قدري لم يرحمني

البارت الثامن والعشرون

البارت الثامن والعشرون
روايه :- قدري لم يرحمني
بقلم / بنين_العوادي
.
.
عذروني ع التاخير بس ضروفي اقوة مني هذا البارت مميز ومختلف
الي يريد حسابي الانستا هذا اسمه banin_al_awadi
انشر بي استوريات حلوة وشغلات تفيدكم
متابعه شيقه احبائي⁦♥️⁩

علي :- جنت وي جماعتي رجعت للبيت
دخلت سلمت ع امي نزلت ميرة وموج كعدت

ميرة :- شلونك علي

علي :- هلا حبيبتي

موج :- هلاو علي

علي :- هلو حبيبتي وين ريم ؟

ميرة :- عيني يسال بس عن حبيبه القلب

علي :- لا صدك كل مرة هي تستقبلني هسه وينها؟

موج :- مريضه

علي :- شنوووو شبيييها

موج :- باوعت لميرة حتى تحجي خرب ذبت الجذبه بس عليه
ماادري علي اصعد وشوفها

علي :- ماشيي
صعدت واني كل ضني انو هي بيها شي لا سامح الله
دخلت وجان انصدم بمنظر الغرفه الخلاب والجمال والنزاكه الي بريم الي أخذ كل عقلي

دخلت وسديت الباب جانت الغرفه ظلمه وكفت يم الباب ورفعت حاجب وجتفت وكتلها
تعالي كداميي

ريم :- كمت وكفت كدامه
باوعتله صح فرحان بس شوي مبين ضايج
همست شبيك

علي :- ليش هيج هبطتيني عليج 

ريم :- وهسه انت ع هاي ضايج

علي :- تقربت مني سحبتها يمي
خفت عليج

ريم :- وهاي اني كدامك مبيه شي

علي :- شنو هاي ليش هيج لاعبه بالغرفه اليوم شكو ؟

ريم :- انت احزر

علي :- ممم عيد ميلادي

ريم :- هههههه خرب هسه احنا بشهر ل١ وانت بال١٠ شجاب عيد ميلادك لا

علي :- ممم لعد ماكو بعد

ريم :- فكررر

علي :- شمدريني

ريم :- لمست بطني شي يتعلق هنا
واشرت ع بطني
هو صفن شوي وادور فتح عيونه ع وسعهننن

علي :- حاااااامممملللل؟؟؟

ريم :- ههههه ييي

علي :- اني حالف بس تحبلين أهلهل
كلووووششششش

ريم :- عزة فضحتنا

علي :- شلتها بين اديه
لججج بودي هسه اصيحح فرحااان يا عالم فرحااان

ريم :- ههههه دوم الفرح تؤبر البي

علي :- لتخليني انتقم بيج مو انت حامل ستري ع روحج

ريم :- وهو لان حامل حبقى اسوي شغلات بكيفي لانو بساطه ادري بيك مسوي شي وتصير حباب

علي :- هسه اراويج الحباب