#عشيقتي -بالقمار 🎲 🎰

الحلقة {62}

عدت يدها على وجها ..ورجعت وقفت تدور في عينيها .. جات فكرة في راسها علاه ماتبقاش تفتش ممكن تلقى حاجة تبتزه بيها وتهده كيما عامل هو فيها ... الفكرة وحدها خلت وجها يفرح وتتبسم بخبث .. هزت روحها وطلعت لفوق اول شي لغرفته قلبتها كامل ... حتى تحت سرير شافت .. نفخت ومشات حلت لخزانة نتاعه قلبتها مالقات والو من غير ثيابه وشوي غراض مشي مهمين ...
خرجت من لغرفة هذيك ومشات لغيرها وبقات على لحالة هذيك من غرفة لختها حتى فقدت الامل ... نفخت وقعدت وسط دار مكفلة في لرض وضامة روحها بيديها للزوج ...
_بيلسان: دوك واش ندير انا في هذي دار وحدي ... بقيت كلغولة ندور فيها ...
رجعت هبطت للكوزينة وكملت كلات واش بقى ... ووقت حست بتعب قعدت فلصالون ... شعلت تيفي وحطت راسها حتى داتها عينها ورقدت
#نورااا
لوقت هذاك كريم كان تحت قاعد فلجنينة على طاولة كبيرة ... هاز لجريدة في يده يقرا فيها ويشرب في قهوته ...
دور عينيه جيهة لباب لقاه وصل .. كمل ركز عينيه فلجريدة ...
_اسد: صباح لخير ...
_كريم: صباح نور ... اقعد شرب قهوة معايا ..
جبد اسد لكرسي وقعد ...
جات وحدة ملخادمات صبتله كاس قهوة وحطاته قدامه ...
_كريم: هيه ..واش خممت ..
_اسد: في اي موضوع ...
_كريم: موضوعك نتا ومرتك ...
_اسد: علاه لموضوع هذا كبير باش نحكو فيه ...
_كريم: وجدولكم لغرفة لي لفوق جيبها ورواح هذا أامن مكان ليكم ...
_سكت اسد وبقى يترشف في قهوته يطلع فلموضوع في راسه ...
_اسد: راح نمشي ... لعشية نجو مع بعض ...
_نجاح كانت لفوق واقفة تخزر ليهم من شباك ... دخلت في اكتئاب بعد لي صرا .. خلاها غالقة على روحها بين ربع حيوط ... اما وقت عرفت انو بوها قرر يجيب اسد يعيش معاهم رجعت فيها روح ...
الوقت هذاك بيلسان كانت فاقت حكت عينيها ومشات شربت كاس ما .. وبقات تدور وقت سمعت صوت جاي من تحت .. اول شي ترعبت حست انو كاين حاجة مشي عادية ... رجع صوت من جديد .. قربت من دروج لي يوصلو للقبو ...
_بيلسان: شكون هنا ..

جبد روحه منها حط راسه على راسها ... لحال بارد اما تحسهم دافيين مع بعض وماحاسين على شي ... صكرت عينيها وبقات تسمع في صوت انفاسه ...
_بيلسان: واش قاعد يصرا بينا ... علاه ننسى كل شي ونضعف اول ماتقرب مني ... علاه قوتي تمشي وقت نتقابل انا وياك ...
_متجاوبهاش شدلها يدها شبكها مع يده ومشى بيها جيهة مينا صغير ... تمشي وهازة طالون نتاعها في يديها تبع فيه مش عارفة وين تكمل قصتها معاه ... تنهدت وبقات تشوف فيه من ورا ...
_بيلسان: اسد ..
تلفت شاف فيها ...
_اسد: واش صرااا ...
_بيلسان: تعبت ...
حرك راسه ورجع قرب هزها بين يديه ... دورت يدها على رقبتها وبقات تشوف فيه ...
_بيلسان: عرفت صح كيفاه تأثر فيا ... فكرة لبحر جابت نتيجة ... شكون غيري جبتها هنا ..
_سكت ورجع نطق ..
_اسد: حتى وحدة ...
_بيلسان: يعني انا اول وحدة ...
هزلها راسه ..
_بيلسان: وقت تحب تأثر على شي وحدة فلمستقبل جيبها لهنا ...
_اسد: اذا بقيت عايش لهذاك لوقت راح نجيبها ...
ماركزتش مع كلامه ... حطت راسها على صدره وصكرت عينيها ...
وصل للمينا هذاك وبقى واقف يستنى ... حتى شاف ليخت قاعد يقرب جيهتهم  ... حلت عينيها دور في راسها ...
_بيلسان : نزلني ...
نزلها لامسو رجليها لرض ...وضربت نسما باردة لعبت بشعرها ... دور راسه يشوف ليها ورجع حس بقلبه يضرب من جديد ... رجع خطوة لورا وحل زرار قميصه ... هذي ثاني مرة ...وللمرة ثانية يحس انو كاين حاجة تربط فيه بيها ... مش قادر يفسرها ولا يحلها ... عدى يده على شعره وقرب منها ...
_اسد: هيا ...
_بيلسان: وين
_اسد: مش حابة تشوفي حاجات جدد ... وتحسي بكل شي تخيلتيه ...
حلت عينيها تشوف فيه ...
_بيلسان: راح نركبو في هذا ... من وين جاك ... واش اذا صاحبه جانا ...
ضيق عينيه فيها لغباءها ..
_اسد: اذا انا مولاه حاب نركبك فيه شكون راح يجيك ...
_بيلسان: كيفاه تاعك ... هذا نبيع روحي ومانجيبش حقه ..
_اسد: صح نسيت انك تسوي 10 ملاين ...
_بيلسان: كلب ...
_اسد: اسد ...
_بيلسان: بلنسبة ليا كلب وحمار وكامل شغلات لي مشي مليحة كيفاه هذي نسوى 10 ملاين ..
_اسد: خاطر قلتهالك قبل نتي مشي نتاع 10 ملاين اما نتي راسك يابس وفارغ ماتفهميش ...
دورت راسها منه ... مشى قدامها راح يطلع فلسلالم لي يوصلو لليخت ..
_اسد: هيا ...
قلبت عينيها وهزت روحها وراه ركب ومدلها يده ركبت ... اول ماحطو رجليها على ليخت تحرك ... رجعت كبشت فيه ...
_بيلسان: خايفة ... واش اذا غرقنا ... خليني نتحقق من نوعية الخشب ...
رجعت لبست الكعب نتاعها ورجعت تضرب فلرض برجليها ...
بقى هاز حواجبه مركز معاها مش فاهم اذا صح هي هاك ولا واش ...
_اسد: منك صح قاعدة تضربي فيه برجليك ... كون جات نوعيته مشي مليحة مانقدروش نركبو ولا نبقو واقفين عليه ...
_بيلسان: هيه ووين رايحين ...
مشى شدها من يدها وطلع بيها لفوق عارفها ماراحش تسكت اذا بقى يجاوب فيها ...