فقرة مختلفة لأبطال الرواية..مين البطل اللي تحب انك تقابله وتتكلم ومعاه؟ وايه سؤالك ليه؟
أول سؤال معانا كان سؤال شيماء الكومنت بتاعها:
"أحب أقابل نماذج ع ارض الواقع زي عمار خصوصا في حته صبره علي فرح و تمسكه بيها 😅🖤
سؤال عمار .. (ليه كنت شايف ان فرح تستاهل كل المعافره ديه !؟ )"
..نسمع اجابة بطلنا بقي /
عمار بص لشيماء باستغراب: اشمعني السؤال دا بالذات يعني
شيماء رفعت حاجبها: عادي يعني.. بس مجرد سؤال بما اني متابعة حكايتك أنت وفرح من البداية.. يعني رفضها ليك كان واضح وصريح.. ليه تستني عليها كل دا.. مع انها مبينتش في مرة قبولك حتيج
عمار اتنهد: بصي إجابة زي دي متتسئلش أساسا.. بس بما انك حابة تسمعيها حاول أبسطلك الموضوع.. أنتي لو شايفة طريق في بدايته شجرة فيها مثلا تفاحة واحدة وأنتي جعانة وهتموتي.. بس لو كلتي التفاحة دي مش هتشبعك واحتمال تموتي من الجوع وطريق تاني مليان شوك وفحم ملتهب من النار بس في أخره جنينة بحالها قادرة تداوي جروحك من المشي في الطريق دا وكل الأذي اللي اتعرضتله في حياتك هتختاري ايه؟؟
شيماء: إجابتك فلسفية ومش مبسطة نهائي ولا مختصرة.. بس ماتفهمنيش ان فرح الطريق المؤذي اللي في أخره جنينة؟؟.. مش راكبة أصلا!!
عمار ابتسم: بصي يا أنسة أنتي أنا واحد اتولد بين أب وأم علاقتهم ناشئة علي المودة والحب.. اتبليت بأمراض ووجع كتير وياعالم لسه هبتلي بردو.. فاتعودت علي مستوي معين من المحبة مستحيل أتنازل عنها.. اه مكانش في دماغي الجواز والعيلة بس مامنعش ان حتة جوايا كان نفسي اني ألاقي حد أكمل حياتي معاه.. كنت عايز واحدة زي أمي مديحة الله يرحمها.. مش شرط أحبها في البداية.. بس دي حاجة أساسية تلبي رغباتي ومطالبي.. أنا أكيد مكنتش هعيش راهب يعني!!
شيماء: لاء ثواني أنت قلت واحدة تلبي رغباتك ومطالبك ودا بينفي فرح أساسا.. فرح هي اه متعلمة وعلي أخلاق بس مش الجمال اللي يخليك تجري وراه وتفضل صابر عليها كل دا!!
عمار ضحك: أنتي فهمتي رغبات ايه.. لو علي الرغبات دي فالبنات الحلوة كتير.. والعرفي مفيش أكتر منه.. فرح نفسها طويل.. ايوا نفسها طويل ولو حبت حد بتديله حياتها كلها
شيماء: ايه اللي أثبتلك دا مع اني فاكرة كويس انك قلتلها ان معرفتك ليها كانت رسمية أو صالونات بمعني أصح
عمار: توفيق كان بيحكي عن عم محمود وعياله.. ومنهم فرح.. كان بيقولي ان عم محمود كان بيحب فرح جدا لأنها البكرية.. وهي كمان بتحبه لدرجة انها كرست حياتها انها تحققله حلمه في حياته.. مش بنات كتير اللي يعملو كدا.. وانها بردو بتنفذله أي طلب يعني بتسمعله جدا!!.. ومن هنا بدأ تفكيري.. شفتها مرات خفيفة وأول لقي بينا كان في المستشفي.. انتي متتخيليش أنا كنت بموت وقتها ازاي.. بس أول ماشفتها عن قرب اتلخبط جدا.. دكتورة وجراحة ومع ذالك مشاعرها مامتتتش.. كان بتبكي علي بكي اللي حواليها.. يعني قلبها مليان حنية وشعور.. ساعتها حسيت اني معنديش مانع اني أتعري بمشاعري قدام إنسانة كدا.. ووقعت بعدها.. أه كان نفسي تبقي زي أمي مديحة هادية وعاقلة بس لقيتها بتناكفني وش لوش.. حسيت وقتها بالتغيير في حياتي.. يوم ماقرينا الفاتحة ومع استعجالها وكلامها معايا زي الوبور كنت ناوي أفسخ الخطوبة اللي ماتعملتش.. بس افتكرت جملة توفيق •أنت حاربت عشان تعيش..فحارب عشان تلاقي اللي تعيش ليه•..بعدها جربت أحارب..
شيماء كشرت:بردو كملت ليه بالنسبة ليا العلاقة دي كانت مرهقة جدا
عمار:شكلك محضرتيش حكايتنا قبل الجواز..مشفتيش وقفتها جمب صحابها..مشفتيهاش وهي بتشيل مسؤليىة تلت أطفال لمجرد ان أمهم صاحبتها..مشفتيش فرحتها بالولاد..ساعتها حبي ليها بدأ يكبر جوا قلبي..خجلها اللي مابشفهوش غير وهي في حضني..عمليتها في شغلها وتفوقها فيه دا كفاية ياستي انها صبرت انها توصل لدكتوراة وماجستير غير سبع سنين طب ودا كله لأنها عايزة تحقق حلم حد بتحبه..هزارها مع اخواتها ومع توفيق..حنيتها مع الولاد..دا كله يكفي وزيادة اني أحارب انها تكون مراتي وبتاعتي أنا بس
شيماء:بس مايمكن اجتهادها في دراستها هدف وحبت توصله عشان يبقي ليها مكانة واسم في المجال
عمار:تؤتؤ مش بالسرعة والإخلاص دا..متحاوليش كل اللي هقولهولك ان فرح فرقت في حياتي سواء دلوقتي ولا بعدين..هي فرقت!!
#FarahElDesoky
#اسئل_بطل
هجاوب كل يوم علي سؤالين في مشهد شبه دا وهعرضهم كلهم..الفقرة متاحة للكل..سؤالك في كومنت أو علي الخاص..
في حفظ الله 💜
![](https://img.wattpad.com/cover/230802280-288-k900839.jpg)