فاض الهوا
بارت 14
نزلنه وسلمنه وماجد رحب بيه .. جاي اسولف وي خاله ام ايهاب واسلم عليها اشوف رضا مو يمي.. دقيقه وحده بس كعدت.. سمعت رضا صاحلي.. استأذنت وكمت لكيته كاعد بالمطبخ
رضا: اكلج مشتهي همبركر
جمانه: هسسسسه؟ هستوه خلصنه عشه يمته اشتهيت؟؟
رضا: بعد اشتهيت شسوي
جمانه:الناس كاعدين عيب.. من يرحون اسويلك.. وردت اروح
رضا: والله اصيح لامي تسويلي..
رجعت باوعتله.. ادري بخالتي لو ب3 بالليل يكعدها هم تسويله وهسه من يكللها تكوم واتفشل.. رجعت دخلت للمطبخ واباوعله
جمانه:جم وحده تريد؟
ابتسم: ثنين
طلعت الطاوه وبدت اقلي
طلعت ماعون احط بي الهمبركر..
رضا: وياج فنكر
باوعتله: جا ليش ما حجيت من البدايه؟
رضا: هستوا اشتهيته
جمانه: استغفر الله واتنهدت.. جاي يسوي كل هذا حته ما التقي واكعد يم ماجد.. عود ماجد حبيبي السابق
طلعت الفنكر جاهز وقليته.. قريب يستوي كال
رضا: وياج خيار وطماطه
جمانه: هذا هسه سحور غير؟
ضحك وكال: تقريبا
خلصت كلشي وحطيته كدامه..باوع للاكل وكال: عاشت ايدج.. يلا كعدي اكلي وياي
جمانه: شبعانه.. وحته انت شبعان بس شسوي اله صارت بيه ريحه اكل يلا ارتاحيت.. خل اروح اشوف خاله راح تروح وانه بالمطبخ
رضا:لا لا اوكفي.. اريد جاي
جمانه: رضا شبيك.. قبل ساعه شربت جاي،، دخيل الله اعتقني
عفته ورحت كعدت بالهول يمهم
ام رضا: ها يمه جا وين جنتي ؟
جمانه:ها؟ لا خاله بس رضا اشتهى همبركر وسويتله
ام رضا: يا سوده عليه.. بالعافيه
اجه رضا دخل.. باوعتله الجذاب ضم الاكل بالثلاجه واجه
ماجد: شخبارج جمانه؟
جمانه: تمام الحمد لله.. شلونك بالدراسه انت؟ مرحله رابعه ما تلحك عليها
ماجد: اي والله صدك ما الحك.. بس خل اخلص مليت من الدوام والدراسه خل ارتاح شوي
قاطعنه رضا وفتح موضوع ويه ماجد واندمجوا.. وكلما يحاول ماجد يسولف وياي رضا ما ينطي مجال ويسولف وياه ويسأله ع اي شي..
واباوع حمودي يباوع لرتاج وهي تباوعله وتدنك مستحيه.. يا الله يخبلون😂
ضلوا شوي كاعدين وطلعوا..رحت للثلاجه لكيت الأكل ع حاله.. واجه هو بالمطبخ
أنت تقرأ
فاض الهوا
Romanceفتاه تخشى الزواج خوفا من المستقبل.. توافق ع شاب تقدم لخطبتها فتحدث المفاجأه ليله الزفاف.. ليخبرها بما لا تتخيله اي انثى ليله زفافها
