YAWON SALLR HJY IYA Complete

43-44

👠👠
*YAWON* *SALLAR* *HAJIYA* *IYA*
( _A hanyar lamba_) 👜👜
       _4/8/2020_

*Written by*:- _Ameera Adam_
    _AmeeraAdam60_
*@wattpad*

*HADAKA WRITER'S ASSOCIATION*
_Home_ _of_ _co-opration_, _peace_ _caring_ _and_ _accepting_ _of_ _correction_ _among_ _us_✍🏼

*BISMILLAHIR* *RAHAMANIR* *RAHEEM*

                43&44

Yana shiga motar hjy iya ta fara cewa, " habibu wai me kaje yi ofishin yan sanda ka shafe lokaci muna cikin mota azaune muna jiranka, wadanne mutane ne naga ka fito dasu laifun me sukayi ?  "

Murmushi yayi wa hjy iya yace, " Allah ya taimaki hjy iya mu dan karasa gida mana sai inyi miki bayani"

" To shikenan Allah ya kaimu lafiya " hjy iya ta fada.

Tafiya suke yi me adaidaita sahun yana biye dasu har sukaje unguwar gyadi-gyadi, abakin gate Alh habibu ya tsaya ya fito ya sallami me dan sahu, horn yayi megadi ya bude bayan ya shiga cikin gidan su sarari suka rufa masa baya, me gadi ya bawa umarnin akai su sarari suyi wanka kuma su basu kaya su canja, su kuma aika abasu abinci.

Iyalan gidan Alh habibu gaba daya sun hallara agidan, wannan gayawa wannan shima ya gayawa wannan, gidan cike yake da yara da manya kowa jiran karasowar hjy iya yakeyi, suna zaune a babban falo sukaji alamun shigowar motar Alh habibu, hjy iya ce ta taka ta fito daga motar kafin kace kwabo gaba daya iyalan gidan suka fito cikin murna suna ambatar sunan hjy iya, zuwa sukayi gaba daya suka zagaye ta suna ihun murna.

   Alh habibu ne ya katse su yace,  " kai kuyi mata ahankali fa kar ku kadamun tsohuwa "

Dariya suka sa lokaci daya suka ciccibeta sukayi falo da ita, hjy iya murna ce ta kamata ganin irin farin cikin da iyalan gidan habibu suke ciki, bayan sunje falo suka zaunar da hjy iya a kujera falon ya cika makil, kallansu ta farayi daya bayan daya cikin zuciyarta tana fadin, " ikon Allah kenan Allah me yanda yaso asanda yaso, kai kadai ne d'ana habibu amma dubi yanda ubangiji ya cika ka da zuri'a yanxu wadannan duk iyalaina ne ni hadiza, Inama Allah ya raya mlm yaga irin zuriyar da Habibu yake da ita, Allah sarki mlm Allah ya gafarta maka, habibu ina alfahari da kai Allah ya albarkaci zuriya" hjy iya ta karasa mgnr tana fashewa da kuka.

Gaba daya ido suna zuba mata masu tsokana sukayi masu lallashinta nayi, mami ce tace, " hjy iya dan Allah ki daina kukan nan, yanxu meye zai dameki gamu ga daddyn yara gaki cikin iyalanki dan Allah kiyi shiru, kinga daddyn yara idan ya shigo ya ganki kina kuka bazai ji dadi ba "

Share hawayenta hjy iya tayi sannan tace, " kukan farin ciki ne nakeyi dajin dadi ganin duk wannan ahalin nawa wai habibu duk shi yake da wannan iyalin "

Karaf Alh habibu ya bawa hjy iya amsa lokacin da ya zauna kusa da ita yace, " Haba hjy iyata, ay ba kuka ya kamata kiyi ba murna da farin ciki zakiyi da Allah ya ja kwananki cikin iyalanki, kin tuna lokacin da nake zuwa secondary idan zan fita me kike ce mun "

Hararar wasa hjy iya ta yiwa Alh habibu alamar yayi shiru, aykuwa su sa'adatu suka ce, " a'a dan Allah daddy gaya mana muji "

Murmushi yayi sannan yace, " kullin zan fita waje sai hjy iya ta kirani ta rike hannun tace, habibu na kaga kai kadai ne baka da wa bare kani, dan Allah habibu karka dinga tsokana aje ana cin zalinka, kaga ni ina gida ba wanda zai rama maka Allah ya raya minkai habibuna " Alh habibu ya cigaba da cewa, " idan makarantar boko zani sai hjy iya ta rakani har titi na tsallaka, kai wani lokacin ma sai taga shiga ta mota take dawowa idan kuma ranar bazata rakani ba ta dinga cewa, habibu ka kula ka lura da hanya kodai inzo inrakaka, sai ince mata, " haba iya nifa na san hanya dan Allah ki daina rakoni kina bawa kanki wahala, dubeni kamarni wai za'a dinga rakawa zuwa makaranta"