!!!!!!!!!!!!!!!!!!!!!!!!!!!!!!!
فرحه ايوووووه انت.
الحج محمد. مالك يابتى فيكى ايه
الحجه فاطمه مالك يا ضنايا فيكى ايه.
الشباب بصو لمرتاتهم. على اساس يقولولهم فى ايه
والبنلت بصو لبعض وبصو لجوازهم ورفعو كتفهم بمعنى منعرفش 
يوسف مالها فرحه ياريم
ريم والله ياخويا معرف
يحيى. واه حصل ايه لبت الناس يا رباب
رباب وغلاوتك يا خويا معرف
اكرم. قولى انتى يا اميره  حصل ايه
اميره. والله منعرف احنا كنا قاعدين بنحكى. ومره وحده صوتت
ادهم وهو بيحضن فرحه مالك يا قلبى فى ايه
فرحه بدموع. البنات عندهم كرونا وعدوونى
اعااااااااااااااااااا يا صغيره على الموت يالووزه. اعاااااااااااااااااااا يا ميته ونفسك فى المنجا يا. فرحه.  اعاااااااااااااا مكنش يومك يا فرحه. كنتى طيبه. كنتى بنت حلال. اعااااااااااااااا مش كده يا خالتى فاطمه مش انا طيبه. مش كده يا حج محمد مش انا بنت حلال
الجميع بذهول  هزو راسهم وهما ساكتين
فرحه بخوف انتو ساكتين ليه انا شكلى لتغير انا اصفريت صح.
لا يا ادهم متبصش انا بقيت وحشه 
ادهم. بذهول لا يا حبيبتى انتى حلوه
قامت  فرحه عشان تدخل اوضتها. وهيا لسه بتولول. وتعدد على نفسها.
فرحه  اعاااااااا يا صغيره يا حلوه يا اموره. كنتى موزه يا انا.   كان مستخبيلك فين داه كله. وفضلت كده لحد موصلت للاوضه
ادهم بذهول حد فاهم حاجه
الكل. لا 
ادهم. انا شكلى لبست فى وحده هبله
الحج محمد شوف يا ابنى انت من ناحيه لبست فانت لبست ربنا معاك. 
الحجه فاطمه. ويعينك  
فضلو يفهمو فى فرحه انهم سلام ومفهمش حاجه بس هيا. ابدا مش راضيه تقتنع   وبتقول انها اتضابت ووخداها حجه بقا ودلع ونوم على السرير علاطول  غير .   مثلا. يجبولها الغداء فراخ تقول عايزه لحمه  يجبولها لحمه وفراخ وسمك ورومى مع بعض وهيا تختار اصلها عيانه    ادهم يفضل حاضنها الليل كله  وميسبهاش ثانيه. ولو سابها عشان ياخد شور مثلا تقوله انا عيانه وبموت
وفى يوم ادهم زهق من الحكايه. فقرر انو يخلصها بطريقتو 
دخل ادهم الاوضه على فرحه لقيها حتتغدى. بص باستغراب وقال ايه داه
لحمه وفراخ بس فين الرومى والسمك والفليه  فين المشاوى والمحمر والمحاشى لا لا الناس دى مش عايزينك تخفى. يا فروحتى
فرحه وهيا بتاكل اه فعلا. بس لا حرام هما تعبانين برضو
ادهم بس مبيدلعوش زيك
فرحه هما متعودين على كده. انما انا لا. انا تعبااااانه
ادهم وعشان كده انا جبتلك الدواء. اتفضل يا دكتور.
فرحه بخضه دكتور. دكتور ايه داه
ادهم دكتور كرونا  يا روحى ميخلصنيش انك تفضلى تعبانه كده كتير.
فرحه. دكتور كرونا هو فى دكتور كده
ادهم اه يا روحى فى. اتفضل يا دكتور اكشف.
كشف عليها الدكتور. وقال
فعلا المدام حالتها صعبه جدا  لازم تتجز فى المستشفى.
فرحه بخضه. ايه حالتى صعبه.  وفى نفسها ينهار اسود. هو. الهزار حيقلب ولا ايه لا انا كنت بشتغلهم. يارب بلاش تعاقبنى كده
ادهم شوف الازم يا دمتور واعمله طلع الدكتور حقنه كبيره جدا وقال حيديهالها
صرخت فرحه وقالت لا لا. انا كويسه انا كنت بهزر. 
ادهم بتهزرى ايه يا حببتى هو فى هزار فى المرض
فرحه ايوه انا كنت بهزر عشان معملش حاجه فى البيت. ومضربش من الحجه فاطمه. صوابعها بتعلم فى ودنى يا ادهم يرضيك
ادهم. اه يرضينى. عشان لما تعملى مريضه بمرض ذى داه عشان تهربى من شغل البيت. يبقى يرضينى
لما. تهزرى فى ابتلاء ربنا باعته لعباده يبقى يرضينى
لما تخوفينا عليكى. ومتحسيش بقهره قلبنا عليكى يبقى يرضينى
لما تبقى عارفه ان المرض داه بيموت وتهزرى فيه يبقى يرضينى يا خساره يا فرحه.
فرحه ببكاء والله مكنت اقصد كل داه انا اسفه
وهنا دخلت الحجه فاطمه. وقالتلو سيبهالى  انا  وانا اخليك ترضى عنها
فرحه بصريخ لاااااااااااااااااااااااااا