الفصل 5
< في صباح اليوم التالي, استيقظ أوس ونزل للأسفل, وجد أسد وأمير يجلسان وينتظرانه حتى يتناولوا الفطور... >
أوس: صباح الخير.
أسد: صباح النور.
أمير: صباح الفل, درغام جاب الفلوس إمبارح وإنت كنت نايم مرضيناش نصحيك.
أوس: خير ما عملت, حد فيكم كلم لؤي؟
أسد: لسه.
أوس: رنوا عليه خلوه ينزل مصر.
أمير: مابلاش, إنت عارفه مبيحبش نزول مصر.
أوس: أنا قلت إيه؟
أسد: أنا هكلمه.
أوس: أخبار الشغل هنا إيه؟
أمير: كل شحنات الأدوية إتوزعت.
أوس: عاوز طلبيه خاصة توصل للدار على حسابي بعيد عن الشغل.
أسد: إعتبره حصل.
أوس: سلمان.
أمير بقلق: هه ماله؟
أوس: سلمان ماشوفتوش من إمبارح ليه؟
أسد بقلق: بص هو يعني..
أوس: هو إيه؟
أسد: سلمان أخد شحنة زيادة مش في دوره.
أوس: وأخدها إزاي بقى؟
أمير بتوتر: درغام مكنش معاه سيولة تكفي وكامل قال هياخدها بداله وإتفقوا سوا, بس سلمان بعت رجالته في معاد التسليم وضربو نار وأخدوها.
أوس بترقب: حد من عندنا إتصاب؟
أسد: إتنين والتالت مات.
أوس: يعني مشغل حمير معايا.
أسد بخوف: أو...
أوس بغضب بصوت عالي: مش عاوز صوت, أمير جهز الرجاله.
أمير بخوف: ح. حاضر.
أوس: أنا جبت أخري من سلمان, مش عارف الملك ساكتله ليه؟
أسد: سلمان يبقى حماك.
أوس: حمايا بعيد عن الشغل, أنا هوقفه لحد عنده.
أمير: بس الملك...
أوس بمقاطعه: مش هيتكلم معايا.
أسد: اللي إنت عاوزه.
ندى من الأعلى: في إييييييييييه؟ صوتكم مسمع مصر كلها.
أوس: إفطري ياندى لحد ما آجي.
ندى: وإنت رايح فين؟
أوس: بعدين.
< أمسك مفاتيحه وذهب للسيارة, ذهب إليه أمير وأسد سريعًا... >
أوس: إطلع بسرعه, وخلي الرجاله تيجي ورانا.
أمير: حاضر.
< في منزل مي كامل... >
نور: يخربيتك يامي, إحكي تاني والنبي.
مي: يابنتي هيه قصه.
نور: لاااء مانت مش هتقنعيني إن المز بتاع إمبارح دا هو خالد.
مي: والله زي ما بقولك كدا.
نور: طب إعمليلي فطار كدا عشان أقدر أجمع معاكي وأفهم.
مي: إيييه, بتودي الأكل دا كله فين؟ إنت ما بتضيعيش لحظة واحدة من غير أكل.
نور: الله أكبر في عنيكي يا حسودة.
مي: إنت كلتي في البيت عندكم؟
نور: حاجة على الماشي كدا.
مي: حاجة إيه؟
نور: لقيت فراخ محمرة كنت عملاها بالليل فأكلت فرخة تسالي كدا لحد ما أجيلك.
مي برفع حاجب: حد بيفطر بفراخ يامفترية؟
نور: أنا فلوسي كتيرة, هاتي حاجة تتاكل يابخيلة.
مي: بخيلة في عينيك, تعالي ياختي أشوفلك حاجة في التلاجة.
نور: هووب جاية معاكي.
مي: هو إنت متجوزة وحامل يابت؟ الأكل دا كله مافيش واحده حامل بتاكله أصلًا.
نور: هو فين الموكوس جوزي دا الأول بس؟ وبعدين نشوف موضوع الحمل بس ييجي الأول.
مي: ههههه فظيعة.
نور: قومي على التلاجة يابت.
مي: قايمة أهو تك نيلة.
نور: تشيلك.
أنت تقرأ
المدمر أوس
Romance1-قد يرى البعض ويعترف بأن تصرفاتنا غريبة لكنهم لا يدركون الدافع الحقيقي وراء ذلك وعندما نراها واضحه... يكون الوقت قد انتهى فما الذي يعيد شيئًا لم يعد موجودًا سوى الله لا أحد. 2- أنا لا أمتلك سوى حياة واحدة أعطيتها لأحدهم, أتمنى حقًا أن يحافظ عليها و...
