#أحببنا_بعد_عداوه_11
( الڪاتـبـةة ژوژو الطـشـهـه 💕 )
#نبي_تفاعل_قوي_وصلنها 300 لايك_فانزاتي❤️✍🏻
ثاني يوم الصبح يوم عرس آيات وياسين الي ترجن فيه كلكن الساعه 1:00 في حوش آيات آيات لمت كل حاجاتها ودبشها وكل لوازم الكوافيره ولبست عبايتها ووشاحها وطلعت لي الصاله لقت زينب وسكينه قاعدات فيها وزينب لابسه ترجا فيها
زينب:هيا نعدوا خلاص
آيات بي غصه:ايه
جت آيات لي سكينه وحظنتها وقعدت تبكي:سامحيني وادعيلي نعتبر فيك زي أمي انا
سكينه تلوي في فمها:جلال يرجا برا اطلعن هيا
آيات كأنه حد صب عليها اميه مصقعه من الصدمه وزينب نفس الشي انصدمت آيات عارفتها تكرهاا وعارفتها ماتقبلهاش بس الي مش عارفته هوا أنه للدرجه هذي قلب سكينه أسود
آيات=الشعور الي حسيت بيه مش قادره نوصفه توقعتها أطبطب عليا وتقولي انتي الي سامحيني وتحظني كيف أي أم يوم عرس بنتها بس لاااااا هيا كسرتني كسره لي اول مره في حياتي ننسكر بالشكل هذاا ااااه ياريت لو ماما وبابا عايشين كنت ح نكون فرحانه بس للاسف💔
آيات دموعها ينزلن بي غزاره:هيا زينب
طلعت آيات برا بسرعه وزينب شافت لي سكينه بي غل ولحقتها وركبن مع جلال الي طول الطريق يشوف لي آيات بنظرات غريبه وصلهن للكوافيره وعداّ....
____________
عند ملك ناضت لقت روحها في دارها قاعده في سريرها شعور حلو بالنسبه لها ابتسمت وناضت خشت للحمام غسلت وجها وطلعت لبست بيجامه لونها وردي ولمت شعرها فوق ونزلت وهيا فرحانه لقت باتها وأمها موتيين الفطور وقاعدين يرجوا فيها
ملك:صباااحو😊
هما بي ابتسامة حب:صباح النور
ريما:تعالي حبيبتي مجهزتلك فطور الي تحبيه
ملك شافت لي الطاوله وعيونها قروب عدت باست امها بي حب
علي:والله الحوش بدونك مالاش طعمه
ملك بي غرور:مش تعرفوا أنه بلايا انتم ولا شي
علي بضحكه قرصها من خشمها:امتى تبطلي غرورك هذا
ريما:طالعه لي باتها
ملك:قصفف😂🔥
كملت ملك الفطور مع هلها وهيا مبسوطه بكل....
___________
في المزرعه طبعا الكل واعي من الساعه 11 أحمد في المربوعه هوا وفريد وأنور وصهيب مكسدين برا يالا الباب وريان وهلها جوا وميما في الدار
عند ريان شالت فطور وعدت لي ميما في الدار وقررت اليوم لازم أطلع ميما من الحاله الي هيا فيها خشت عليها لقتها قاعده ع السرير وزي العاده ساكته ومصدومه
ريان مسكتها من يدها:ميما نوضي معايا
ميما تشوفلها وساكته
ريان مسكتها من يدها ونوضتها معاها وطلعت بيها للصاله
ريان بي عصبيه وغصه:نوران تلقي صفرة الفطور في الدار جيبيها والحقيني للحديقه
كلهن استغربت ونوران خشت تجيب في الصفره وكريمه ونجلاء استغربن ولحقن ريان يبن يشوفنها شن أدير………
___________
"حلقة اليوم نلقا وحده معلقه عليها بي ملصق ندبحها لأنه عندي ظرف وكتبتها بي رغم هكي😒😂"
_________
عند حسام ناض وحس راسه لأنه رقد واجد وهو مش عادته يرقد هكي ناض خش للحمام غسل وجهه وطلع برا شاف تيلفونه لقاه الساعه 1:05 انصدم
حسام:اوببا الزح الوقت هذا كله رقدت فيه
طلع برا لي الحديقه لقاه خليل يدخن وقاعد ع الطاوله
حسام:اووي
خليل ناض:تي وين النوم هذا كله نحسابك ميت وتتعذب قاعد طول الليل تهلوس قاعد😂
حسام:وشن قلت
خليل:ما تخلينيش ونبيك ومش عارف هلبا كلام😂
حسام:هلبا؟ ماعش فهمتك شرقاوي ولا غرباوي
خليل:باتي شرقاوي وأمي غرباويه
حسام:باهي كويس عدي ديرلي فطور بنموت من الجوع😒
خليل:ع عيني وراسي
عدا خليل جوا وجسام جا قعد ع الطاوله وتنهد بي حزن
حسام=كنك حسام شن جاك؟ انت حسام راه ماتفهمش في جو الحب ولا تبيله سريب ليش تفكر فيها واجد.. ممكن عشان أول مره تقعد مع بنت زي المده هذي شعور عادي بس البنت هذي بذات أنا مفروض ما ندورهاش لأنه باتها سبب مقتل خويا
رفع حواجبه بي حقد=ركز كويس وانسا الي تفكر فيه مجرد إعجاب وح يطلع
رفع حواجبه وطلع دخان من جيبه وقعد يدخن....
___________
في قصر ياسين مانحكيلكنش ع الأجواء الي تهبلللللللل طبعا القصر بي كبره زحمممه ومعبي أقارب من كل جيهه واجواء خياليه بكل وصوت المنظومه تسمعيه من وين لي وين واجواء بنات العيله وتهدريزة العزايز الي تهبل ولا يخلو الأمر من المحسديات والخبيثات والي يرجن في حاجه بسيطه تصير عشان يحكن عليها بس مع هكي أجواء سمحه بكلل...
