١________٢
#ابرص_افقدتني_صوابي
الجزء الاول
مريم السعدي
كان ياما مااجمل نعم الباري واولها الذريه احفظ اولادك في صغرهم يحفضوك في كبرك اللي تغرسه بعقل اطفالك بالصغر راح تحصده انت بالكبر الاخلاق اجمل صفاته حبيبي الرسول صلى اللهرعليه واله انماًجمال الوجه والجسد لست من تصنعه انه من عمل الباري افخر بشي قد تعلمته بنفسك افخر بكونك خلوق ولا تبحث بين العالم عن جمال الهيئه فما يبقى الا السيره الحسنه من الانسان ---مريم السعدي
اليوم قصتنا اجتماعيه بحت تتحدث عن حب اللذي يحصل داخل العوائل نترك القلم لابطالنا يسولفون حكايتهم متابعه ممتعه مريم السعدي
تعرفون شنو يعني ابرص معناها قمه الشقار اللي يكون على بياض العيون الصفراء والرمش والحاجب ابيض والشعر اصفر يميل الى البياض والنضر جدا ضعيف هاي اني عسل واسمي عليه بلون العسل حاليا صف ثاني تجاره وعدي اخ اعتيادي ابيض وشعره جوزي رافد وعدي والدي ووالدتي هم اعتياديين بس الوراثه جتني من بيبيتي ام والدي عانيت هواي من هالحاله بطفولتي وبضعف نضري وضحك الجهال عليه ام شعر الابيض وهالسوالف اتاذه واسكت احنا من سكنه البياع
الشاغل كلبي كمراهقه ابن خالتي كلش يعجبني سماره بس هو ابد مبينلي ولا باوعني مجرد سلام بيننه عادل تحصيله الدراسي 3تربيه قسم انكليزي اني من اول من افكر بحب وحياه زوجيه افكر بي وخالتي تموت عليه ودائما تبسمرني تكولي جنتي واني اطير فرح مرت الايام ونجحت من الثاني تجاره وعادل نجح من ال3صار اخر سنه خالتي رادت تخطبله وفتحت الموضوع وياه كلها بعد وكت يريد يكمل يله حسب مكالت امي رحنالهم زياره واخته صديقتي بس مكايلتلها معجبه بي
عادل- هلو خالتي شونج
ام رافد - هلو حبيبي عدوله شونك
عادل- وين رافد الناقص صار كومه لا يسال لا ابد
ام رافد- طلع خابره خليجيك
عادل - شونج عسل شون صحتج
عسل- االحمد لله نصيت مرتبكه
عادل- شطلعتي
عسل- نجحت صرت صف ثالث هاي اخر سنه
عادل- عفيه سبعه باوعتلها خطيه هاي شون تشوف شكارها كلش قوي انقهر عليها حتى محلوه من كد ما على بياض صايره بلكه طلعت خابرت رافد تعال معود ناقص تعاللي تطلع وحدك تعال هاي وحده اشرد نتعرف عليها
السلام عليكم اخوكم عادل من البياع مرحله رابعه تربيه انكليزي والمهنه عامل بمحل اسواق
وعدي اخت وحده واخ واحد بره عايش بالنمسا
عدي علاقات هواي يعني اقضي وكت طبه وطلعه والدتي تلح عليه بسالفه الزواج بس بعد وكت سنه التجي من اتخرج اتزوج علاقتي برافد حلوه بعد ماسافر محمد صار هو اخويه تقربت منه حيل صار كاتم اسراري ومكسراتي كلها يمه اليوم طلعت ويا كالعاده ورجعت اول مفتت والدتي تلكتني تعال اريد احاجيك
ها يوم شكو
يمه شنو رايك بعسل
شبيها عسل شنو رايي بيها شنو قصدج كزوجه اكيد تتشاقين
اي ليش اتشاقى شبيها اني اريد بت اختي
اني صيحت شنووو تمشيها براسي لا عيني ماريد مبيها الوان بلكه وعميه تمشين البرشا براسي
عسل- جنت بغرفه حنين اخته واخت روحي اموت عليها اعز صديقاتي ميدري بيه جنت بايته ببيتهم سمعت كلشي اني شخصيتي قويه وكفت
حنين- عسل لتنقهرين ملازم تستاهلين احسن منه
-ممقهوره لا بس ليش خالتي تلح عليه
ام عادل- صوتك ماما ولك عزه بعينك البنيه هنا
عادل- همست بعصبيه انتيدغير تحجين المهم الموضوع سدي روحي على ابن--
عسل- خاله ممكن ادخل
- اا تفضلي عسوله جننا دنحجي اني وعادل على هاي جيراننا
- خاله سمعت كلشي عادل مثل اخويه اني محاسبته رجل صالح للزواج
- عادل- باوعتها نص عين ديله عيني انجلينا ومنو حاسبج مره عسل اني وياج منتوالم
- منو كلك اني اتوالم وياك خاله الموضوع غير ينفتح وياي اول يله ويا لو شنو
- ام عادل- اني عبالي انتي موالفقه وفتحته ويا
- خاله انتي دائما تشتقيني بهل الحجي اني اكول من محبتها تتمنى هالشي بس اني مستحيل اقبل بعادل
- والله اني هم مااقبل بيج انتي متتوالمين ويايه اسف اذا حرجتج
- باوعت بعينه لازعادي همست طلعت كلبي مكسور اتذكر اللهجه الرد بيها على امه والنتره باشمئزاز عبالك اني مادري شنو هيج لعبانه نفسه واني عبالي يفتهم طلع عقله صغير وميدور راحه وهدوء واستقرار بس اهم شي عده الشكل انصلت بوالدي نفس الليله خطيه اجه عليه ورجعني مهانت عليه نفسي
- عادل- صراحه فشلت من سوايتي كلش يعني من داوصلهم للباب مباوعت بوجهي ابد عرفت بيها شالت عليه شسوي بيج امي شسوي فتت للبيت شفت امي صافنه ها يوم شبيج
- يمه خالتك مريضه وهي خايفه على بتها كلش وهي اختي الوحيده عبالي اخذ بتها
- يوم ليش فكرتي بيه ليش مو بمحمد
- ها والله جان غايب عن بالي
- يوم على الاقل بالخارج واحسن مني يشتغل ومستحق زواج اكثر مني
- والله يمه خوش فكره باجر احاجي خالتك
- براحتج
- عادل- بيني وبين نفسي ورده مال الله اخلاقها ولبسها وهدوءها وتصرفاتها كلها حبابه وعاقله بس يرادلها كيلو ملح احسها الثلج ولوحه خاليه من الالوان الله يهدي لمحمد ويقبل بيها ثاني يوم الوالده اتصلت بخالتي وكلتلها خالتي جاوبتها كبعي واخذي فرحت امي واتصلت بمحمدً
- الو يمه حمودي خطبنالك
- هله يوم المن خطبتي
- بت خالتك يمه شكره وتخبل
- يوم اني مافكر برواج خل تطلع اقامتي
- لا يمه ماارضه عليك
- اهوو اوف اللي تشوفي يوم بس تطلع اقامتي يله اسحبها
- ايدهسه نسوي خطوبه وعقد وراها ندزها من تكمل التجاره
- ماشي امي براحتج منو عسلايه
- اي يمه
- ورده عسل عاقله توكلي على الله تنهدت سلام عليكم اني ماريد اخذكم من الابطال بس ممكن تنطوني القلم شويه اني هم دامر بقصه حب بس من نوع ثاني اني هنا اداوم موضف بدائره اهليه جبيره حيل دوامي 12 ساعه تعرفت على هواي عرب بس عراقيين لا متعرفت ضابط اللغه التركمانيخ لان قبل لا اطلع للنمسا عشت بدهوك سنتين وعمري 32سنه عسوله مربيها على ايدي صراحه جنت اتمناها لعدوله بس بماانه امي خطبتها الي تذن عادل مرايدها ماعدي مانع كونها برشا اشوفها كلش حلوه بس المشكله اكو بنيه بكلبي بعد مصاير شي بس داحسها هي هاي التعيشني سعيد وعاجبني شكلها كلش وتصرفاتها اكثر ثكلها ورزانتها تكول مو نمساوي اني صار سنه بس عيوني تراقب هي ابد ممنتبهه عليه وماريد تنتبه بيوم الخابرت امي وراها طلعت للدوام وره 3ساعات من الدوام صعدت فوك اكو مثل الحمامات او منازع وبيها دواليب كلمن ودولابه اني متبع نضام غذائي صحي فاكليداخلي هناك وكت الريست اصعد انزله صاحب الدائره اصلا ليبي ولان شاف ضيم من اجه للنمسا قرر يكون اكثر عمال الدائره عرب مختلف الجنسيات والدائره بيها تقريبا200موضف مو موضوعنا صعدت فوك اجيب اكلي سمعت وحده تتوسل تحجي بالتلفون وتتوسل بشخص رحت وره الدواليب شفتها البنيه اللي مخلي عيني عليها تتوسل وتبجي تكوله بحقدالسماء اتركني اخذت كل مالي مبقه عدي اللي تداينته رجعته الك ماعدي بعد فوائد واذا قسطتها الك مااكدر اكل وانام بالسارع راتبي ميكفي ماعدي المبلغ ضخم انطيتك اللي تداينته منك وراها مااعرف شكاللها وركعت التلفون وكامت تبجي هناك كامت تفشر بالكردي اني كلبي راح يمه بت ولايتي طلعتلها وكفت كدامها مسحت دموعها وشالت التلفون دتريد تتعداني حاجيتها بالكردي انه اني اخوج من العراق شكد محتاجه طلعت كريدت كارت مالتي وكتبت الرقم السري بيدها وكتلها تصرفي وخلصي روحج ولتعتبري دين ضلت صافنه بوجهي عفتها ورحت عليها عيون دمار واني اكول ليش تنحب اثاريها عراقيه بله بربك محمد الكارت بي راتب سنه كامله وامك تدزلك الفلوس تكولك انت جمع واني عليه المصرف مالتك حتى تشتريلك فد بيت تالي اشيله وانطي لهاي العراقيه بله راحت بعد مشفتها تنهدت المهم اني مرتاح يجوز الله يفكها عليه نزلت كملت شغلي بذاك اليوم جنت مرتاح راحه غريبه كلش وبهاليوم بالذات ابدا مباوعت عليها بعدين اكمللكم اللي يصير ويايه نرجع لبو العداله
- عسل- من رجعت وي بابا بالسياره --- بابا حبيبي
- ها بابا
- اريد اسوي عيوني
- شتسوين
- عمليه اريد نضري يصير سته على سته
- ضجتي من المناضر
- اي
- بعيني اسبوع اللخ نراجع طبيب عيون بس خل اشوف جاره لامج اشوف شبيها مدتصير زينه
- ماشي بابا رجعت لبيتنا وحرمت ابات هناك بعد ثاني يوم خابرت خاله وكالت لمحمد وماما قبلت اني مجنت قابله بس من صفنت بيها عادل ميصيرلي وموعاجبته ايست قبلت بمحمد لان اتذكره جان كلش حباب بس عادي يعني بدون معاجبني ماما تكول وره الزواج يجي الحب قنعت روحي ماما مادري شبيها مريضه وبابا يموت عليها حتى جاب خدامه حتى متتعب وداها دكاتره هواي طلع عدها واحد من صمامات كلبها ديريد ينسد الحمد لله سوت قسطره شوي صارت احسن وجان بابا ناذرلها حجه وصارت زينه اخذها بابا وبقينا اني ورافد رافد يطلع الصبح يجي الضهريه شوي ويروح وي عادل ويجي بليل خالتي خافت عليه ورجلها مسافر جتي عدنا يمكن جانت احلى ايام حياتي حنين تبات ويايه نفسدالغرفه وحنان خالتي والونسه وياها ووو ماضم عادل هم من اشوفه ارتاح وهو يسولف ويباوعني من جوه ليجوه يمكن حس تانيب ضمير لان سمعته- حنين صف رابع عام تموت على رافد من جانت صغيره من جتي يمنا كلش كيفت رافد ممعبرها عده كومه صديقات منفكر بيها هي العًوبه مو رزنه خفيفه وبس تكمز وتستعجل واذا رافد راد مني شي تكمز تنطيهيا بمكاني هو يتخبل منها يكول مشعشه عادل كام يبات يم رافد اني جدا هادئه خالتي تحبني لان مااحجي هواي ورافد هم مثلي تفس الشي وحنين بس تلغي بس اني احب اسمعها تونس كلش مر اول سبوع الولد يجون بليل ينامون كبل بس غدانا سوه وريوكنا اني مجرد كون عادل بالبيت ابتسم مااعرف ليش
- عادل- حنه جيبيلي مي
- مو دااتزقنب
- ووجع مو صوجج
- عسل- كافي تتنكارون مو زين عالاكل ابتسمت وطيته المي
- عادل- بومه شوفيها لصاحبتج ليل نهار مبتسمه
- ماريد باوعت لرافد منصي عالاكل -- رافد تريد مي
- رافد- رفعت عيني صفنت عليها ونزلت عيني مجاوبتها
- ام عادل- يله يبنات دننصف اليوم عدي روحه للسوك باجر تخلص العطلع الربيعيه وترجعون لدوامكم
- انشاء الله
- حنه- والله احبه ليش ممهتم شبيه والله اني حلوه
- عسل- خالتي اشر الهدوم وانزل صعدت اشر الهدوم وسمعت واحد يصفر ويصيح صدقه للاشكر رفعت راسي
- عادل - واكف بالحديقه وسمعته ركض صعدتله للسطح عرفت على عسل رافد جان بالحمام عسل واكفه باوعتله توها تفوت صرت بوجهه منو هذا
- شمدريني مطيرجي
- ولككككك اذا انت رجال انزل داحاجيك نزل وبعد مشفته دكيت الباب عليهم محد رد رجعت صعدت ليفوك شفتها لابسه الحجاب دتكمل شر --- لج انتي شنووو متستحين لو مكيفه امشي فوتي دفعتها
- من دفعني النعال جلب بالزوليه ووكعت انركع راسي بزاويه الحايط حسيت الدم ترس وجهي
- عادل- شهكت لج عسل شو راسج ولج دفعتج على كيفي خرب يومج تعاي نزلي يووووم
- وحووم شبيك يايمه شبيج عسوله
- عثرت خاله
- شكد ثوله سليمه تطمج
- عادل- نزلت ركض وياها رافد صافن عليها متخوصر مديوكف الدم ركضت دكيت حبايه وضمدت جرحها باوعت بعينها تنهدت همست مو قصدي
- عسل- باوعت بعينه اني همً موقصدي اطلع علمود الولد
- عادل- ادري يوجعج راسج
- لا
- رافد- عسل لو صاير بيج شي ميت مره كتلج هالنعال يزحلك شلته وذبيته بالزبل
- لا رافد حباب احبه
- لا اذا طلعتي تنبسطين
- ميخالف تنهدت اباوع عادل يباوعلي بقلق وفشله طلعو وراحو كلمن لشغلهم
- حنه- اليوم نامي اني اشتغل وي ماما كملنا الشغل كله وراها ماما رجعت البيت وي عادل يباتون هناك وباجر يجون من الصبح نمت اني وعسوله اني حلمت برافد دابوسه وجانت كلش حلوه كعدت صافنه اني جريءه بشكل واللي اريده لازم هسه يصير وجنت اتوقع اذا سويت هيج حيكوم يحبني كمت خليت مرطب شفه بطعم الورد فتت لغرفته جانت ضلمه بس ضوه كلش خفيف تقربت منه جان نايم بدون فانيلا ومتغطي تقربت على شفته غمضت وبسته
- رافد- قبل بيوم جنت طالع وي صاحبتي للزوراء شبعت بوس هي تنطي مجال ولا فد يوم كالت لا شريد اخذ بس نومه ماكو جنت نايم حسيت بشفاف دافيه وطعم يخبل راسن تفاعلت جريت راسها واني بين النايم والكاعد عبالي بعدني بالزوراء استمريت بالبوسه كمت اسمع ونين فزيت عالصوت
- حنه- يابه باسني تخبلت شون حلو لزم راسي وبقه كلش حلوه البوسه تخبل
- حسيت اني بالبيت بغرفتي هاي منو ابتعدت وهي بعدها تقدم شفافها واني ابتعد علكت الضوه التيبل لامب فتحت عيني لكيتها حنين خزرتها وكفت جريتها من شعرها انتي وحده تره بله شرف والله باوعت بعينها خافت رجعت ليوره تعاي شوخفتي مستحيتي من سويتي هيج تدرين انتي لازم يزوجوج لان تجيبيلنازالعار نصت وكامت تبجي ضربتها راشدي واحس نفسي كلش مو كد الامانه اطلعي بره كشت روحي منج كبر كبر ممتربايه خالتي هادتج باجر اكول كلشي لعادل وخالتي
- حنه- بعد مافوت ولاحاجيك ولاباوعلك بس لتكولهم بجيت مااعرف عبالي حتحبني هيج لتكولهم تره اكتل روحي وداعت بابا
- لعد لتشوفيني خلقتج تلعب روحي منج
- اي والله اي متكولهم مو
- مااعرف
- الله يخليك حباب
- امشي بره دفعتها وقفلت الباب مسحت شفتي وطعم شفتها بحلكي بس لعبت نفسي من تصرفها
- حنه- متت وتخبلت وشي بداخلي انكسر احس روحي كبرت راسن خليت قواعد ببالي عدي دفترمذكرات طلعته كتبت القواعد اولا بعد المكان البي هوه مافوته وثانيا ماباوع بوجهه وثالثا ميسمع صوتي واشيله من باليييييييي سمعتي حنين من طيح الله حضج مفكرتي قبل لتتصوفين يااللللللله شون كارههه روحي منمت دقيقه وحده كرهت روحي بس اعض بشفتي امدايه خرب شيكول على اهلي مو حقه يكول خالتي هادتج والله حقه والله حقه اوف احركها لروحي لا خليني اعاقب روحي كل يوم امدايه اي والله امدايه ثاني يوم الصبح
- رافد- مكدرت انام الموقف لعب نفسي بس طعم شفافها ممجرب هيج طعم بعد جانت بالبدايه غشيمه بس تلامس واني استلمتها خرب حضي واني اكول هاي شبيها كامت ترجف شفافها هي خبره طلعت حنين القندره كبر شكد ملطلطه للسبعه بعد مكدرت انام طلعت من العرفه خليت الجاي اليوم عدهن دوام هي واختي اني العام تخرجت علىم حاسبات بس اشتغل وي عادل عمال اسواق امي وخالتي نزيهه عدهم بيوت من ابوهم ماجريها وياهذون اجارهم بالاضافه الى تقاعد والدي مرتاحين نوعا ما وابو عادل هم يشتغل بالالمنيوم عادل ميحب هالشغله وميتوالم وي ابو ابد دائما
