_ مهجتى 🌺
°الجزء الثانى•
💤 خلف الكواليس💤
#ح4
" كان ينتظر زميله بفارغ الصبر والملل يبدو على وجهه 😶 اتصل به للمرة الخامسة على التوالى ولم يجب والوقت يمضى فقرر اخيرا ان يتركه وينطلق لوحده "
وبينما كان يتجه نحو البوابة راى مديره فى العمل "علاء"...
علاء : اححم خالد انت ماشى وين!
خالد : محمود دا اتأخر وانا خلاص ح امشى المطار
علاء : لكن محمود دا منتظرك فى المطار ليه ربع ساعة
خالد : لكن كيف ؟ هسى انا من قبيل بضرب ليه وهو م عايز يرد
علاء : خلاص انا ح اتكلم معاه فى الموضوع دا بعدين هسى انت امشى واكسب الوقت
خالد : خلاص طيب... بس لكن انت جهزت الحاجات الانا طلبتها منك ؟!
علاء : اى طبعا
خالد : خلاص تمام يلا انا ماشى
( خالد اتحرك وحاول يصل سرعة و المطار اصلا قريب من مركز المخابرات ف المهم نص ساعة بس ووصل)
طبعا اكتر حاجة غاظته انه لقى محمود منتظره هناك وكمان قاعد فى كرسى وخالف رجله و بشرب فى سجارة.😹
خالد : محمود.🙂💔
محمود : يخ انت كنت وين انا منتظرك من قبيل
خالد : هه منتظرنى!!! 🙂 انا بضرب ليك من قبيل لى م رديت
محمود : تلفوتى عامله سايلنت 😇
خالد : وطيب انت لى م فكرت تضرب وتورى الحمار المنتظرك دا انك مشيت المطار ؟! 🙂
محمود : خاااااالد م تبقى ذى النسوان يخ كلامك دا كتير كدا لى.
خالد : انا ذى النسوان.
محمود : اخخخ انا كلامك دا خليه لبعدين هسى نحن فى مهمة واحسن نستغل وقتنا.
خالد : اخيرا بديت تفكر
طبعا محمود كان قاعد وخالد واقف وبتكلم معاه... المهم محمود قام من الكرسى والاتنين اتجهوا على قاعة الانتظار
محمود "وهو يهمس": جهزت اى شى صح
خالد : اى طبعا
محمود : خلاص تمام
〰〰〰〰〰〰〰〰〰〰〰〰〰〰〰〰〰〰〰〰〰
فتح الباب ببطء وكانت المفاجأة ... لقد كان احد معارف "عثمان"
عثمان : يخ خوفتنا الله يأخذك 😑
_ كان لازم اعمل كدا عشان اعرف انتوا ح تكونوا جاهزين لو حصلت. حاجة ذى دى.
عثمان : يخ انت مالك ومالنا هسى خربت شغلى كله وموعد الطيارة قرب وانا م انجزت اى شى
_ طيب هسى منتظر شنو امشى كمل شغلك
عثمان : يخ هم اربع لعبات وانا جهزت اتنين بس
_ ومن امبارح كنت بتعمل فى شنو
عثمان : يخ اسكت خلينى اكمل شغلى
ومصطفى اكتفى بأنه رجع قعد فى الكنبة جنب فؤاد وولع سجارة تانية
عثمان : يخ السجارة دى خليها يا مصطفى ولدك دا جنبك وكمان نايم
مصطفى : بمعنى ؟!
عثمان : م حصل سمعت بحاجة اسمها التدخين السلبى 😃 ( الناس البسجروا فى المصعد كيفكم.🙂💔)
مصطفى : عثماااااان اسسسسسكتتت وكمل شغللك
عثمان : خلاص فهمت
عم الصمت لبضع دقائق
مصطفى : عثمان لسة م خلصت
عثمان : يخ الموضوع طلع صعب
مصطفى : هسى انت عملت كم لعبة
عثمان : ثلاثة بس
مصطفى: طيب اللعبة الرابعة خليها
عثمان : لالالا لازم توصل الكمية كلها
مصطفى : طيب الباقى خته فى الشنطة حقت فؤاد ساى
عثمان : لكن دى مخاطرة وانت عارف
مصطفى : يخ لو دخلونى السجن انت ح تضرر شنو اعمل البقوله ليك وخلاص
عثمان : براحتك 🙇
مصطفى : يلا جهزه سرعة عشان اتحرك
عثمان : ادينى خمس دقايق بسسس 😉
