We Were Meant To Be

ep 2

#Unicode

+

ဂျီမင်သည် ခပ်လန့်လန့်ပုံစံလေးနဲ့ပဲ
ထိုလူစိမ်း၏ အခန်းထဲရောက်သွား
ရသည် ။အဆောင်ခန်းတွေက
ပုံစံတူတွေ ထင်ပါ၏။ဒီအခန်းရဲ့
ရေချိုးခန်းသည်လည်း ဝင်ဝင်ချင်း
ဘယ်ဘက်ထောင့်မှာပဲ ဖြစ်သည်။

+

" အမှန်တော့ ကိုယ် ဒီအဆောင်ကို
ပြန်မလာတာ ၂ ပတ်ရှိပြီလေ ..
ဒါကြောင့် အဒေါ်ကြီးက ၊မင်းကို
ဒီအခန်းကရေချိုးခန်း သုံးခိုင်းလိုက်
တာဖြစ်မယ် .."

+

ဂျီမင် အားနာစိတ်တွေတိုးသွားကာ
ထိုလူကို မော့ကြည့်နေမိသည်။
ဘယ်သူကများ ကိုယ့်အခန်းကို
တခြားလူ ဝင်လိုက်ထွက်လိုက်
လုပ်တာကို ကြည်ဖြူနိုင်ပါ့မလဲလေ။
ဒီလူက သဘောကောင်းလွန်းလို့။
ဒီလူ နေရာမှာ ကျွန်တော်ဆိုရင် ၊
ကိုယ့်အခန်းသော့ကို သူများဆီ
လွယ်လွယ်ပေးရမလားဆိုပြီး
ပိုင်ရှင်အဒေါ်ကြီးဆီမှာ သွား
သောင်းကျန်းနေလောက်မည် ။

+

ဒီလူကို အားနာလိုက်တာ ..

+

" ဒီအခန်းကိုလူမရှိဘူးပဲ ထင်ခဲ့လို့
ကျွန်တော်လည်း အခန်းသော့ကို
ယူခဲ့မိတယ် .. ဟို ..
တောင်းပန်ပါတယ်နော် .."

+

ဂျီမင်သည် မျက်နှာကို အောက်ချ၍
တောင်းပန်လိုက်တဲ့အခါ ထိုလူက
အားနာသွားဟန်နဲ့ ပြာပြာသလဲ
ပြန်ငြင်းပေးသည် ။

+

" မဟုတ်တာပါ .. ဒီကိစ္စလေးနဲ့
ကိုယ့်ကို တောင်းပန်စရာမလိုပါဘူး
ဂျီမင်ရှီ ~"

+

ဂျီမင်သည် နှုတ်ခမ်းလေးဆူရင်း
ခေါင်းကို ငုံ့ထားသည် ။ပြီးတော့
ပွစိ ပွစိနဲ့ တစ်ခုခုကို ​ရွဲ့စောင်းပြော
နေလေသည် ။

+

" ဒါ ..အဒေါ်ကြီးကြောင့်.."

+

တိုးတိုးလေးဆိုမှ တကယ့်ကို
တိုးတိုးလေး ဂျီမင် ရေရွတ်တဲ့
စကားကို ရှေ့ကလူက ကြားသွား
ပြန်တော့ ၊အသည်းယားသလိုမျိုး
ထပ် ပြုံးလိုက်သေးသည် ။ထိုလူ
သည် တစ်ချိန်လုံး ဂျီမင် ဆီကနေ
တခြားကို အကြည့်မလွှဲတတ်ပေ ။

+

" အဲ ..အဒေါ်ကြီးအီမီဆုလည်း
ဂျီမင်ရှီဒေါသထွက်မှာကို စိတ်ပူ
နေတယ်သိလား .. အဒေါ်ကြီးကို
ဂျီမင်ရှီကပဲ နားလည်ပေးပြီး
ခွင့်လွှတ်လိုက်ပါဦး နော် .."

+

ဂျီမင်သည်၊ဆက်ခနဲခေါင်းထောင်ပြီး
မျက်လုံးလေးပြူးကြည့်မိသည်။
ထို့နောက် တစ်ဆက်တည်း ထိုလူ
ကို ခေါင်းငြိမ့်ပြမိသည် ။

+

ဒီလူက သဘောထားပြည့်ဝလွန်း
တာလား ။အဒေါ်ကြီးအီမီဆု ကို
ကျွန်တော်ပဲ စိတ်ဆိုးပြီ ၊သူကကျ
စိတ်မဆိုးဘူးလား ? အင်းး ဒီလူလို
ကျွန်တော်လည်း သည်းခံတတ်ဖို့
လေ့ကျင့်ကြည့်မှပဲ။

+

"အာ..ဒါဆို ..ရေချိုးလိုက်ဦးနော်.."

+

ဂျီမင်ကို ထိုလူက နှစ်လိုဖွယ်ပြုံးပြ
လာပြန်တော့ ၊ဂျီမင်လည်း ပြန်ပြီး
ခေါင်းကို အသာရို့ရင်းပြုံးပြလိုက်
သည် ။

+

ထို့နောက် ရေချိုးခန်းဆီသို့ ဂျီမင်
ဝင်လာလိုက်တော့သည်။

+

••••We were meant to be•••••

+

ရေချိုးပြီးစီးသွားတဲ့အခါမှာလည်း
ဂျီမင် ထိုအခန်းပိုင်ရှင် ကိုလူချော
ကို မမေ့မလျော့ ကျေးဇူးတင်စကား
ပြောပေးခဲ့ပါသည်။လူမှုရေးအသိ
ခေါင်းပါးသူ မဟုတ်သည့်အတွက်
ကျေးဇူးတရားကို ထုတ်ပြောဖို့
ဂျီမင် တွန့်ဆုတ်မနေပါပေ။
ထိုလူက နွေးနွေးထွေးထွေးပြုံး
ပြလာသည့်အတွက်  ဂျီမင်သည်
လည်း ထိုနွေးထွေးမှုကို အပြုံးချိုချို
နဲ့ပဲ ပြန်တုန့်ပြန်ပေးခဲ့သည်။

+

•••••••••

+

ညနေစောင်းအချိန်တွင် ဂျီမင်
သည် အခန်းလေးကို ရှင်းလင်း၍
ပါလာတဲ့ ပစ္စည်းတွေကို နေရာချ
သည် ။ထို့နောက် အသင့်စား
ခေါက်ဆွဲထုပ်လေးနှစ်ထုပ်ကို
ပြုတ်ပြီး ညနေစာအဖြစ် သုံးဆောင်
လိုက်သည် ။မနက်ဖြန်က ပထမဆုံး
အလုပ်တက်ရမယ့် နေ့ဖြစ်သည်မို့ ၊
ဒီညတည်းက အင်္ကျီအသစ်လေးကို
မီးပူတိုက် ၊ရေမွှေးလေး ကြိုစွတ်ထား
ပြီး နံရံကပ် ချိတ်လေးမှာ ချိတ်ထား
သည် ။

+

အားလုံးပြင်ဆင်ပြီးစီးသွားတဲ့အခါ
ဂျီမင် မိမိ၏စားပွဲခုံမှာ စမက်ကျကျ
နေရာယူလိုက်သည် ။ကျွန်တော်က
online website တစ်ခုမှာ ဝတ္ထု
အပိုင်းတိုလေးတွေ ရေးတတ်သည်။
ကိုယ်က မှုခင်းအကြောင်းအရာတွေ
စိတ်ဝင်စားတော့ အခုဆိုလည်း
မှုခင်းအကြောင်းတစ်ပုဒ်ကို ဝတ္ထုရှည်
အဖြစ် ဖန်တီးကြည့်နေသည် ။
လူသတ်သမားနေရာကနေ ဝင်ခံစား
ပြီး ရေးကြည့်ရတာ သိပ်တော့မလွယ်။
ခေါင်းလည်း အတော်စားရသည်။
ကိုးကားဖို့ရာ နာမည်ကြီးစုံထောက်
ဝတ္ထုတွေအများကြီး ဖတ်ခဲ့ပေမယ့်၊
လက်တွေ့ရေးတဲ့အခါကျ စုံထောက်
နေရာကမဟုတ်ဘဲ လူသတ်သမား
နေရာကဆိုတော့ ကျွန်တော့်အနေနဲ့
အမှန်တကယ် ဝန်ပိရသည် ။
အပိုင်းသစ်လေး တစ်ပိုင်း တင်ပေး
ထားတော့ ကျွန်တော့်စာဖတ်သူတွေ
က နောက်တစ်ပိုင်းကို စောင့်မျှော်
နေကြကြောင်း Mail လာလာပို့တတ်
သည်။

+