روحي تحتضر

بارت 107

💔الجرح_العميق💔 تأليف📖:Ikram Pancholi 💔الجزء105💔 حسات بالزمن توقف وهيا معليا درعاتها من قلة تركيزها. .غمضات عينيها كتسنى تخبط على وجها. .بقات مكمشاهم كتسمع الصقيل جابلها لله واقيلة فالقبر دابا ..حركات ايديها على شي حاجة قاصحة. وحلات عينيها بالشوية باغا تعرف واش مزال حية ولا ماتت ..لقات راسها موسدة شي حاجة صلبة تخلعات كااع تخيلات لخيبة طاحو فبالها. .هزات راسها بسرعة باغا تعرف فين هيا. .حتى كتجي عينيها فعينيه. .كان هاز حاجبو كيتسناها اش باغا تصنع نطق بصوت حاد خلاها تسحى على راسها : هااد فعايل لق*** مكينفعوش معايا شروق هزات ايدها قاصتو بصبعها على خدو : مكنحلمش بعدات داك الساعة كتبلع ريقها و نفسها لي مشات كتحاول ترجعها : مزال مامت مراد : ااش كتخوري شروق مسحات على شعرها كانت خايفة طيح حيت ببساطة كان وجها ايتشوه وملامحو اتخربش ..هبطات عينيها بغات تجمع كتوبتها ولكن كتحس براسها ديك لخلعة من السقوط رجعات عليها بالدوخة مراد شافها ماشي هيا هاديك وهو اتحدر جمع كااع كتوبتها و مدهم لييها بنفخة : ديري نضاظر ابنتيي ..رااك عمياا الا مكانتش فخبارك شروق مزال قلبها كيضرب من لخلعة. .خدات من عندو للكتوبة بسيف باش متبتة راسها. .بقات صاقلة منطقات بوالو ..يله اتهبط وهيا تزلق رجلها حتى جات معنقاه بايدياتها بجوج والكتوبة تلاحو من جديد مراد يله ايدفشها وهو احسها مرخية. .بعدها عليه بالشوية وهو القاها سادة عينيها سخفانة : واااش من نيتها ..كتقفقف من خيالها على مبان ليا تنهد وهزها بين ايديه ساخط : وقااالك سير قراا بااش دير مستقبلك. .صبح على وجه هاد النحس غادي تعرف لجواب هبط فالدروج مخنزر وكينكر مسكتش قصد للكافيتيريا وهو اتلاقا لبنات لي كيقراو معاه هو وبيازيد نقزات وحدة من لبنات لي متبعين لييه لعين : مخلي لبناات لي قدك ومتبع لبرهوشات ..مصدقتيش مراد وقف ودور راسو لعندهم : فمك كياكلك البنت كتخنزر مكرهاتش تلاح على شروق تقوليها نزلي مدوريش بييه : قوليها تفيق راه غي كتبوحط علييك مراد هاز حاجبو : اتطلعي للطابق لكلوب جيبي ليا شي كتوبة راهم مرميين تمااك البنت : ولكن.. قاطعها : بغيتهم دابا ...بااش نتعشاو بجوج 😉 البنت بلهفة : هاا و و وااخة شافتو مشا من حداهم وهيا تلافت لعند صحاباتها : شفتو غادي اتصاحب معايا ..واااوو اشنو نلبس البنت 2 بتميااق : امممم مستحيل اقولها رااه حااس براسو بحال بيازيد آل عمراان ..يخخخ بجوجهم كيحمقو البنت : نمشي نجيب لييه لكتوبة وغادي نخليه اتصاحب معايا دابا تشوفو مراد دخل للكافيتيريا تحت انضار الطلاب ..محاملش لموقف. .قشع رهاف حداها إبراهيم وهو امشي لعندهم خبطها على لكرسي : ها هيا صاحبتكم رهاف موسعة عينيها : اشنو درتيي ليها هااا إبراهيم شافو غادي ممسوقش : هاد الاغنياء كيحساب لييهم مالكين الدنيا رهاف قربات لعند شروق هزات قرعة دلما رشات عليها حتى حلات عينيها شاهقة : اشنو واقع لييك شروق عاد فاقت من الدوخة : ناااري كنت انطيح على وجهي فالدروج. .كفااش وصلت لعندك رهاف يله اتجاوبها وهما اقفزو بجوج على صوت شي كتوبة تخبطو على الطابلة مراد مخنزر : ديري نضاضر العورة ومشا كيوضع نضاراتو السوداء على عينيه شروق موسعة عينيها وفمها حضيااه محساتش برهاف لي حابسة الضحكة كتوزع نضراتها عليهم : هههه نتيي كلشي كتحلي فمك فييه شروق تلافتت مخسرة ملامح وجها بتحصر : شحال عاجبو رااسو ..فراسك انا كلشي كيعجبني رهاف تقادات فالجلسة وهيا كترشف من عاصيرها : عاشقة تيتيز ههههه إبراهيم وقف : نخلييكم دابا ..انمشي لدار رهاف : وحصة لعشية إبراهيم : حتا تشرحي لياا رهاف : مشات شروق حاطة ايدها على حنكها كتخمم : عرفتو لقطة واعرة وقعات لياا رهاف شافت إبراهيم مشا وهيا تلافت لعندها : برب حتى توانسي مع لواليدة تجي معاك تبعي لمسلسلات شروق خرجات عينيها : ويلي نسيت مقلت لييك رهاف : شكاين شروق : كينا واحد الانشطة فالكلوب غادي دار لخر هاد الاسبوع ..ومن بينهم عرض الازياء ..ياااي اش بان لييك رهاف عجبتها لفكرة : زعما نشاركو شروق هزات راسها باه : اه ضروري ..خاااص نخطفو الأضواء. .معرفتش ااش انلبس ولكن خااص نباان كنحمق وجدابة مسوقيش رهاف وقفات : وااوو تشوقت ..بلاتي نجيب ديك اللاصقة فيها الاعلان عاد تفكرت راه شفتو الصباح شروق ساهية : احح ..كون غي طحت كنت انعنقو مزياان. .ياربي نطيح مرة خراا رهاف خلات ساكها وكتوبتها حدا شروق ومشات بخطوات سريعة حتى خرجات من للكافيتيريا ..قصدات واحد لكولوار حتى وصلات لعند اللاصقة بقات كتقرا فالشروط ..عجبتها للفكرة من ديما كتفرج فبارمج ستايل والفاشن كتهاوش فااش كيبداو اهدرو على الألوان وكفااش تناسقي وكدا ..بتاسمات بغات تكون حتى هيا بحال دوك لعارضات لكبار وتخطف الأضواء. .معندهاش ميول بزاف لهاد لمجال ولكن كيعجبها تكون جدابة وتسحر كااع الاعين لي غادي تجي عليها يله اتلافت وهيا تصدم كانت اتخرج فييه كون مرجعاتش خطوة لور #يتبع