بارت كتبتو توة 03:00 تع الصباح 😂😂 هوكا كتبتو منا شيهبط منا والله غالبني النوم اما نتفكر البارح قلت غدوة نهبطلكم حلقة قلت ميجيش نخلي بيهم ... ولعشية نشالله نهبط حلقة اخرى ❤❤ برشا جو والتمبك مازال مبداش يا حبيبي😂😂 طولت عليكم هاي نرجعو ....... ملاك_ برجوليا مكمش نورمال مافيا
تسنيم_ اه مالا شفيبالك نتي ..
هوما هكا ومهدي جا_ ايمنلاش 😂👌
ايمن_ تتقوحب؟؟
مهدي _ فيبلاصت متشكرني الي صالحتكم😒 زايد الحاسيلو
ايمن_ باهي باهي حسابك معايا بعد ونتي ملوكتي هيا نروحو وكان عالحكاية تو نحقق فيها بروحي متخافش ❤..
ملاك_ اوه يوسوفي ميعملي حالة
ايمن_ قلو كنت مع ايمن تو ميقول شي عندو فيا الثيقة تي كالمرة وصاني عليك
ملاك _ اوك نروحو بب بالموتو اما ...
قرصها من خدها _ تددل ملا لا❤
مهدي غزر لتسنيم _ هيا تسنيم قدامي
تسنيم _ لوين ..
مهدي غمزها (هيه تخمجوش مخاخكم يا حلالف 😂)
تسنيم بتوشويش _ المفتاح 🤦♀️
مهدي_ والجواب صحيح 😂👌
ملاك تلفتت_ فما حاجة ؟؟
مهدي _ لا لا روحو نتوما وتسنيم تو نوصلها انا ..
تسنيم_ اي اي تتقلقوش عليا براو😊
ايمن_ هيا هيا حبي وقيلا ضبعو هاذم
مطر ومازالو قعدين
مشا ايمن وملاك معنقين بعضهم ركبو عالموطور وطارو ملاك مكبشة فيه وتشم في ريحتو وهو مستحلي يديتها الدافين
ملاك_ ايمن مقرستش الفاست تاعك عندي ونتي في مريول برك (بعياط خاطر ماهي تسمع في شي و هو زادة 😂)
ايمن_ لا لا حبي نورمال مسانس )
تعمل هكا وملاك تنحي الكاسك ويدات تصيح مطر تصب بالقوي شعرها ينطر فيه الريح تبلو 😂😂😂😂
ايمن_ اركح يا مهبولة ...
**كياص فارغ مافيه حد
ملاك تعيطط_ nhebbbbbbbbbekkk تبعد في شعرها من علا وشها
ايمن_ مريضة والله😂😂❤❤
ايمن يسوق ويعيط_ وانا نمووتتتتتتتت فيهااااا❤❤💜👌 ....
نرجعو للمافيا😂😂😂😂
تسنيم _ يا خرا منين جبتو المفتاح نتي
مهدي_ مفتاح الفستيار عند شكون لازمو يكون
تسنيم _ الله لا تربحك متقليش عند المدير
مهدي حك شعرو على جنب وضحك _ صحيت كيفاه طلعتها هاذي 👌
تسنيم _ اما السال دو بروف مسكراوللمدير روح شعملنا وجا مليح
مهدي _ يلزمنا نرجعوه للمدير
تسنيم _ عند قيس 😳
مهدي _ شبيك تفجعت
تسنيم _ تي خليه واحل في الباب واكهو
مهدي _ نطردو
تسنيم _ علاه زادة فما شكون شافك
مهدي _ وصال 😊
تسنيم بغيرة _ متقليش اكا اللفعة الي مضروبة فيك
مهدي _ اي هذيكا هي 😂
تسنيم _ مهدي امان مرة في حياتك اعمل حاجة بلاش بهامة ومنغير متخلي تراس وراك باهي شباش نعملو ...
مهدي _ لازمنا نمشيو نشوفو المدير وين ونرجعو المفتاح مع مفاتحو ...
تسنيم_ ازححي
مهدي شدلها يدها _ لازمنا نتعاونو يا لفوق ونسلكوها وميصيرلنا شي يا زوز نطردو ويصير الي يصير ..
تسنيم _ المدير ديما يهبط يعمل قهوة قبل ميروح في القهوة الي قدام اليسا بعد ديما نراه يقضي من المونوبري
مهدي _ يعني هو تو في المونوبري هيا اركب اركب
تسنيم ركبت..
في الثنية _ شباش تعمل ؟؟
مهدي _ شو نتي شتلهيه لداخل وانا شنحاول ندخل لكرهبتو نحط المفتاح ونخرج
تسنيم _ وكيفاه شتحلها
مهدي بقريماش وجه😒 _ مبهمك عبدا عنا نفس الكرهبة
تسنيم _ اي هوا زرقة ونتي حمرا كيفاه
مهدي_ تسنيم امان هالكل بهامة نصرفق روحي بالكف متنجمش تكون نفس الماركة فيها برشا الوان
تسنيم _ هههه اي صحيح مبهمني 😅
مهدي _ اهبط اي اهوكا في الكاسة برا كوراج لازمك تلهيه قرصها من خدها _معمل عليك ❤
وتسنيم وين تلقاوها عاد ذابت ونسات سكتت
مهدي _تي امشي هالبقرة الي نعاني فيها
تسنيم _ اه اي رد بالك على روحك لا تباصي
مهدي _ كان شنباصي راو عليك تي برر شرر ...
تسنيم مشات تجري ومهدي هبط نزل على المفتاح تاعو تحلت الكرهبة .. ضحك بانتصار
تسنيم دخلت _امم مسيو مسيو
المدير_ تفضل بنتي شحاشتك
تسنيم يتخلويض وتخزر لمهدي مالبلار تشوف فيه شيعمل _عسلامة
المدير _تلعب بيا بنتي
تسنيم_مسيو نجم نتعدا قدامك في الكاسة
المدير _اما نتي معندك شي ويني القضيةغزرت يمين ويسار وجبدت طبلية شكلاطة وتبسمتلو هكا 😊😊 هاذي مسيو شنشريها
المدير _باهي تعدا
تسنيم غزرت لمهدي داخل للمونوبري تبسمت عرفت الي تعدات سلامات😂😂👌
تسنيم للمدير_ امم ولا نقلك بطلت ناقصة فلوس
مشات تجري خالطة ورا مهدي...
تسنيم _مهدي!!!
مهدي _اه تسس تعدات حمدالله سي بون حطيطو
تسنيم _ اوه وانا شعرا لا متت زعما لا فاق بيا هوكا نتي خراك اسرق المفاتح وتسنيم تلهي
مهدي _شوف القدر وين جابنا تو ...ههه في المونوبري 😂😂❤
تسنيم _ههه اي وفي الريون تع الشكولا دامور ...
مهدي _ ايا برا نسيبو هبلا 😂
تسنيم_قداهه الوقت
مهدي_ السبعة غير درجين
تسنيم_ونص لازمني نكون في الدار
مهدي _ تتدلل
قعدو يدورو ويضحكو
تسنيم _شو شو الالة العجيبة
مهدي _تعرف هذيكا شنو 😂😂
تسنيم تضحك _لا ههه شنو
مهدي _هذيكا يحشيو فيها البنات القصار البهايم يكعبروهم ويردوهم كعابر ويتباعو للعباد يتكالو يحبو يرتحو منهم البشرية 😜
تسنيم _يا تفيهه بعد بدات تمشي بزربة كي الصغار سيبني معاش تحكي معايا هاني شنرتحك مني
مهدي يجري وراها لين خلط عليها جبدها ليه تي يزي ننفدلك عليك يا نغارة 😂😂❤
تسنيم _ امم يحرزلك معندي باش نروح
مهدي _يا خويا يا خويا اش اتكتكلها😂😂 ايا اسبقتي للكرهبة هاني جاي
تسنيم اوف باهي تبطاش
مهدي _باهي بر
دخلت تسنيم للكرهبة ستنات ستانت بعد دخل مهدي في يديو ساشيي مدهالها
تسنيم _ شنوا هاذا🙂
مهدي _ البراسلا الي عجبتك واشوكولا دامور
تسنيم _ ههه شمعناها 😅
مهدي لبسهالها _ اششششتت(ايا حطو تع تيتانيك البنات😂😂 كرهبة مسكرة شتا تصب جو عالمي❤❤) _ السلسلة مكتوب فيها فورافر ماين ❤👌 شمعناها
تسنيم تلكونت غزتو سحرتها تنطق مغير متشعر _ ديما متاعي ❤❤
مهدي _ ونتي هكاك ديما تاعي نغار عليك مالنسمة ونحزر عليك كيما تحزر الغيوم على الشمس وتخبيها ❤❤ نكره الي كرهك ونحب الي يحبك ... القمرة كي تحشم مالشمس تتخبا وراها باش تلمع وتضوي الدنيا وتشعل النجوم وانا نحبك ديما تتخبى عندي باش تقعد ديما تضوي ومتتطفاش ...(على فكرة راو ارتجال نكتب ديراكت هههه نعرف نكتب امور يا سيي ستناو نصوحب برك عندي برشا افكار وكلام معندي لشكون نقولو 😂😂😂❤)
تسنيم ذايبة _ مفهمتكش😅😂
مهدي _ بلع بلع نتي لا يفبد فيك رومنسية ولا سما ..
تسنيم _ تي نتي تحكي بالزربة شمس وقمرة ارض وغيوم ياخي ال مابس تاعك يدور هكا 😂😂 اما نحب نقلك حاجة
مهدي _ شنوا
تسنيم بتذبيلة عين _ نتي ماكش شمسي ❤
مهدي _مالا شنوة
تسنيم_ نتي مفوررر 😂😂😂😂😂😂😂(الكسكي انواع فما الشمسي يحطوه تحت الشمس والنوع النفور يفوره طول 😂😂😂👌مبلدها هالطفلة ) تضحك في ضحكة سنكوح
مهدي قام يضحك 😂😂😂 بعد شدلها يدها _ يزي بلا بلادة فيبالي بيك تحبني ❤
تسنيم بلعت ريقها بعد مغير ما تشعر _اي نحبككك❤💜
مهدي قرب باسها مت خدها بالشوي بعد غزر لعينها _اكثر ❤
)بربشولي مشاعري 💔💔😂😂 العقبة لينا 👌😂)
مهدي _تقبل تكون حبي رورحي وصاحبتي ...❤
تسنيم _اي 😍
مهدي عنقها بعد _هاي نروح بيك تو 😂👌
تسنيم _ اوه اوه عاي الثمنية غير ربع
مهدي _غير درج تكون في الدار ❤
تسنيم _باه💜
)اه اه تعبت ساييييييي .... حطو فوت عاد ❤❤❤
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
