ماكو داعي الجيتك المن اجيت
الفات مات وشوكنة وحبنة انتهى
تشتهي وتروح وتجيني بمشتهاك
هذا ياهو معلمك الحب مشتهة
..................................................................
ملاك / خابرني امير واني جنت متمددة وافكر بلي سوا وكل هل فترة مرايحة للمدرسة كلي
امير/ ملاك بس خل افهمج
ملاك بستهزاء/ شنو تفهمني بلا
امير/ ملاك والله العضيم مو مثل ممتوقعة ولج والله بس انتي احبج
ملاك وهية مخنوكة من كلامة بس متخلي يبين عليهة / تحبني😏المهم باي
سديتة بوجهة ونطيتة حضر لان مالي خلك حتة الدراسة مالي خلكهة ابد
اجة بابا طب للغرفة
ابو ملاك / شلونج حبيبتي
ملاك وهية تبتسم/ تمام بابا تعال اكعود يمي
ابو ملاك ب بتسامة / يي جاي بعد ابوج
بوية ملاك ليش متفتهمين منة كل الموضوع وراهة اتخذي قرارج
ملاك/ رجاءا بابا سدو الموضوع وخل يجي يطلك بعد ماريدة
ابو ملاك/ بوية مو كلشي بل هوسة فكري زين واتخذي قرار
ملاك/ بابا اتخذت القرار لو صرت ثكيلة تردون بس تزوجوني
ابو ملاك وهوة خازرهة/ انجبي شنو هل كلام كم ملوكة عندي بس كلت تفكرين احسن الج
ملاك وهية حضنت ابوهة/ بابا مااريدة
ابو ملاك / باسهة من راسهة هذا هوة بابا لعد كومي ادرسي يلا
ملاك وهية مدنكة/ بابا اطلب منك طلب مترفضة الي بداعة ماما
ابو ملاك وهوة مستغرب/ اطلبي بوية اطلبي
ملاك / احم بابا اريد اترك هاي السنة والله مالي خلك
ابو ملاك وهوة يبتسم بوجهة/ شوفي بوية لا تخلين احد يدوس عل مستقبلج حتلو تاخذين معدل مو زين عادي تعيدين بس لا تركين بسبب شي تافه
ملاك / هذا هوة بابا
ابو ملاك / يلا بوية رايح محتاجة شي
ملاك/ لا بابا سلامتك
راح بابا واني سديت الباب وضليت ابجي شكد تمنيت مروة يمي
اخواتي واخوي علاوي كلساع جاين يمي خطية عود يونسوني
علاوي يجي يجيبلي حلويات ويكول نسوي عزيمة سوة واكعد ويا
مر شهر وامير كلساع يخابر من رقم واحضر حتة رسائل من غير حساب واني كارهتة حيل حسين يجيني كل فترة ويطمن علية ويروح
اجت مروة البيتنة اني ما محسيتهم انو ضايجة بل عكس ما غيرت طبعي ضحك وشقة وسوالف بس بليل احس شي خانكني بس مااريدة اكررهة وكل الي بالي انتقم منة ع الي سوى بية
كعدت الصبح حتة اروح للمدرسة لبست السدرية كلوش وطويلة ورافعة شعري ومخلية الجنطة صفح وشفت سيارة امير كدامي هوة نزل بس احس نفسي اريد اروح اذبحة مو احضنة
امير/ من طلبت الطلاق ملاك اتخبلت وحلفت مااطلك لو تموت مر شهر واني يومية رقم وحساب وتحضر شهر احسة سنين صار مشايفهة احبهة بس غلطت وهية حتة متقبل افهمهة الموضوع كل الي بالهة الطلاق كعدت الصبح جاي اطلع للشغل وكفت بطريق علمود اخلي مي للسيارة وشفت ملاك نزلت وهية باوعتلي بخزرة ورفعت راسهة ومشت رحت لحكتهة
ملاك/ خير امير شرايد
امير / ملاك رحمة للعزاز خل افهمج
ملاك وهية تباوع علي وتخزرة/ امير روح منا احسلك
امير وصوتة عالي / ماااروح افهمي الموضوع عاد
ملاك وهية تباوعلة بتحدي / مااسمع واليوم طلكني
امير سحبهة وخلاهة بيت هيكل توة دينبني وهوة حاصرهة بينة وبين الحايط
اسمعي ملاك طلاك مااطلك احبببج ليش متفهمين ولج بس خل افهمج وراهة احجي
ملاك وهية تباوعلة وكالت/ احجي ليش
امير وهوة يكعدهة
سولفلهة كلشي مضم عليهة اي شي
ملاك وهية تباوعلة بتفكير وكالت/ هذا الشي بعد مو مهم
امير وهوة اعصاب وبصياح/ ولجج شنوو مو مهم صارلي ساعة اشرحلج ولج والله بس حتة انقذهة
ملاك وهية صيح/ كااافي عااد كاافي ليش مااجيت وسولفتلي هاي المهزلة قبل كولشي مو تخليني اعررف وانصدم اسمع امير
وهية تتقرب منة وتخلي عيونهة بعيونة
طلاك طلكني وبعد مااريد لان اكرهك تعرف شنو اكرهك وانتة الكرهتني بيك
امير وهوة مصدوم واعصاب بنفس الوقت/ شنووو تكرهيني مو بكيفج فهمتيي
ملاك / عافتة وطلعت وراحت ال بيتهم وامهة تسالهة
ام ملاك/ شو رجعتي
ملاك/ماما عوفيني الله يخليج
ام ملاك وهية دخل ملاك للاستقبال تعالي احاجي وياج
ملاك / كعدت ع التخم وماما تحاجيني واني كوة لازمة دموعي
ام ملاك/ ماما ملاك بكل حياتنة ندخل تجربة ومانعرف شراح يصير ورة هاي التجربة بس الله انطانة عقل حتة منعيد التجربة نفسهة بس لازم نفهم من هاي التجربة اشياء هووواي وانتي تجربتج ب امير لحد هسة منحكم اذا فاشلة او لا لان حسب السمعتة والسبب مااحكم علي الولد يحبج وانتي تحبي ومجاي احجي وياج حتة اقنعج سامحي لا حتة اخليج تفكرين بلي تريدي انتي
ملاك اني استمعلهة وكوة حابسة دمعتي هزيت راسي ب اي وبستهة وصعدت للغرفة
سديت الباب ومشيت صارت كدامي المراية باوعت ع نفسي نزلت دمعتي مباشرتن مسحتهة وكلت
