On board.
"Sorry talaga Aes."
"Ayos lang 'yon kuya Aeb, wala akong magagawa, 'ganon na talaga si Dad saakin, pero kuya malaki na naman na kasi ako, kaya ko na ang sarili ko, ayoko na ngayon niya pa ako ginagawang bata kung kailan lumaki ako na wala yung loob niya saakin."
Nakasakay na ako sa sasakyan ni kuya Aeb na papuntang Miontè dahil walang maghahatid saakin matapos kong tanggihan at ipagpilitan kay Dad na hindi ko kailangan ng driver na maghahatid saakin.
"Alam ko naman 'yun Aes, nagulat lang din ako ng sumagot kana kay Dad kanina."
"Kuya, hindi ko gustong sumagot at alam mo 'yan, pero ayoko naman na habang buhay niya nalang akong ta-tratuhin na 'ganon, hindi dahil lumaki ako kaya ako nakakapagsalita sa kaniya, sinagot ko siya kasi nasa katwiran ako, malaki na ako at alam ko na ang mga gusto at ayaw ko, maging ang tama at mali."
"Wag ka mag-alala, kakausapin ko parin si Dad, para maging maayos na kayo."
"Alam mo kuya, kung ayos lang kay Mom na hindi ako babalik sa mansiyon hindi talaga ako babalik, kasi 'nandon palagi ang pangamba ko na masisilip at masisilip ni Dad ang lahat ng mga galaw at mga ginagawa ko."
"Hayaan mona, wag kanang umalis para makasama ka naman namin, magiging maayos din kayo ni Dad, kakausapin ko din si Mom." Marahang sabi ni kuya Aeb.
Sana nga maging maayos, pero hindi ko nakikita ang pag asang maaayos pa kami ni Dad, dahil kahit kailan hindi ko nakikita na matatanggap niya ako kung sino ako at kung sino talaga ang bunsong anak niya.
Hindi ko naman talaga gustong sagutin si Dad kanina, pero hindi kona din mapigilan ang sarili ko dahil pinagdidiinan na niyang mali ako sa mga gusto ko at mali ako sa lahat ng mga nagiging desisyon ko.
May mga bagay na nagiging mali dahil 'yon ang ipinapasok nila sa utak nila, pero ang totoong mali talaga ay ang pag-iisip nila ng mga bagay-bagay na hindi manlang inaalam ang totoong nangyayari na taliwas naman sa mga kathang isip nila.
Kaya rin gusto ni Dad na may maghahatid sundo saakin sa school ay para malaman at malimitahan niya ang mga bagay na nangyayari saamin ni Geno, bagay naman na kahit malaman niya ay hindi ko ititigil.
"Oh anong iniisip mo?" Takang tanong ni kuya Aeb ng mapansin niyang natahimik na ako.
"Wala naman kuya, iniisip ko lang din kasi kung paano ako makakapasok ng school araw-araw e wala naman akong sasakyan at mahirap ang biyahe papuntang school galing mansiyon." Sabi ko habang tanaw tanaw kona ang malaking logo ng Miontè.
"Osige, ganito nalang, since hindi naman kita palagi maihahatid dahil may trabaho ako, ikaw nalang ang gumamit ng sasakyan na 'to, may isa pa naman akong sasakyan 'yun nalang ang saakin." Nakangiting sabi ni kuya Aeb.
"Talaga? Salamat kuya!"
"Wala 'yun, marunong ka naman na mag drive diba?" Tanong niya at pag tango ko naman bilang tugon.
"Salamat kuya Aeb sa pag hatid." Paalam ko ng huminto na ang sasakyan sa tapat ng Miontè.
"Tawagan ko nalang si Luke para ihatid ka niya sa mansiyon mamaya pag-uwi mo, alam kong gabi ka uuwi at delikado pag nag commute ka." Sabi niya at pagtango ko ulit saka bumaba ng sasakyan.
Nakaalis na si kuya Aeb at sinimulan ko na ding maglakad papasok ng gate ng Miontè.
Ii-swipe ko palang sana ang ID ko sa ID swipe machine ng school ng mapansin ko naman ang likod ng ID ko na parang may maliit na papel na may nakasulat na kung ano.
"Don't dare me!"
Bigla ko nalang naisip si Geno at naalala ang mga panahon na kinuha niya saakin 'tong ID ko at ginamit pa para ipang black mail saakin.
Talagang may pag babanta pa siyang nalalaman, nakakatawa lang.
Kamusta na kaya 'yun? Hindi na siya nagreply simula nung nireplyan ko yung text niya na naihatid na daw niya si Lia sa bahay nito at nakauwi na daw siya ng dorm niya noong galing kami sa ospital.
"Huy Aes!" Narinig kong tawag saakin ng sa tingin ko ay si Jenny dahil sa lakas ng pagakakatawag niya.
Lumingon na ako sa likod ko. At hindi nga ako nagkamaling siya nga 'yon na may malapad pang ngiti at natakbo pa papunta sa kinatatayuan ko.
"Kamusta kana? Yung pakiramdam mo?" Alalang tanong niya. Napaka over reacting talaga.
"Okay lang ako, ayos na ako, ikaw?" Balik kong tanong.
"Ayos lang, mabuti nga at hindi ako nagkasakit katulad mo, malakas kasi ang immune system ko." Natatawang sabi niya.
"So sinasabi mo na mahina ang immune system ko?"
"Hindi naman!" Patawang sabi niya.
"Anyways, may gusto kasi akong sabihin sa 'yo, gusto ko na sana sabihin sa 'yo nung nasa ospital pa tayo kaso baka naman makadagdag pa sa iniisip mo!" Sabi niya.
"Nakakakaba ka, ano ba yun?"
"Doon na tayo sa Quadrangle, maaga pa naman atsaka balita ko wala tayong first subject!" Masayang sabi niya. Napaka tamad talaga.
"O anong sasabihin mo?" Tanong ko ulit ng makaupo na kami sa batong upuan dito sa Quadrangle.
"Ayun na nga, siyempre hindi padin nawawala ang amoy ko kay Lia, so 'yon sinubukan kong puntahan si Lia sa kwarto niya nung nasa Ospital pa kayo tapos---"
"Oh boss ito na pagkain mo." Biglang singit na sabi ni Jayson sabay abot ng pagkain kay Jenny.
"Pabigla-bigla ka naman, ilagay mo jan, tapos umalis kana, tandaan mo may kasalanan ka pa sakin!" Mariing sabi niya kay Jayson. Umalis naman agad si Jayson na kumakamot pa sa ulo.
"Oh ano na?" May pagmamadaling sabi ko. Nauusisa na kasi ako sa kwento niya lalo pa at tungkol kay Lia na sa palagay ko pa ay kasama si Geno.
"Eto na nga, pagsilip ko sa salamin ng pintuan ng kwarto ni Lia nakitang kong hinalikan ni Geno si Lia!"
"Ano?"
"Oo Aes, kitang kita ng dalawang mata ko, hinalikan ni Geno si Lia!"
"Teka nga lang Jenny, ayan ka nanaman e, baka naman mali ka lang ng nakita, baka namalikmata ka, saan ba hinalikan? Baka naman hindi si Geno 'yun?"
"Anong hindi? Kitang kita ko nga e!"
"O saan nga hinalikan?"
"Sa noo lang naman." Nakangising sabi niya.
"Para kang sira, sa noo lang naman pala!"
"Ikaw ang sira, sa tingin mo anong dahilan bakit kailangan pa niyang halikan miski sa noo si Lia huh?" Mariing sabi niya.
Sabagay, bakit nga naman? Dahil ba sa may sakit si Lia? O dahil parin ba sa pagkakaibigan nila?
"Hindi ko alam, pero baka dahil nagising na si Lia ng mga oras na 'yon, baka pagkagising ni Lia nagulat siya tapos hinalikan niya sa noo, atsaka sa noo lang naman e, wala namang masama doon, atsaka sino ba naman ako Jenny? Wala naman akong karapatan para kwestiyonin si Geno sa ginawa niyang 'yon!"
