احببت طلياني 💞(مكتملة)الجزء الاول

الحلقه التاسعه

الحلقه التاسعه

روايه احببت طلياني💕
للكاتبه😍
😈سوبي محمد☠️

بسم الله الرحمن الرحيم

استغفر الله العظيم واتوب اليه
استغفر الله العظيم واتوب اليه
استغفر الله العظيم واتوب اليه

صلو عالنبي 💕عليه افضل الصلاه و التسليم

هي نبدو على بركة الله
.......

فاليرو:خلاص معناها معاش تلعبيها الحبل باهي
فطومه:ايي به 🙄 نحاول منقدرش نوعدك
فاايرو:توا قلتي عادي  ومتبيش تشوفي دم شن صار لك
فطومه:اي صح  بس منبيش نسيبها هادي لعبتي المفضله وميهمنيش نتكسر ولا نموت المهم نلعبها
فاليرو بعصبيه:بلاش عناد بابا متلعبيهاش قلت كلمه هي شن بنعاودهااا
فطومه:بنعاند  اني نطلع نلعب فيها في الشارع باش مرت سيدي متشوفنيش وتعاركني جيتني انت أهنئ توا
فاليرو بهدوء:ماهو لمصلحتك يابنيتي خيرنا عاد العبي لعبه تانيه  بس هادي لا
فطومه ناضت من على رجله:منبيش نبي نلعبها وبعدين اني حره اندير إلي نبيه شن بتديرولي هي؟
فاليرو :فطووومه لسانك عيب الكلام هدا
فطومه شافتله : شن قلت متلا سبيت؟شتمت؟؟ نحكي على روحي اني
فاليرو: واني قلت كلمتي اللعبه هادي مفيش. كريييمه يا كريييمه تعالي
جاته كريمه بسرعه:نعم
فابيرو:هاتي جاي الي في يدك وجبد منها الحبل وقعد يلف فيه
فطومه: عطيهرلي وين بتاخده نبي نلعب
فاليرو:باش مر تانيه تحترمي نفسك وتتكلمي كويس ولما انقولك على حاجة لا معناها لا😡
فطومه شافتله باستهزاء: خوده عادي اصلا ناخد غيره عندي هلبا ومحد يقولي هك اني محد يتحكم فيا
فاليرو:به يافطوم ديري وكتري وتو تشوفي عليهم الحركات هادوم
فطومه شافتله من فوق للوطه ومشت

ل فطومه:
ليت لشخصيتك القويه أن بقت كما هي وازدادت قوه
ليتك اصبحتي قدوه لتلك الاجيال
ليتك جعلتي اغلب النساء قويات وياخدن حقهن بنفسهن
ليتك لم تتغيري
اسفي عليك حين انجرفتي لتلك القوانين الصارمه ضد المراءه
اسفي عليك حين خضعتي لرضاء اولاد ادم ولم تكترتي لحقوقك
اسفي عالزمان الدي غيرك
حقا ليتك لم تتغيري !!'

مشت فطومه تلعب مع كريمه وهيا متعفلقه هلبا وفنفس الوقت بتبكي لان فاليرو يعتبر زي بوها وهو مربيها واجعها كيف رفعت صوتها عليه وتكلمت باسلوب مش حلو  سيبت اللعب وقعمزت عالبلكة
كريمه:فطومه تعالي نلعبو هيا. بتفوز علينا الشوشانه  ره (الشوشانه هادي بنت جيرانهم الي وراء الحاره  سمرا شوي لانها ديمه في الشمس وديمه يتعاركو مع بعض وشعرها ديمه مشفشف متهمتش بروحها وفي عمرهم تقريبا يسمو فيها شوشانه لانهم ميحبوهاش🙂)

فطومه:خليني ترا  تضايقت
كريمه:من شنو خيرها الشوشانه بنت البقره الطويله كلماتك؟
فطومه ضحكت:لا تعفلقت لان تعاركت مع فالي
كريمه:علاش شن صار
فطومه: رفعت صوتي عليه وقللت ادب😭 وقعدت تبكي
كريمه:خلاص اهدي متحطيش في بالك
فطومه: اهيء اهيء اكيده زعلان مني توا 😭😭غلط اني نرفع صوتي عليه ونعاركة😭
كريمه:باهي بري اعتدري منه 😕اكيد يسامحك راهو  ميزعلش منك هو
فطومه:زعما هك تقولي
كريمه:اي
ناضت فطومه بتمشي بعدين ولا قعدت تبكي
كريمه:خيرك🤦‍♀️نمشي معاك؟
فطومه:لا ميبينيش نلعب بالحبل😭😭 واني نبي نلعب شن ندير
كريمه:عادي اصلا حتى امي قالتلي معاش العلي بيه ونلعب بالدرقه قوليلها معاش نلعب بيه واللي بالدرقه زي متديري لمرت سيدك
فطومه:بس منحبش نكدب عليه  واصلا حيشوفني في الشارع مش زي مرت سيدي
كريمه:نلعبو في حاره الشوشانه وامها البقره الطويله ونقعدو نتعاركوا معاها ديمه وهيا حتبكي مش حتدافع على روحها ونفشو غلنا فيها 🙂
فطومه ضحكت:بالحاااق😂 تذكري منظرها. لما كانت تعيط هداكا اليوم لما  ضربناها قعدت تقول يبم يبماي مفهمناهاش شن نخرط في الاخير طلعت تقول "يبوي ويمي نبي ميه " على اساس تختصر فيها 😂
كريمه:😂😂لا احلى شيء لما مقعمزه وتجبد في شعرها فنص الشارع زي والمهبوله سألها عليوه قالتله  عندي قمله نهوي فيها😂
وقعدو يضحكو هما الزوز
وناضت فطومه بتعتدر من فاليرو  مشت للمكان إلي كان فيه قبل شوي ملقاتاش قعدت اتدور عليه محصلاتاش قالت تو لما بنمشي مع مرت سيدي لحارتهم  انشوفه