Chasing Mr. Right [Complete]

Fiftieth Chase

Fiftieth Chase 

"Magkakilala na kayo dati pa?" Tanong ng isa sa groupmates namin, si Meg, after naming magintroduce sa isa't isa.

"Er..." Tinignan ko si Jasper na mukhang walang balak magsalita kaya ako na yung sumagot. "...yup. Last sem lang."

Si Jeff naman yung nagtanong. "Pano kayo nagkakilala?"

"Um..."  Hindi ko alam kung pano sasagutin yung tanong na yun.

Mukhang nasense ni Jasper yung hesitation ko kaya siya na mismo yung sumagot. "Mutual friend." So we're just two people who knew each other last sem that have a mutual friend now.   

Ngumisi si Queenie. "So kayo mismo, di friends?" Bakit ba mga chismoso't chismosa yung groupmates namin?!

"Acquaintances." Mabilis na sabi ni Jasper. Yeah, just acquaintances. Tumingin sa'kin yung apat at ngumiti na lang ako sa kanila.

"Baka naman may tinatago kayong past?" Pabirong sabi ni Marlon at tumawa lahat, bukod sa'min ni Jasper.  

"Ehehehehehe... heh." Pekeng tawa ko tapos tumigil na lang ako nung marealize kong hindi naman kapani-paniwalang tawa yung ginagawa ko. Sumilip ako ng tingin kay Jasper na nakangiti lang.

Bakit ba nangyayari sa'kin to ngayon?! Ngumiti na lang din ako habang pasimpleng minamasahe yung ulo ko dahil nagkakaheadache na yata ako. Malamang aasarin kami ng todo ng groupmates namin pag nalaman nila yung tungkol sa 'past' namin ni Jasper, na dating kami and we're now exes.

"Curious lang ako, though." Kumunot yung noo ni Meg at tinignan kami ni Jasper. "Bakit iba tawag ni Jasper sa'yo, Cha?"

"Ha?" Tinignan ko si Jasper na mukhang di rin alam yung isasagot. He just shrugged at me. Wow. Napakahelpful. "Wala, malakas lang kasi talaga yung trip niyang si Jasper. Anyway, sinong gagawa nung Facebook group natin? Tsaka sinong kukuha ng contact numbers ng isa't isa? Oh, and sinong magdadala ng aling gamit at anong lulutuin natin para sa first camp-out?" Tuloy tuloy kong sabi para maalis na yung usapan sa'ming dalawa ni Jasper. Nakakatitig lang sa'kin yung groupmates ko at nakita kong ngumisi si Jasper. "Well? Guys?"

* * *

"San kayo?" Tanong ni Queenie nung matapos na yung klase namin.

"Dito na ko sa likod ng gym, guys. Babalik ako sa dorm eh. Bye! See you again on Thursday!"

"Bye, Meg!" Sabay sabay naming sabi habang dumiretso na kaming lima sa front entrance ng gym.

"Dito na ko. Bye, guys." Bati naman ni Jeff at pumasok siya sa isang nakapark na kotse sa harap ng gym.

"Naks, rich kid ka pala!" Biro ni Marlon. Tumawa lang si Jeff at kumaway bago nagdrive palayo. "Kayo? San kayo?"